Sandi
Lih mairin kati 11
1.INGNIKA DUKIARA PAT PRAPIT AISANKAN
a. Spirit Holikira mita prapit Aiseyak dia aisan Jisas dukiara? Aiseya 49:6.
b. Jisas sirpikan blesmunaia tempelra bribalan pyuara prapit Saiman dia aisan? Luk 2:32.
"Serts almuka an prapit Saiman mita aisankan Jisas dukiara naha tasba ingnika baku an Israel luhpia palira kau. Luk 2:32. Saiman naha aisan ba lika patitara pat prapit Aiseya aisankan Spirit Holikita mita sinskara ingni bribalanba pyuara. Manba yang albikisma Jekob kiamkawina dakni sirpikum bansakanba bukaia; baku sin maikrisa nesan wala nanira ingnika kum kaia dukiara lasbakat. Aiseya 49:6. Naha prapitka aisankana lika upla nanisut aitanka brikan Mesaia dukiara aisisa, sin Jisaska naku aisan: ‘Yangsika naha tasba ingnika’ upla nani baha pyuara walikanba sip naha tanka briraskan. "— The Desire of Ages, p. 465.
"Dawan mita aimarikan maiam waiknaba lilia apiasa nahki tnatkara manwal iwiba? Manwal marit takan utlabila karbanka naniba walsut pahpaiara kabia lukikan? Maiam waikna lukikan nitapia kabia manra witin mita ailukanka kat maibrih wakaia? Sakuna brindaukisa lilia,kupia kumi latwan lakawal iwikaia".— The Desire of Ages, p. 465.
Mundi
Lih mairin kati 12
2. INGNIKARA BAHKI KULKAN
a. Jû ta uplika nani nahki Jisas maparakan? Jan 1:11; 8:13.
"Jisas raiaka an smalkanka sutwina sipsa lantakaia bawan laka, kupia pihni, wark yamni dadaukra an aiwalkara help mamunra baku. Baha taka parisi nani mita misbara kaikikan witin nani ai tnatkaba satwalakan ba mita. Setan mita sinskara dinkar Jisas warkkabara saura kaikaia an upla nanira yabal yamni wina mahwakisa baku. Las Jisas King aimakaia lukanka apukan taim parisi nani nutakan witinba Mesaia apia, uplara kunin mamumra kum baku, bara tnatka plikan nahki muni Jisas raiaka sakaia. ". —Spiritual Gifts, vol. 4a, p. 117.)
b. Jisas mita parisi nanira nahki kler aisan? Pana dia ansika yaban? (Jan 8:14–18.
"Parisi nani turbi kaiki an stadisin takraskan prapit ulbanka nanira Mesaia dukiara aisiba, setan mita sinskara blain baku daukan, witin nani aitanka briraskan. Ao, Dawan warkka wisi lika daukikan sakuna purataia baman airaiakara Spirit Holikira mita aitabriraskan, kler pali witin nanira Jisas mita param marikan sakuna aitanka brihiakauras kan. Ta wina aikupia karnadaukan Jisasra kasak lukaia apia, bataka Setan mita sinskara tihmia daukan, bara Jisas warkka sutra saura baman kaikikan. "— The Spirit of Prophecy, vol. 2, pp. 354, 355.
c. Parisi nani kasak lukraskanba wihki Jisaswal dia difrantka barasa? Jan 8:19–23
d. Jû nani mita Jisasra briraskanba taka aipurara dia trabilka balan? Jan 8:24; Matyu 23:38
Tiusdi
Lih mairin kati 13
3. WAWALRA SATWAL
a. Jisas mita parisi nanira wisata aikupia lakras kaka aisaurkara ban prubia. Parisika nani mita Jisasra nahki taibi munan? Jan 8:25.
"Jisas aisankara nuapia baku parisi nani mita makabiwalan: ‘Man yâ? Parisi nani brindaukikan Jisasra taibi muni yaka aisaia witin Mesaiaba tanka. Jisas daukanka an warkka ba dia parisi nani bilakaikikanba kat waraskan, setan mita sinska blakan kauni Jisas maparakan an kuninkira baku kulkikan.".— The Desire of Ages, p. 465.
b. Jisas dia param sakan Dawan Aisawal witin aslaba dukiara? Jan 8:25, 26–29.
"Jisas raiakara minit kumirasin Dawan Lâ ka wina saitra tauraskan. Diara kumisin Jisas daukraskan Dawan Aisa kupia laka apiasa kaka. Ensal nani mawanra, upla nani mawanra an ulasa nani mawanra Jisas aisi wisata: ‘Pyu banira Dawan Aisa kupia lakakat daukisna’ Jan 8:29. Parisi nani mita mani yumhpara Jisas nina blikikan aidaukanka ar aisanka mistik kum pliki. Setan ai ensalka sutwal traikaikan Jisasra batakaia; sakuna pyu banira Jisas aihwakikan an Dawan Aisa mihtara alkibankan. Ninkara débil nani palisin naku aisan: ‘Man lika holikira Dawan luhpia’." — Testimonies for the Church, vol. 8, p. 208.
c. Nahki Jisas yu banira Dawan Aisawal taukikan? Nahki yawan bahawina lantakaiasa? Jan 15:10; Epesu 2:4–6.
"Jisas, upla baku nahki kanba baku Dawan brindaukisa ainina blablikra kumi bani witin wina lantakbia. Spirit Holikira karnika an sinslaka wankibawal yawan sipsa.". — Ibid., p. 289.
