Sandi
Li kati 8
1. SIP MAIN KAKAIRA AN AIMPLIKRAWAL
a. Sip mainkakairaba an aimplikrawal difrantka dukiara nahki Jisas aisan, spirit lainkara dia lisinka lantakisa? Jan 10:1, 2.
"Jisas ai smalkankara aisan Mesaia warkka dukiara prapit Aiseya kaina manas pat aisanka dukia naniba. Aiseya 40:9-11; Lawana nani 23:1; Ezequiel 34:23,16, 28. Parisi nani mita waikna wahma nakra blainkan Jisas mita rakan taiara serts bukka wina nina diki sakan wahmika sturi rait kasak aisanba taka. Upla solka kum Jisas ai lamara bribalanba tayara klaki sakan. Baha daukankawal parisi nani marikisa aiwarkka nuapiakanba tanka, bara sip dawanka mita sip ai sipka nani kau yaka aimihtara kabia apia. Jisas aisi naku wisata: ‘Yang sika sip mainkakaira kasaksnaba.". The Desire of Ages, p. 477.
"Jisas mita latwan wan kaikisa kan yawan uplaba sin tuktankum baku selp karnika apusa, yakan wanhelpkara diarakum daukaia.". Sermons and Talks, vol. 1, p. 248.)
b. Sip mainkakaira wihki sip naniwal nahki aslasa? Jan 10:3, 4. Sip naniba upla tringsar nina blikbia ki? Jan 10:5.
Mundi
Li kati 9
2. SIP KLARKA DURKA
a. Jisas nahki param marikan witin aidaukanka wihki parisi naniwal? Jan 10:7–10.
"Jisas lika Gad sipka klarka durkaba. Baha durkabak ailuhpia nanisut dimisa. Jisas dukiara prapit nani patitarawina aisankanba siplupia tukinka kum baku. Sin tnatkara disaipil nanira param saki marikan, tukin tara aihkakira ailal daukanbawal. Jisas sika Gad sipka tasba saurka mana sakiba. Jan 1:29. Baha sipka watla durkabak upla sut sipsa dimaia aikupia pihnika lakara. Ao, naiwa setan mita smalkanka wahra nani ailal bribal dinkisa kahwan sertska nanik bara upla ailal sinska saura daukisa. Dur kumiba lika Jisas, aidul sertska nani smalkanka wahra daukiwal traikaikisa Jisas pliskara witin nani aimakaia, sakuna sutba lika aimplikra an aikra bamansa.". —The Signs of the Times, 20 de junio de 1900.
"Parisi nani lika sip klarka durkabak dimraskan. Pliswalak aihwitwi diman aimplikra baku, bara sip nani Dawanka kupia lakakat daukraskan. Jû, parisi an pris nani mita siplupia pataba aiminara taibi ikisbi an taski daukan, siplupia nani li diaia pliskara sin taski daukan. Baibilra kler wan aisisa baha pasinka kuninkira nani dukiara: ‘man nani mita siplupia kuhma kriwan nanibara tabaikras kapram, siknis naniba rakras kapram, wayata latwan brin naniba wilki swiras kapram, an yabalwina aihmawakan naniba yarka kli sip klarkara bribal kapram, sakuna taiban lakawal witin nani dawanka baku pulram. Ezequiel 34:4.". — The Desire of Ages, pp. 477, 478.
b. Sip mainkakaira kasakba wihki aimana dukiara warktakibawal nahki difrantsa? Jan 10:11-13
"Uplara smalkaia baman lika apia sakuna help munaia, Dawan latwanka tihuka tankaba marikaia, sakuna naha sat pasinka kumba witin pali airaiakaba Jisaswal asla iwikaiasa bara ai aisanka aidaukanka nanibawal marikaiasa.
"Aitanisa pasin naniba serts membars aikuki aslakaia witin nani aitanka tihukawina nukaia, pasin witin airaiakaba Jisas warkka tatakra kasak baku ai iwankawal uplara smalkaiasa.". — Gospel Workers, p. 191.
