Pas sabat kaliksanka

Priaswatla makaia Prokhorovka tawankara, Rusan kuntrikara

Rusan kuntrikaba tasba tarapali brisa kuntri wala nanisut purkara, 6.612.073,2 mails tnaya walhwal sut kilumitara lakbiasa kaka lika 17.125.191 km2, upla ailal pali naha kuntrikara iwisa 147.000.000 pitka.

180 kuntri wala sat sat wina bal nahara iwisa, bara serts daknika sin satka ailal naharasa. Kiatalik sertska tnawa tarakum nina Ortodoxa rusa nina makiba lika 41.1% upla brisa, ninkara kristian daknika naniba brisa 6.3%, Islam daknika lika brisa 6.5%, walakum nina tengrista wisa baha nani brisa 1.2%, budismo nani brisa 1.2% upla kristian apia naniba lika 25.2%, Dawanra kasak lukras uplika nani lika 13%

Adventist kli raya takan daknika nahara baldiman kata trabil ailal tilak. Muihni manas rausauhkanka nani brihiakawan kata, kum kum sin tilara pruan sakuna wednis painkira yaban kata gaspel sturka yamnika Jisas tasbara balanba dukiara aisikawan.

1990 manka danhtakaia bailara, Baibil warkka tatakra waiknakum aimaiawal rusanka kuntrika bilara diman, Dawan warkka daukaia. Upla mawalkum aikuki aslatakikan sakuna priaswatla lika kau sip makraskan. 2006 manka tnatara, witin nani tasba sirpikum brihiakawan Prokhorovka tawankara, bahara iwi uplika nanilika insla warkka tatakra palisa, ban saumuk mâ sat sat manki banhwisa, awala tarakum nina psyol makiba unra, bahawina kau muna tanira lika barasa tawankum nina Kursk makiba, bahara lika ayan ailal pali sakisa.

Dawan kupia lakakanba mita yawan utla sirpikum atki brin bahara aslatakikaia. Sakuna membars ailal takanbawal utlaba sirpi bakusa. Nahara membars nani karna warktakisa priaswatla kum makaia sakuna man nani helpkam sin nitsa bahamita naha katira man sipsma liliakira mihtan sakbi presantkam wankram kaia.

Man muihkam an lamkra nani Prokhorovka Rusan wina