Sandi
Lih mairin kati 18
1. EBRAHAM LUHPIA NANI
a. Parisi nani dia dukiara aisi aimayunra brikan? Jan 8:33, 39. Nahki sipsa prubmunaia Ebraham luhpia baku? Jan 8:39,56; Roman 9:6–8.
"Parisi nani aisibanhwikan witin nani Ebraham luhpia. Jisas mita wisata ya Ebraham luhpia kaiasa kaka dia Ebraham daukanba baku daukaiasa. Ebraham tnatka, wapanka nanisutba nina bliki dauakaiasa Dawan bila wawalra kasakkum baku. Diara rait aisi uplikara ikaia plikbia apia. Jisasra ikaia plikikanbawal kler marikan parisi nani Ebraham luhpia apiakanba tanka. Ebraham kiamkawina aisubitakanba spirit lainkara diara tarakum apiasa. Ebraham airaiaka aiskara Dawan mihtara aimakan baha diara tarasa.". Educación, p. 240.
"Ebraham kiamkawina aisubitakanba Dawan mawanra diara tara apiasa, sakuna aidaukanka, ai iwanka, aiwapanka nanisutba kasak, wapni an holi lakara iwiba lika Dawan mita yamni kaikisa. Diara walaba naiwa serts ailal barasa Jisas apastelka nani sertska wisa sakuna diarawala daukisa. Bahasutba lika setan kuninka lakasa. Ao, Baibil wina smalkisa diara kum kum ba rait sakuna diara walaba selp upla lukanka wal miks munisa uplara kunin munaia dukiara.". —The Desire of Ages, pp. 466, 467.
Mundi
Lih mairin kati 19
2. AIMAYUNRA BRIKANBA BAHKIKAN
a. Jû naniba Ebraham kiamkakan, sakuna Jisasra briraskan pyuara yâ luhpia takan? Jan 8:41–44.
"Jisas mita wisata jû naniba Ebraham kiamka apia. An kau sin naku win: ‘Man nani aisikam warkka daukisma’. Jû nani tawi Jisasra naku win: ‘Yang nani bastar aisubi takras; Dawanba yang nani aisiki. Ao, Jisas nukan jû nani upla baku lika Ebraham kiamkawinna aisubi takan sakuna spirit lainkara lika Ebraham daukanka wina lantakras, Jisas kau aisi naku wisata: ‘Dawanba man nani aisikamsa kaka yangra latwan aikaikaima kan yang witin wina balrisa bamna’.
"Jû nani daukanka an warkkabawal marikikan witin nani setan suliarkaba tanka, kuninkira an upla aikra. ‘Man nani papikamba lika setan’ baku Jisas mita jû nanira wisata, an papikam dia wantba daukisma. Witin lika ta paliwina upla aikra an diara raitba aisaras, kan kunin laka baman aisinskarasa. Yang raitba maiwisna an yangra kasak luki banhwrasma. Jan 8:44, 45 Jisas mita sturi raitba jû nanira wisata, baha taka Jisasra yamni balanka yabraskan an kauni lika misbara kaikan. Jisas sturi rait aisanbawal Jû nani uba saura aidara walan. Sin bakusa naiwa serts ailal diara raitba smalkaia sibrisa kan uplara yaka saura aidarawalbia apia dukiara. Jû nani ai mistikka nutaki padin makabaia watlikara ainakra an aikiama praki walras an kaikras baku pulan.". —The Desire of Ages, p. 467.
b. Dia mita Ebraham luhpia wandaukisa? Nahki Jû nani marikan witin nani Ebraham luhpia apiakanba? Galisan 3:6–9; Jan 8:40.
"Alba laka spiritka brirasma sibrinra kaia, sakuna Dawan mita ailuhpia baku maibrin, bamita yawan aisisa: ‘Dawan Aisa’ alba laka spiritkaba lika serts laka smalkanka nanira kasak luki an purataia baman wan nina kristian brikaia. Sakuna baha apia kristiankum rait aihwa kaiaba. Ebraham nahki Dawan wal kakaira takan aipanika painkira kum baku, witin wal wapan an iwan an bilawalan, sin tnatkara kristian kasak kumba Jisaswal kakaira takaiasa an aibila wawalra kaia." — The Youth’s Instructor, September 22, 1892
Tiusdi
Lih mairin kati 20
3. JISAS DAUKANKA
a. Dia makabi walanka Jisas daukan pyuara parisi nani sip ansika yabraskan? Jan 8:46.
"Jisas tasbarakan pyuara aidaukanka, aiwapanka nanisutba kasakkan, Dawan Aisa Lâ ka bilawalidaukan. Ao, Jisas lika upla yawan baku tasbara balan mairinku aisubitakan trabil nani traikakaikan brin yawan baku sakuna saura kumisin daukraskan. Parisi nani mawanra naku wisata: ‘Man nani tilamra ya kum sipsa yang saurki aisaia?’ Jisasra saurka taskika kumisin apukan. Tasbara iwi uplika nanisut mawanra."— Sons and Daughters of God, p. 25.
"Saurka dimras tasbaia nani mawanra, heven ensalka nani mawanra, naha tasbara iwi uplika nani mawanra, an setan suliarka nani mawanra sin Jisas sibriras naku aisan: ‘Yang Aisiki yamni kaiki dukiaba pyu banira daukisna’".— The Desire of Ages, pp. 467, 468.
b. Dia Baibil aisisa Jisas daukanka dukiara? Witin pali aisanba purkara Hibru nani 4:15; 1 Pita 1:18, 19.