Tiusdi
Li kati 10
3. SIP MAINKAKAIRA KASAK
a. Jisas, witin sip mainkakaira kasak baku dia daukanka wala marikan? Jan 10:14, 15.
"Naha tasbara sip mainkakaira kumba ai sipka kumi banira kakairasa, sin tnatkara Dawan mita yawan kumi banira wan kakairasa. ‘Man nani lika yang sipki lupia nani, ao daiwan lika apia upla yakawisma, an yang lika man nani Dawankam’. Jisas baku aisisa: kumi banira ninamkat maki maiwinisna; yang dukisma. Mihti bilara ulbi maibrisna ninam naniba’. Ezequiel 34:31; Aiseya 43:1; 49:16.
"Yawan kumi banira Jisas wan kakairasa an wan swapnika naniba witin pain nusa. Wan ninakat kumi bani Jisas nusa. Wan watla anira dimibasin witin pain nusa, utla bilara upla an barabasin. Wan tawanka bilara yabal naniba sutsin pain nusa. Pyua kum kum ra ai albika nanira wisata, ani yabalkara wabia siplupia kumwal prawaia.".
"Upla kumi banira Jisas kakairasa sin naha tasbara upla wala apukan baku. Wan sarka naniba witin aikupia kat kanbisa. Wan winanka naniba aikiamakat uliwisa. Naha tasbara Jisas balan kan brindaukisa ailamara wanbrikaia. Adarwankisa: ‘Kulmi bliks’, an Spirit Holikira wan kupiara aisisa bara wan maihsanihkisa Dawanra balbia dukiara. Upla ailal wantapiasa Jisasra balaia, kan setan mita kunin muni alba lakara briba mita. Ani uplika aibilawali witinra baliba nanira wisa: ‘Yang sipki naniba bilibaikrka walisa, an yang mita witin nanira kakairasna an niniblikisa’. " —The Desire of Ages, pp. 479, 480.
b. Diakan dakniwala sipka nani Jisasra balaia wantkan."? Jan 10:16
"Tasba aiskara sol nani ailal smasmalkra kuninkira nani mita kunin lakara briba dukiara Jisas lukan. Baha sipka lupia naniba klar walarasa balan daukisa, Jisas wisata: ‘Klar walara sipki nani baarasa an bribalaisa nitsa’. Jan 10 :16.". — Ibid., p. 483.
"Serts daknika ailal tilara Dawan sipka lupia nani barasa, witin nani brindaukisa Dawan bila kasakka tanka aiskasut briaia. Yawan pat ingnika tara bri nanina wan raiaka paliwal marikaia nitsa witin nanira Dawan latwankaba." — The SDA Bible Commentary [E. G. White Comments], vol. 4, p. 1184.
Wensdi
Li kati 11
4. DAWAN KARNIKA
a. Jisas witin Dawan baku dia karnika brisa aisan? Jan 10:17, 18.
"Dawan Aisa yangra latwanssa, kan raiaki swisna, an sipsna kli briaia’ kan man nani dukiamra saurka albika lakawina swaki maisakaia dukiara raiaki patmihtara mankri. Man nani klala briaia kapramba yang briri bamita Dawan Aisa yangra latwansa.
Raiakiba uplakum mita sip sakras, yang karnika brisna swiaia. Bakusin karnika brisna kli briaia. Jisas lika upla baku sipkan pruaia, sakuna Dawan baku lika airaiakaba upla kumi mita sip sakras. Sakuna witin wilinkira airaiaka yaban upla swaki sakaia dukiara. Jisas karnika brikan sin minitkara waihla nanisut iki tikaia sakuna tasbara, ensal nanira, an saurka dimras tasbaia nanisutra wedniskum yaban ailatwanka tannka. ‘Yawan wan sikniska naniba witin brihwan, wan wina klahwanka sin. Insauhkanka ailal brin yawan briaiakanba, wan klalka kataba witin twilkan, witin sukwanka taka yawanra wan rakan. Sakuna yawansut lika sip baku aihmawakan, yabalwina saitra takan; sakuna wan patkasutba Jisasra kahban. Aiseya 53: 4-6.". —Ibíd., vol. 2, pág. 24.
b. Diakan uplaba Jisas nina blikisa? Jan 10:27; 1 Jan 4:10, 19.
