Sandi
Li kati 15
1. BETANIARA PAMALIKUM
a. Betania tawankara ya ba Jisas disaipilka kan? Jan 11:5.
"Betania tawanka lupiara pamalikum barakanbawal Jisas asla palikan, Lasarus baha tilarakan.
"Aima manas Lasarus watlara Jisas resbriaia wikan. Jisas selp aiwatlakum apukan; aipanika nani invait munisa pyuara watlara wikan, witin upla baku aima ailalra warktaki swapikan pyuara utla kau bin apura wikan ria resbriaia. Lasarus watlara Jisasra yamni balanka yabikan aikupia aiskakira an kasak lukikan Mesaia kum baku." ——The Desire of Ages, p. 524.
b. Dia sat watlara Dawan mawan ingnika an aiblisingka barasa? Sinslaka 3:33.
"Jisas, witin lihkikan utlakum prilaka an kupiakumi laka baraba an watla bila uplika nani Dawanra kasak lukiba. Jisas mita Lasarus watla uplika nanira latwan kaikikan upla baku. Jisas smalkanka bila naniba alki daukikan bara blising brikan uplika nani kumi bani. "— El The Desire of Ages, p. 524.
Mundi
Li kati 16
2. LASARUS SIKNIS TAKAN
a. Lasarus siknis takan pyuara lakrika nani dia daukan, dia ansika brin? Jan 11:1–4.
"Lasarus siknis takan, bara ailakrika nani mita upla blikan Jisasra maihsapahkaia: ‘Jisas kaiks pamnika Lasarus ba siknissa’. Lasarus lakrika nani uba sibriraskan witin nukan Jisas karnika briba ailakrara rakaia diasat sikniska kabiasin. Witin nani nukan Jisas aitrabilkara wilinba helpmunaia; isti balbia dukiara lika wiraskan des wisata: pamnika latwansmaba siknis palisa. Lasarus lakrika nani lukan Jisas ria isti mapa balbia Betaniara.
"Lasarus lakrika nani Jisas bilakaikikan. Kau ailakra raiaba pyuara. Aipurasunikira Jisas balbia bilakaiki banhwikan. Sturi kwakwahkra ba balan sakuna Jisas lika balraskan, sakuna sturikum bribalan: ‘sikniskaba pruaia dukia apia’, lakrika nani bilakaikanka tara brikan Lasarus bitar takbia. Tankira latwan lakawal ailakrikara Jisas aisan sturkaba win sakuna Lasarus pat manas swapankan sikniskabawal." — The Desire of Ages, pp. 525, 526.
b. Jisas dia aisan an daukan baha yua nanira? Jan 11:5–8.
"Baha ninkara pat yu wal luankan, kaikras kaka Jisas auia tiwan bakukan aipanika Lasarus dukiara. Jisas disaipilka nani tilara makabi walanka kum brihiakawikan. Dia muni Jisas mita swin Jan tatabrara silak watlara mankan Herod mita an bahara nana dakbi ikan. Jisas upla siknis nani raia kairnika briba dia muni banswin Jan tatabrara swaki sakras swin pruan. Parisi nani nahawal aisikan Jisasba Mesaia apia. Jisas mita aidisaipilka nanira kaina manasra pat winkan traika kaikan nani balbia witin nani purara. An manas aininara kli taubiaba dukiara sin.
"Disaipil nani tilara pana pana aisibanhwikan Jisasba diamuni Betanaiara waras yu wal luan ninkara. Sakuna Jisas lika diarasutba nukan awarka kat daukaiaba." — Ibid., pp. 526, 527.
Tiusdi
Li kati 17
3. SARIKANBA WINA BILA KAIKANKARA TAWAN
a. Lasarus sikniskan pyuara Jisas daukankawina dia yawan lantakaia nitsa? Jan 11:9, 10.
"Gaspel sturka smalkanka yamniba walan uplika naniba sipkan Jisas nina blablikra takaia, sakuna bahki kulkanba taka bankaia patkara lakan kabia. Ban tihmiara man taukisa setan mita sinska saura daukan sip Dawan bila tihuka aitanka briras. Ailukanka ba diara bahkira baman aitaimka tikisa ai kupiara yaban Jisas baliuras." Fundamentals of Christian Education, p. 471.
b. Jisas mita aidisaipilka nanira dia dukiara param aisan, sakuna witin nani nahkira aitanka brin? Jan 11:11, 12.
"Naha aisan ninkara Jisas wisata: ‘wan panika Lasarusba yapisa; yang auna witinra bukaia yapanbawina.’ ‘Lasarus wan panikaba yapisa’, ba sturkaba painpalisa, disaipil nani kli lukikan ao, Betaniara bal pamali sari bri nanira maihsanihkaaiaba painsa sakuna Jerusalenra aihwakikan Jisasra alkaia baha trabilwala. Disaipil nani lukan Jisasba raitpali Lasarus pamalikara latwan apu, kan witinra bal win minitkara waraskan sikniswina bukaia. Sakuna Jisas aisankara bilakaikanka tara brin kan wisata: ‘Lasarus wan panikaba witin yapisa’, bara disaipil nani kaikan Jisas aiauya tikraskanba tanka. — The Desire of Ages, p. 527.
c. Jisas aisankaba tanka raitpaliba dukiara man dia brismaba aisas. Jan 11:13, 14.