"Jisasra Mesaia baku kasak lukaiaba diara sain nani daukanba mita apia, sakuna aidaukanka, aiwapanka nani kasak, holikanba witin satka tasbara upla kumisin apusa."— The SDA Bible Commentary [E. G. White Comments], vol. 7, p. 904.
c. Jisas raiakaba nahki wankanbaiasa? Pilipai 2:6–8.
"Jisas wapan yabalkaba lika karna palikan sakripais ailal takan sakuna witin bawikira an umpira baku tasbara iwan. Ao, witinra upla mita kulkanka yabraskan, misbara an bahki baku kulkan pyua banira ninablikikan alki silakra manki ikaia. Sakuna witin sibriras yukwisin taukraskan. Diasut witin panis wahwanba lika man an yangra swaki wansakaia dukiara. Man muihni an laikra Jisasra Sasakrikam baku naiwa brismaki, witinra wilinkira raiakam aiska, sinskam an karnikam aiska yabramsaki? Pyua banira amiatikpara Jisas man swaki maisakaia dukiara patbrinba. "— Testimonies for the Church, vol. 3, p. 371.
Wensdi
Lih mairin kati 21
4. JISAS NINA BLABLIKRA NANI DAUKANKA
a. Jisas nina blablikira nanisutba dia aisinskara brisa? 1 Pita 1:13–16.
"Yawan upla kumi bani wan mihtara swinsa traikaikaia Jisas nahkikanba baku takaia, wan daukanka, wan wapanka nanisutra." —That I May Know Him, p. 130.
b. Nahki sipsa plapanka tnata alkaia? Hibru nani 12:1–4; Galisan 5:6; Pilipai 3:12–15; 4:13.
"Nahki yawan sipkabiasa wan daukanka, wan wapanka nanisutra kasak, wapni an holykaia Dawan wantba baku? Sipsaki yawan upla baku Dawan wantba baku wan daukankara takaia: wapni, klin an holi kaia? Ao, yawan sipsa, baku apiakan sat kata Dawan wan wiaia apiakan. Witin sika wan patranka, upla baku naha tasbara balan an wan marikan nahki iwaiaba an wapaiaba yakan wan karnikawal lika apia sakuna Dawan karnika wankibawal waikna an mairin kumi bani sipsa." — That I May Know Him, p. 130.
c. Nahki yawan Dawan mawanra klin an kasak iwaia sipsa? Roman 5:18–20; Hibru nani 10:14
"Dawan mita uplakum aikupia lakras kaka sip padin munras, saurkaba nutakaiasa." —Selected Messages, bk. 1, pp. 393, 394.
"Upla saurakiraba Kalvari dusara kaikaia nitsa; an tuktan sirpi ai papikara kasak lukiba baku Jisasra kasak lukaiasa padin laka briaia dukiara.
"Nahki tara an painkira palisa Dawan latwanka lakaba tihu palisa sip wantanka aiskasut briras, ailuhpia Jisasra blikan balan upla saurka dukiara dusprignira pruaia. Dawan Lâ ka bapankaba karna palisa sakuna ailatwanka laka kau baha purkarasa.". —Selected Messages, bk. 1, pp. 393, 384.
Tausdi
Lih mairin kati 22
5. WAN DAUKANKABA JISAS BAKU TAKAIA
a. Nahki baman yawan sipsa karna an kasa buikaia? Pita 1:4-11; Param marikan 19:8.
"Adam an Ev walra Dawan wisataba sin baku naiwa yawanra wanwisa, aibila walaia, ai Lâ ka bilakat iwaia. Sakuna yakan wankarnikawal lika apia. Spirit Holikira mita sinslaka an karnika wankisa Dawan Lâ ka bilara iwaia.". —Selected Messages, bk. 2, p. 381
"Kau yawan naha tasbarasa pyuara wan wina brinka nanibara taibi brikaiasa, wan biara an wan bila brinka nanibak setan warktakisa alba lakara wanbrikaia dukiara. Minit kumirasin lukaia apiasa warba danh takan". —The Acts of the Apostles, pp. 560, 561.
"Jisasra kasak luki wan raiaka yabisa pyuara Spirit Holikira mita wan lukanka, daukanka, wapanka naniba satwala daukisa. Kainara diara wahra, taski an watawi lakara baman iwikanba nanara wapni, kasak an holi lakara iwisa.
"Wan tanka kasak briaiasa naha tankana Spirit Holikira wankupiara wark takisa paskanka raia wandaukaia sakuna yawan wan taimka mankaiasa, Dawan bila staditakaia, wanpura sunaia, an wan uplika walara wednis painkira kum wan raiakawal marikaia Jisas yawanra iwiba tanka.
"Spirit Holikira mihtara yawan aimakisa wiba lika yu banira, awar banira wan sinskaba wapni kasakka lakara brikaiasa. Wan lukankara minit kumirasin chans yabaia apiasa setan mita diara wahra, taski nani bribal dinkbia.". —The SDA Bible Commentary [E. G. White Comments], vol. 7, p. 943.
Praidi
Lih mairin kati 23
MAKABANKA LUAN NANI BA LAKI KAIKS
1. Diakan parisi nani raia bankaia laka briaia Ebraham kiamka wisi?
2. Rait aihwa Ebraham kiamka nani daukanka dukiara aisas.
3. Jisas daukanka dukiara dia witin aisan?
4. Kristian kumi bani mawanra dia kaikanka kum bapansa?
5. Nahki yawan sipsa Dawan mawanra kasak an taski luha kaia?