Sandi
Lih mairin kati 4
1. PASKAN DUKIABA WANKUPIA KRAUKAIA
a. Yu kumira Dawan dia dukia paskan? Blasisturka 1:3–5.
"Taura, Dawan bila papaskraba mita yaban ingniba baltakan tihmiabawina, bara ingniba ai ingnika sakan.". — The Desire of Ages, p. 464.
b. Ya Jisaswal asla tasbana paskan? Blasisturka 1:1, 2; Jan 1:1, 2; Kolosi 1:16.
"Taura, paskan dukia nanibak Dawan aikarnika marikan. Jisas mita kasbrikaba sityapa baku palkan an tasba plamaiaba bapan. Witin mita naha tasbara prana painkira daukan an pasa minara lawana nani mankan. An baha dukia nanisutra Dawan latwanka sturka ulban.". — Ibid., p. 20.
"Jisas mihtaba sika tasba nanisut alki briba swin kauhras, an sin mihtawal yaban paskan dukia nanibasut adarkat aiwarka daukisa swapraskira, sin baha mihta painkira sika dusprignira swaki wansakaia dukiara saban kanba.". — Education, p. 132.
Mundi
Lih mairin kati 5
2. INGNIKA KUM TWILAWANRA
a. Nahki Israel luhpia nanira tapakan twilawanku? Impakan sturka 13:21, 22. Dawan ingnika nahkikan tihmiara an kaknara? 1 Korint 10:1-4
"Dawan aiuplika nanira param takiba, ingniba lika patrankumsa Dawan wantilaraba tanka. Dawan aibila karnika tarawal ta palira ingniba paskan tihmiaba wina. Israel luhpia nani twilawanra wapikan pyuara klaut mina ingnikaba kaknara ta brikan an tihmiara klatka minaba pauta takikan.". —Los Hechos de los Apóstoles, p. 199.
b. Dia Dawan pramis munansa aiuplika nanira kankahbaia? Lawana nani 105:39; Aiseya 4:5, 6.
"Prapit Aiseya ulbanka kau pain an maihsanihkra wankiba lika Israel luhpia nanira Dawan kankahbanba twilawanra klaut mina ingni kaknara an pauta baku tihmiara. Bakusin las aiklabankara Dawan luhpia nanira main kaikan kabiasa. "— Patriarchs and Prophets, p. 283
c. Dawan nahki saina ilra param takan, Moses an Israel luhpia nani dia daukan? Impakan sturka 19:16–18; 20:18, 19; Hibru nani 12:21.
"Saina il purara Dawan mawan ingnikaba lika pauta klahwan bakukan, israel luhpia sut aslatakan nakrara. Prana tara an sibrinkirakan, Israel luhpia nani ban tatatwi aimawan tasbakat kahwan."— Ibid., p. 304.
"Dawan mawan ingnika painkira an karnakiraba sip upla stanmunraskan. Moses palisin naku aisan: ‘Yang sibrin mita ban tatatwisna’. Sakuna Dawan mita karnika yaban aimawan ingnikara kaia. Moses il wina baliwan pyuara aimawanba sin ingnikan."— Sons and Daughters of God, p. 225.
Tiusdi
Lih mairin kati 6
3. INGNIKA DAWAN WATLARA
a. Tent watlara Dawan nahki param takan? Impakan sturka 40:34, 35.
"Twilawanra Dawan mita ai albika Mosesra adar yaban tentwatla paskbia dukiara. Israel luhpia nanisut tentka watla lamakir asla taki banhwan kata kulkanka tara yabiwal. Sin minitkara hevenwina klaut pihnikum tentkawatla purara balan kli klautka kata tentwatla yarka bila ulra kutban. Moses palisin sip tentwatlara dimraskan. Israel luhpia nani naha sainka tarana kaikan ban lilia mita nakra laya takikan. Bin satka kumisin daukras uplasut saptakan kata. An Dawanra tingnika yaban kumi bani aikupiara, baha satka wina wala apu Dawan aimawan ingnika marikanba dukiara." — Patriarchs and Prophets, pp. 349, 350.
"Tentwatla bilara kau holi pliskabara Lâ Matawalsipba barakan gûl bakska kum bilara baha puraba nina makikan Shekinah tankaba Dawan mawan ingnika; ensal wal gûlni paskan barakan, Dawan aikupia lakaba bahara param sakikan. Ao, samtaim pris wihtara dairik klautbawina sin aisikan. Samtaim wan mihta aihkikara ensal baraba kat ingnika kum takbiasa kaka baha tanka Dawan kupia laka, sakuna wan mihta smihsaitra ensalkara klau siksa kum takbiasa kaka Dawan kupia laka apia."— Patriarchs and Prophets, pp. 349, 350.
b. Dia takan Salaman tempel watla blesmunan pyuara?. 2 Kronicas 7:1.
"Tentwatlaba painkira makan kata, Dawan mita ai albika Mosesra marikan saina ilra nahki makaiaba patranka bawina David ra sin marikan kata. Tentwatla naha tasbara daukanba lika hevenra rait aihwa baraba lilkika kum baku. Lâ Matawalsip bakska purara ensal wal gûlni paskanba wina King Salaman mita kau ensal wala wal paskan bakskaba minarakan baha tanka Dawan aiuplika nanira mainkaikiba".— Testimonios para la Iglesia, tomo 1, pág. 322.