"Jisasra kasak luki pruan naniba yapanka kum bakuwal prakisa, airaiakaba yukukansa Jisasra, witin nanira airaitikawina bukan kabia las trumpet kanbia pyuara. "— The Desire of Ages, p. 527.
Wensdi
Li kati 18
4. BILAKAIKI, BILAKAIKI, BILAKAIKI
a. Dia muni Jisas wihkara kan Lasarus pruan nutakan ninkara? Jan 11:15.
"Disaipil nani aihka ta iwan Jisas aisi naku wisata: ‘Lasarus ba pruan; an liliasna bahara apukapriba.’ Jisas nukan aipanika nani trabil brikanba, sakuna dia helpmunaia apia dukiara wihkara wankan saki? Kaikras kaka Mery an Marta wal baman swin ailakrika Lasarus sikniskanba tilara. Jisas lika diara takaia naniba sutpat witin nukan. Lasarus pruan ninkara Mery an Marta walra maihsanihkra yabankan. Kaina manas pat kaikan nahki Mery an Marta wal kupia kriwan takan kabiaba ai lakra latwankira Lasarus pruankawal. Jisas kler aisi aidisaipilka nanira wisata: ‘Lasarus ba pruan’ sakuna Jisas baha minitkara Betaniara pamalikum sari bri nani dukiara baman lukraskan. Sakuna aidisaipilka nani pali naha tasbara witin aipliskara swinkabia nani dukiarasin. Bara Jisas aitani lukan Lasarus prubia. Jisas mita Lasarus ra sikniskan rakan satkata tukin kau tara daukanba sipapia kaiakan an uplara marikaia witin Dawanba tanka. ". —The Desire of Ages, p. 528.
b. Dia muni Jisas diara daukraskan Lasaruss sikniskan pyuara an ban swin pruan? 1 Korint 15:17–19; Lawana nani 18:28.
"Jisas warkkaba upla siknis nani rakiba kat baman lika apiakan. Sakuna baha sat warkka daukisa pyuara uplika help briba nanira marikikan Dawan latwanka, kupia pihnika laka yaban upla kupiara takaskikan. — Counsels on Health, p. 249.
"Jisas, Betaniara kan sat kata Lasarus pruaia apiakan, setan sipapia kaiakan Lasarus ra saura munaia. Jisas ba raiaka diarasutra witin mita yabisa, aimawan ingnikara setan karnika apusa upla raiaka tikaia. Ba mita Jisas witin wihkarakan. Lasarus pruan awarkara lakrika Mery an Marta walra setan mita traika kaikan tara bribalan, Jisas witin nanira latwan apiasa wisi. Sakuna ban aibapi brihiakawikan. Jisaska balan an raitiwina Lasarus ra kli bukan kata."— The Desire of Ages, p. 528.
Tausdi
Li kati 19
5. YAWAN BILAKAIKIBA BAKU APIA
a. Kasakkira nani pruanba dukiara yawan dia lukaiasa?, patran kum manks. Lawana nani 116:15.
"Ilaidsa lika sip ai smasmalkrika Ilayas wal hevenra uliwaraskan. Dawan mita aipurara swin siknis balan. Awar ailal aiwinaba swapni an latwan wahwikan, sakuna Dawan pramiskara kasak lukikan, ailamakir kaikikan heven ensalka nani bal witinra aimaihsa nihki kanba. Dawanwal kakaira paintakan panakum baku; prura witinra balan pyuara, ridikan aireskara waia aiwarkka nanisutbawina." —Prophets and Kings, pp. 263, 264.
b. Diatakan Betaniara kau Jisas balraskan kainara, ya nanisin barakan? Jan 11:17–19.
"Jisas ban isti balraskan Lasarus watlara, kan witin warkwalakum daukaia brikan. Ria takaskan Lasarus pruanbawina pat yu walhwal kanra aiwatlara balan. Bahara Jisas tukin tara daukanbawal wantkan witinra kasak lukras nani ainakra paliwal kaikbia witin Mesaiaba tanka an karnika briba upla pruan paliwina katwin klibukaia. Israel luhpia nani witinra kasak lukbia dukiara diara kau taraba dauki marikan kata. Jisas aikupiara wihra brikan Israel luhpia nani dukiara. Brindaukikan yaka aitanka bribia witin hevenwina blikanba raiaka uplara yabaia karnika briba. Lasarus yu walhwal pruankan paliwina kli bukanba lika sip parisi nani tnatka plikraskan Jisas mapara aisaia. Bahawina kau diarawala kler apusa Jisas Mesaia baku balanba tanka." The Desire of Ages, p. 529.
Praidi
Li kati 20
MAKABANKA LUAN NANI BA LAKI KAIKS
1. Lasaruss pamalikaba ya nani bahkikan?
2. Dia muni Jisas Lasaruss sikniskan pyuara waraskan?
3. Disaipil nani nahki aidara walan Jisas daukankabawal?
4. Jisasra kasak luki naniba nahki aidara walisa prura patkawal?
5. Dia muni Jisas swin Lasarus pruan?