"Jisas raiaka naha tasbarakan pyuara, ao witin trabil ailal tilarakan, sakuna prilaka brikan. Waihla nani praut taki Jisas nina blikikan pyubanira, sakuna Jisas naku aisan: ‘Yangra aiblikanba yangwal bansa; yangra ban lulki yakan aiswiras, kan witin aikupia lakakat daukisnaba mita’. Jan 8;29. Setan nahki traika kaikan bribalikanba tilara Jisas saplaka brikan, kan Dawan Aisa mihtara alkanba swiraskan bamna.".— Thoughts From the Mount of Blessing, pp. 15, 16..
Wensdi
Lih mairin kati 14
4. INGNIKA SAKAN
a. Jisas mita parisi nanira diara raitba win taka, wawalra kasak nani dia daukan? Jan 8:30.
"Jisas, witin trabil nani tilara nukan nahki kaiaba, sapkira an aisinska yusmunikan, upla kumira ban pat mihtara kahbraskan. Jisas aisanka bila naniba lika sin surd malakira bakukan an dusa kakauhbra nani kupiakat dimiwikan. Jisas uplara aisisa pyuara dakni tara ar sirpikabiasin wawalra nani kupiakat sabikan. Aibila wina sturi takiba ban bahkira lika takaskraskan. Wawalra kumi bani mihtara swikan briaia apiasa kaka bahki kulkaia. Pasin an smasmalkra nani Dawan bila uplara smalkiba karnika taraba lika Dawan wina briaiasa bara aiwarkka nani ban bahkira kabia apiasa. Dawan bila kasakkaba karnika tara brisa upla kupia karnakiraba krikaia. Bila karnika surd malika bakuba wan nakrani lika kaikras sakuna bin daukraskira upla kupia krikisa. Ya bilaba walisa ao taki kasak lukbia naniba ai mana painkira brinkabia, wala nani walisi daukras an kasaksin lukras kaka selp aipahpaiarakabia, la tara yuaara bahasut aimawanra sakan kabiasa."— The Signs of the Times, February 6, 1896.
b. Heven ingnika wan walkara yabi pyuara nahki blisin yawan brisa?. Lawana nani 27:1; 147:15; Aiseya 55:10, 11.
"Waikna kum kum bankra pasin warkka lika sip daukras sakuna Dawan warkkara sipsa wark satwala ailal baraba tilara dimaia. Waikna an mairin nanisin ban bahki kaia apiasa aiwatla bila paliwina takrikaiasa, ai luhpia nani aikuki Dawan warkka daukaia, ai lamara iwiuplika nani aikukisin. Dawan wark kaba sat sat daukaiasa plis kumira baman lika apia. Bankra umpira waunhtaiasin la napia bara wisi iwi diara daukras kaia apiasa, sipsa utla utla wih kaikaia siknis uplika nani, silakra an hospital ra siknis prawi nanibasin.".— Testimonies for the Church, vol. 7, p. 21.
Tausdi
Lih mairin kati 15
5. ALBA LAKA AN PRI LAKA
a. Jû nani Jisasra kasak lukan nanira diawin? Jan 8:31, 32. Kasak lukras nani nahki kaikraskan pritakaia lakaba? Jan 8:33-36.
"Parisi nanira setan mita kau alba laka an taibanka saura mina muhtara brikan.
"Upla kumi bani Dawanra airaiaka yabaia wantapiaba witin lika setan albika lakarasa. Uplakumba sip yakan aiwina kuntrul munras. Sipsa witin aisaia prilaka dukiara, sakuna aidara walras sa setan mita alba brika tanka. Sip diara rait, kasak an holiba tanka briras kan setan mita ai sinska tihmia daukansa. Sipsa uplakum lukaia yang selp dia wantsnaba daukisna sakuna sintaim setan mina muhtaraba aidara walras. Jisas balan upla kumi banira prisakaia dukiara setan albika lakawina.
"Swaki sakan lakara uplara taibi munras. Spirit Holikira mita uplara taibi munras aibila walbia dukiara. Spirit Holikira mita uplara yabal wal marikisa raiakaia yabalka an prura bankaia yabalka, upla kumi bani wahbi briaiasa anira waia wantba. Ao, yawan yakan lika karnika apusa setan albika lakawina langwi takaia, sakuna Dawan helpka makabisa pyuara karnika wankisa langwi taki an prilaka briaia.
"Jisas wan raiakara bal iwisa pyuara uplaba karnika brisa saurka albika lakawina pritakaia. ‘Raitba mita primaisakbia’; an raitba lika Jisas. Saurka mita upla sinskara wik daukisa, tihmia daukisa taibi brikaia dukiara. Jisas prilaka wankiba lika wan nakra ilingnisa, sins laka wankisa, an karnikasin saurka mapara puraluwaia.". —The Desire of Ages, p. 466.
Praidi
Lih mairin kati 16
MAKABANKA LUAN NANI BA LAKI KAIKS
1. Saiman Jisas dukiara aisanba tanka diasa?
2. Parisi an aiulbra nani mita Jisas maparakan dukiara aisas.
3. Jû nanira nesan kum baku dia trabilka balan Jisas briraskan taka?
4. Upla kupia bawi an wilinkiraba nahki Jisasra kasak lukisa?
5. Gaspel sturka smalkankara prilaka aisiba dukiara aisas.