"King Salaman Tempel watla makan pyuara Dawanra mayunaia dukiara upla ailal aslataki lawana aiwanikan muisik binka satka kat, bara baha awarkara hevenwina klaut baliwan sin twi biarara Moses pyuara kataba baku. Pris nani sip tempel watlara dimraskan Dawan mawan ingnika barakanba mita. ". — Spiritual Gifts, tomo 4a, págs. 113, 114.
Wensdi
Lih mairin kati 7
4. GASPEL STURKA INGNIKA
a. Dia Jisas aisanka Jan 8:12 raba bilakaikanka wankisa?
"Gaspel sturka yamni smalkankaba pasin tara ar sinskira nani aitanka briraskan smalkaia. Witin nani kasak aihwaki aipura suni an prapit ulbanka naniba stadi takikan sat kata nukaiakan ahkia Mesaia aisubitakaiaba tanka. Sakuna witin nani naha diara tankasin briraskan, Dawan ensalka mita upla umpira nanira sturi yamnina yaban kata. Dawan ingnikawina saitra taki nit taimkat plikiba witin nani tihmiara takaskan kabia." —The Great Controversy, p. 312
"Dawan mita heven ingnika aitani wankansa yawan diara tara an tihura bara naniba wantanka briaia. Apastel Jan naku aisata Jisas dukiara: ‘Raiakaba witinra kan, an baha raiakaba upla nanira ingnika yabikan’. Raiaka an ingnibawal aslasa, ingniba apusa kaka raiakaba sin apusa. Sakuna upla kumi banira Dawan mita heven ingnika yabansa, bahawina saitra taubiasa kaka lika tihmiaba wan kutbi bribia. Jisas naku wisata: ‘Ya yang nini blikisa kaka witin tihmiara taukbia apia, sakuna raiaka ingnika bribia’. Naha tasbara yawan iwinara raiaka apusa yu ingnika yabras kaka. Sin tnatkara wan aisisa Spirit Holikira mita wan tabriras kaka yawan raiaka apukabia." —Sons and Daughters of God, p. 281
b. Jisasra yawan aula pyuara nahki witin wanbrisa? 2 Korint 3:18.
"Naha tasbara tangni an dus nanisut yu ingnika plikisa, kan baku baman sipsa pain pawaia an ai mâ sakaia, sin tnatkara Jisas nina blablikra kumi bani nitsa yu banira Dawan mawan ingnika plikaia, ai daukanka, ai wapanka nanisutra kasak kaia dukiara. Blising briaia sinslaka an karnikasin briaia traika kaikan mapara aiklabi pura luwaia. "—Ibid., p. 26.
"Ani uplika heven ingnika brih kulkanka yabi an aitaimka mankisa pyuara witinra kau an kau ailal yabankabia bara heven tanka kasak aiskasut witin brinkabiasa.". — The Great Controversy, p. 312.
Tausdi
Lih mairin kati 8
5. INGNIKA WANKUPIARA
a. Nahki Jisas ingnika sipsa wan raiakara ingwaia Pal aisan baku? 2 Korint 4:6.
"Dawan tanka kasakba staditaki lantakan kaiasa wan sinskara briaia. Wan raiakaba wihki Jisas raiakawal asla pali takan kaiasa. Jisas tasba paskan pyuara tihmia tarakan pyuara adar yaban ingniba baltakbia, sin baku naiwa wilinsa wan kupiara heven ingnika bribalaia an Jisas tanka kasak aiskasut briaia. Spirit Holikira mita wan sinska kwakbia naha diara nanina tanka kasak briaia. Jisas mawan ingnikaba mita wantapakbia heven watlakat wanbrihwabia. Baha pyuara Jisas mawan yawan kaikan kabia uplakum baku.". Christ’s Object Lessons, p. 149.
"Jisasra kasak lalukra kumi bani witin param kaikbia heven ingnika. Wan kupiara Jisas bal iubia an bahara takasbia. Wan sinska lukra, wan daukanka, wan wapanka nanisutbara Jisaswal baku takan kabiasa. Upla wala nani wan kaikiba aitanka brinkabia Jisas yawanra iwiba tanka an mayunra yabankabia.". Testimonios para la Iglesia, tomo 6, pág. 477.
"Bui ingnikam mariks, kan heven ingniba manra balansa, an Dawan mawan ingnika man puramra balan’. Aiseya 60:1. Marit waikna aulabara bilakaiki nanira wisa. Jisas aikarnika aiskawal aulasa. Selp ai ingnika an Dawan Aisa ingnikawalsin. Heven ensalka nani sutwal aula. Naha tasba aiskana tihmia tarakum bakura kabia, sakuna Dawan uplika nani lika ingnikaba brikabia an kaikbia Jisas pasa minara balbia pyuara. Saura dadaukra nani Jisasra brindaukraskan baha pyuara plapan kabia yukwaia plikbia Jisas mawan ingnika wina. ". Ibid., pp. 420, 421.
Praidi
Lih mairin kati 9
MAKABANKA LUAN NANI BA LAKI KAIKS
1. Baibil dia wanwisa Dawan Aisa, luhpia Jisas an Spirit Holikira tasba paskanba?
2. Aisas nahki Jisas param takan Israel luhpia nanira twilawanra?
3. Jisas mawan ingnika nahi barakan Tent watla an Salaman tempelkara sinbaku?
4. King Salaman tempelka watla blesmunan pyuara nahki Jisas param takan?
5. Yawan kumi banira nahki Jisas mawan ingnikaba param takisa?