Sandi
Li kati 22
1. JISAS BETANIARA BALAN
a. Jisas, Betaniara aula sturka walan pyuara, Mery dia daukan an nahki aikasak lukan param marikan? Jan 11:20–22.
"Lasarus pruanba dukiara pamalika nani ini banhwikan, baha tilara kum kum lika Jerusalenra wark tara brikan, an Jisas mapara palikarna aisikan. Jisas bahasut nukan baha taka Betaniara aulaba dukiara publik munraskan.
"Jisas aulaba dukiara Marta kiamakat win upla wala nanira yaban walraskan.
"Marta sturi brinba ninkara tawa taki latarawan Jisas wal prawaia aikupiaba liliakan Jisas balanba dukiara. Jisas mawanbara maihsanihkra an latwan laka marikikan. Marta witin Jisasra kasak lukiba mini kumira sin tikraskan, sakuna aisinskara balikan ailakrika Lasarus pruanba dukiara. Marta kupiaba sari laka wihrika wal aibanhwankan, Jisas balraskanba dukiara kau Lasarus pruraskan kainara, sakuna kauban bila kaikanka brikan Jisas diarakum sip daukbia, bara naku aisan: ‘Jisas, man narakapram sat kata laikra pruaia apiakan.
"Jisas kaikan Marta nakra layaba an kupia bilara sari tara brikanba. Inikira Marta aisikan: Jisas narakan satkata laikra pruaia apiakan, sakuna ban yang kasak lukisna kauban witin dia Dawan Aisara makabiaba aikupia lakakat daukan kabia." —The Desire of Ages, pp. 529, 530.
Mundi
Li kati 23
2. BILAKAIKANKA PRAMISKA KAU TARA
a. Jisas mita Marta ra nahki aisan. Jan 11:23. Marta nahki aitanka brin? Jan 11:24
"Jisas mita Martara tawi naku wisata: ‘Lamkra kli bubia’. Baha Jisas aisankawal Marta lukraskan sin baha minitkara takbiaba dukiara. Jisas aisan las pyuara kasakkira nani sut airaitikawina bubia awarkara. Jisas mita Lasarus ra pruankan wina kli bukanba lika patran kasak kum bakusa Dawan pramiska taraba kasakkira nani naiwa airaitikara prawi banhwiba sut bukan kabiaba tanka.
"Marta tawi Jisas ra naku ansa munan: Yang nusna laikra kli bubia tnata yuara.". The Desire of Ages, p. 530.
b. Marta kasak lukikanba Jisas nahki kaikan? Jan 11:25; 1 Jan 5:12.
"Jisas aimawalara aisi traikaikan Marta kasakka lakaba, wapni kabia, bara wisata: ‘Yang sika klibuaia tankaba an raiakabasin.’ Jisas raiakaba lika selp aidukia upla walawina briras. ‘Ya luhpia briba raiaka brisa.’ 1 Jan 5:12. Jisas witin Dawan bakuba mita kasak lalukra nanira bapanka tarakum yabisa." – The Desire of Ages, p. 530.
c. Dia pramiskaba wan kasakka lukan bapanka tarasa? Marta kasak lukikanba nahki Jisas tukin daukanbawal aslasa? Jan 5:26; 11:26, 27
"Jisas witin Dawan baku baha minitkara kaikikan tnata pyuara aima walra tasbara balbia pyuara kasak lalukra nani pruanba airaitikawina bubiaba kli pruaia apia bankaiara. Lasarus pruanba Jisas mita baha minitkara bukaikan, patran tarakum baku witin karnika briba ya ya witinra kasak luki pruan naniba tnata yuara kli bukan kabiaba tanka. Jisas aidaukanka an ai smalkankawal marikan witin karnika briba tanka upla pruan nani kli bukaia sipba, kan witin raiaka briba lika selp aidukiasa bamna. An pramis painkira kum wan munansa bankaia raiaka wankaia witin aibila wali kumi banira.". — The Desire of Ages, p. 530.
Tiusdi
Li kati 24
3. JISAS INAN
a. Aisas Mery daukanka an aisanka nahki kanba? Jan 11:28–32.
b. Mery an jû nani kum kum inikan kaikan pyuara Jisas diadaukan? Jan 11:33–35.
"Jisas witin Dawan baku kaikan jû nani ailal Marta lamara initaliakanba lika rait aihwa apia des purataia baman kunin daukikan sakuna aikupia muhtara rait sarikum lika apukan. Jû nani ailal barakanba witin nani plikikan nahki muni Jisasra ikaia, setan suliarka mawan wal purataia baman kasakkira pulibanhwikan. Baha minitkara Jisas sipkan diara nani witin kaikiba kler sakaia, sakuna Marta respekkara witinka lika rait aihwa sari wihra brikanba Jisas minakat kahwi inikanbara luki aibila prakan diara aisaras banswin.
"Jisas mita Marta ra makabi walan: ‘Anira bikram Lasarus ra’ Marta tawi Jisas ra wisata: ‘Bal kaiks’ bara taki wapan raitira baha minitkara rait aihwa Lasarus panikanba wihki Lasarus lakrika nani aikuki ini wapikan aikupia muhtawina. Bara Jisas sin inan. Ao, witin Dawan kan sakuna upla takanba mita wan sarka nani twilkan an wan lilika nanisin tilarakan. Purataia baman lika apia sakuna rait aihwa palikan.". —The Desire of Ages, p. 533.
c. Nahki yawanra patrankum kaiasa Jisas daukanba wina? Roman 12:1.