"Jisas nina blablikra naniba hevenra waia dukiara, ar il pautara waia apia dukiara Jisas nina blikras. Sakuna Jisas warkka tara daukanba swaki wansakaia dukiara kakaira takisa pyuara wan nikbisa witinra bilawalaia, kasak lukaia an ainina blikaia. Jisas raiaka stadi takaiaba tara palisa Betlehem ra bip pata watla wina Kalvary dusa prignira kat lisin tara palisa lantakaia. Baha stadi takisa pyuara wankupiaba tatatwisa an mayunra yaban wandaukisa.". —Ibid., p. 480.
"Kaisa Jisas raiaka tasbara balan, upla tilara iwan, wark yamni nani daukan, dusprignira pruan, raitiwina yu yumhpara kli buan, an hevenra uliwasata sturka nani Baibilra ulbanba staditakaia. Lisin kau tara an tihu apusa baha purkara. Jisas raiaka sturkaba sinslaka bukka tara palisa, witin wina lantakaia yawan nitsa, bawan laka, wan spiritkara umpira kaiabasin." —The Acts of the Apostles, p. 334.
Tausdi
Li kati 12
5. SWAKI SAKAN LAKA SURBA
a. Jisas mita sip nanira swaki sakan laka surba dukiara diawisa?. Jan 10:28, 29.
"Jisas raitiwina pruibuanba ninkara hevenra uliwan, Dawan Aisa mihta aihkikara iwisa, sakuna ailatwanka upla helpkara minit kumisin kau mayara takras. Jisas tasbarakan pyuara dia wan marikanba naiwakat bansa hevenrasa sakuna. Ai mihta insauhkan markabara yawan kumi bani wan nina ulbi brisa. Jisas pramis painkira dauki naku aisan: ‘Ya uplika yangra kasak lukiba ban tanis tiubia apia, an karnika kumi mita sin sip mihtiwina dakbi sakbia apia. Upla kumi bani Jisas nakrara mana tarapalisa kan aitaliawal atki wansakan mita. Jisas ban lulki wanswiras, yawan selp wahbia briaiasa Jisas bila walaia apia kau setan albikara iwikaia." —The Desire of Ages, pp. 480–483.
b. Swaki sakan laka an wan kasakka laka surba diaurasa? Roman 8:31–39..
"Hevenra Jisas wan helpkara Dawan Aisa mawanra aisisa, aitaliawal manatara atki sakan uplika kumi bani dukiara. Mani ailal luanbara Jisas talia manaba bahki takras, kulkanka tara yabisa hevenra an saurka dimras tasbaia nanisutra. Heven aiskara brinka kau taraba lika uplasut swaki sakan laka bribia. Jisasra kasak lukbia, setan albika lakawina lanhwi pritakbia an heven suliarka tilara baldimbia. Ao, selp wankarnikawal lika apia sakuna Spirit Holikira mita sinslaka an ingnika painkira wankibawal." —The Desire of Ages, pp. 480–483.
Praidi
Li kati 13
MAKABANKA LUAN NANI BA LAKI KAIKS
1. Sip main kakaira kasakba wihki aimplikrawal dia difrantka barasa?
2. Dia patranka walawal Jisas aiwarkkaba marikan?
3. Sip mainkakaira kasakba nahki ai sipka nanira latwansa?
4. Sip naniba nahki main kakaira kasak bara nina blikisa?
5. Aisas nahki yawan sipsa surkaia swaki sakan lakaba briaia?