"Jisas daukanka wina yawan lisin tara lantakaiasa wan uplika wala ini sari brisa pyuara witin naniwal yawansin sarikaiasa, bakusin liliasa pyuara aikuki lilia kaiasa. Wanwina kat baman lika kaikaia apiasa sakuna dia sipbawal wan uplika wala nanira helpmunaia kan baha yawan lantakisa Jisas wina. "—The Ministry of Healing, pp. 157, 158.
Wensdi
Li kati 25
4. DAWAN AN UPLAWAL WARK TAKAN
a. Jisas mita dia adarka yaban ailamarakan nanira? Marta dia aisan, Jisas tawi dia wisata? Jan 11:39.
"Jisas mita wisata: ‘Walpaba saks’, sakuna sin minitkara setan mita upla kum kumra yaban namhpara lukanka brin. Jisas wisata, yang wark daukainaba yabalka rididauks. Sakuna Marta brindaukraskan ailakra wina pat puskanba upla nani kaikbia. Yawan upla wankupiaba isti apiasa Dawan aisanka naniba tanka briaaia, Marta kasakka lukan lakaba kau rait aihwa Jisas pramiska aiskasut tanka briraskan. . .
"Jisas mita latwan lakawal Marta kiama auban, minitkum witinra kasak lukraskanba tawan. ‘Pat maiwiri kasak lukismasa kaka man kaikma Dawan karnikaba’ Dia muni ban namhpara lukisma yang wark daukaia karnika brisnaba? Diakan aisanki mapara satwala lukisma? Wantsmasa kaka Dawan karnikaba kaikma. Upla sip apiaba, Dawan lika sipsa. Namhpara an kasak lukras uplikaba bawan laka apusa. Sakuna ya rait aihwa kasak lukisa bawikira bilakaikisa. . .
"Jisas mita sipkan dairik walpara wiaia saitra taubia, an walpaiaba bilawalaiakan, apiasa kaka heven ensalka nanira sipkan wiaia walpaba sakbia an bilawalaiakan. Sakuna Dawan wantkan upla mita walpaiaba sakbia. Uplaba Dawanwal asla warktakaiasa. Upla daukaia sipdukiaba swisa upla mihtara. Dawan mita diarasutba witin yakan daukras, upla warkkasin barasa. Sakuna witinwal aslawarktakisa sinska laka an karnika yabibawal aitani takisa wark daukaia.". — The Desire of Ages, p. 535.
b. Dia Jisas aisankaba latwan lakawal wan kiama aubisa? Jan 11:40.
"Upla ailal rait aihwa kasak lukras. Ba mita Dawan karnikaba sip kaikras. Kasak lukrasba taka swapni bansa. Wark ailal daukaia lukisa sakuna aipura suni Dawan mihtara aimakras, ban traikaikisa selp yakan daukaia. Witin lukisa kasak lukan laka brisa sakuna minit kum bamanra, Dawan wal asla warktakras baha taka sip pawanka briras aikasakka lakara." — Christ’s Object Lessons, pp. 145, 146.
Tausdi
Li kati 26
5. JISAS MITA LASARUS PRUAN WINA BUKANBA
a. Jisas nahki aipura sunan Lasarus raitika lamara? Jan 11:41, 42.
"Laskat Jisas bilawali walpa kataba saitra lakan. Kler an paramra daukan yukwanra apia. Uplasut sipkan kaikaia. Lasarus winataraba walpa untika kumrakan, kauhla an binapu pliskara. Mairin ainra nanisut takaskan Jisas dia daukbiasa kaka kaikaia. Raitika lamakirba upla nani aipaswikan sakuna kumisin sturi aisaras aman kaikikan.
"Bahara Jisas winan Dawan Aisara an param aisan Luhpia baku."— The Desire of Ages, pp. 535, 536.
b. Dia Jisas aisan bara Lasarus pruanwina buan? Jan 11:43. Dia takan baha minitkara? Jan 11:44
"Jisas bila baikra Lasarus kiamakat diman. Jisas lika uplakan sakuna witin Dawankanba kler param takan. Aimawanba ingnitakan Dawan glorika baku, upla nani kaikan aikarnika tara briba. Uplasut nakraba walpa untikabakat aman kaikikan. An aikiama amanpali walikan dia binkum takbiasa kaka walaia. Nahara kler marikan Jisas ba rait Dawan kanba tanka, parisi kumisin sipapiakan mapara aisaia, kan uplasut kler kaikan Jisas warktakara daukanba.
Raitika unta bilara binkum takan Lasarus pahbaltakan. Lasarus pritakan, uplasut mawanra buikan, sikniskira kum baku lika apia sakuna wahma karnakum bakukan. Ai nakraba ingni an sinslaka tara brikan Jisas latwankara. Jisas minakat kahwan an mayunra tara daukan. "— El The Desire of Ages, pp. 536.
Praidi
Li kati 27
MAKABANKA LUAN NANI BA LAKI KAIKS
1. Aisas nahki Lasarus lakrika nani Jisasra kasak lukikanba?
2. Marta an Mery bakusin kristian sutra Jisas dia pramis munan?
3. Dia muni Jisas inan?
4. Nahki upla an Dawanwal asla warktakan baha tukin daukan kara?
5. Lasarus dia daukan Jisas mita witinra winan pyuara?