Sandi
Kakamuk kati 30
1. JISAS RA KING MANKAIA WANTKAN
a. Jisas mita tukin tara daukiwal upla ailalra plun dakakan ninkara uplika nani dia daukaia wantkan? Jan 6:14,15.
"Yu aiskara upla naniba kau an kau Jisasra kasak lukikan. Bara las tukin tara daukiwal upla kwara tarara plun dadakan kau kasak lukan. Tawan uplika bilakaikanka tara brikan Jisasra. Ban aisi naku wikan naha waiknika sika Judea aiskara blisin bribalbia tawan bilara yaka liaubia nasma an bip tialka layawal. Wan nitka naniba sut wankbia. Rom taibanka lakawina priwan sakbia. Juda an Jerusalenra prisakbia. Soldyar nani war ra latwan bribia taim sipkabia rakaia. Soldyar dakni tara aiskara plun yabia. Israel ba nesan karnakum takbia.
"Upla kwara taraba uba liliakan bara minitkara mahka Jisasra King mankaia wantkan. sakuna kaikan Jisas brindaukraskan witinra kulkanka tara yabia. Jisas daukankaba satwalakan pris an parisi naniwal prakbiasa kaka, an David trunkara iwaia brindaukraskan. Uplika nani aitilakat aimanka aisi banhwan taibi muni Jisasra king man kaia. Disaipil nanisin naha lukankara tabaikikan yaka Jisasra David trunkara iwaia. Jisas brindaukras kan tasbara king aimaia. “Upla naniba aiprika sasakrara purara bukbia ki, pris an parisi nanira taibi muni yabiaki kulkanka Jisasra yabaia, witinka hevenwina blikanba. – " The Desire of Ages, pp. 377, 378.
Mundi
Kakamuk kati 31
2. UPLA KWARA KUPIA DASKAN
a. Jisas dia daukan upla kwara nani mita witinra king mankbia apia dukiara? Jan 6:15.
"Disaipil nani wihki upla kwaratara aikuki asla rididaukikan Jisas ra King mankaia; sakuna Jisas kaikikan dia daukaia traikaikiba, sakuna sipa piaba an baha taka dia takbiaba. Parisi an pris nani aikuki asla plikikan tnatka nahki muni Jisasra alkaia. Karna muni an warkum daukiwal Jisas ra trunra mankaia luki banhwikan. Jisas mita aidisaipilka nanira adar yaban durira aimaki bailawalara lubia Capernaum tawankara, bara witin mita upla nanira tankira aisi mahka wabia.
"Disaipil nani apia lukikan Jisas adarkaba bilawali daukaia. Witin nani brindaukikan pyu wihkawina upla nani asla taki lukanka kumi baku bribia Jisas ra King mankaia. Want apiakan upla kwara tara lukanka naniba ban bahkira takasbia. Ensal luan yua lilika daukaia dukiara wisi upla kwaratara aipaswankan an uba liliakan Jisas ra kaikaia prapit raiakum baku. Jisas nina blablikra nani sut lukikan naha awarkanara aitanisa David trunkara yaka Jisasra iwaia. Baha mita disaipil nani karna aidarawalan witin nani durira aimaki Capernaumra luwiwaiaba. Jisas mapara aisan; sakuna Jisas karna aisi wisata aibila wali daukbia dukiara.". — The Desire of Ages, p. 378.
b. Jisas mita tukin tara dauki upla ailalra plun dakakan ninkara yuawala uplika nani dia daukan? Jan 6:22–25
"Jisas tukin tara daukiwal upla kwarara plun dadakanba sturka lika istipali plapi tawan, kau titan palirakan upla ailal aslatakan Betsaida tawankara Jisasra kaikaia. Manas lika tasbak wapi balan wala nani lika kabuk durira balan kata. Kau ban upla wala nani aiwatlara wisi kli bal tawan nani sip luraskan duri apuba taka.
"Genezaret ra Jisas balan pyuara upla ailal siknis naniba bribalan rakbia dukiara. Manas sip wapras nanikanba slilmikara twilki bribalan kata Jisas barakanba pliskara. "— The Desire of Ages, p. 383,384.
Tiusdi
Lih wainhka kati 1
3 DAWAN HELPKAWAL KAIKANKA KAU BITAR
a. Dia sturka rait an lalkat Jisas mita upla kwara tarara wisata? Jan 6:26, 27.
"Upla nani diawantkanba kat Jisas daukraskan. Sariwal naku aisan: ‘aipliki banhwisma tukin kaikramba dukiara apia sakuna plun pih biamra banhwanba dukiara’. Upla ailal Jisasra plikikan ai brinka wala naniba briaia dukiara. Jisas aisi naku wisata: ‘wark taks plun luwiwaikiraba dukiara lika apia, sakuna raia bankaiaraba dukiara. Tasba dukia pyu kunhku briaiaba dukiara wark takaiaba sinslaka apiasa. Wan spiritka pata dukiara lika aitanisa warktakaia Dawan bila holikirabawal aibanhwaia an bahara wan sinska an karnika aiska mankaia". — The Desire of Ages, p. 384.
b. Jû nani mita Jisasra dia makabi walan Dawan warkka dukiara? Jan 6:29.
"Minit kumra upla nani sin yapankum wina baku rawi buan bara naku aisan: ‘Dia dauki banhwamna Dawan aisanka bilakat walaia dukiara?’ Witin nani wark karna ailal dauki banhwikan Dawan mita yamni kaikbia dukiara wisi, bara brin daukikan Jisas bilawina walaia dia kau daukaia barasa sapa Dawan kupia laka daukaia. Witin nani aimakabi walankawal wiaia wantkan: Dia dauki banhwamna heven suliarka takaia? Raia bankaia lakaba briaia dukiara dia praiska aibapaiaba nitsa?
"Jisas mita ansamuni naku wisata: Dawan warkkaba lika witin mita blikan uplikara kasak lukbia.’ Hevenra waia praiskaba lika Jisas. Witin sika yabalba, witinra kasak lukaia Gad sipka lupia baku tasba saurka brih sakiba.’ Jan 1:29:". — Ibíd., pág. 385.
"Wankupia laki wanwina brinka swisisi Jisasra balaia, wan kupiara yaka iwaia, bara wark yamni nani sut yawan daukbiaba lika witinra mayunra yaban kaia.". — Thoughts From the Mount of Blessing, p. 87.
"Dawan Spiritka mita wan sinska kwakbia bara wantanka bribia nahki wan watla bilara, priaswatlara an wan tawankara aiwarkka daukaia ba tanka." — Testimonies for the Church, vol. 8, p. 18.
Wensdi
Lih wainhka kati 2
4. HEVEN BREDKA
a. Dia sainka jû nani mita Jisasra makaban? Jan 6:30,31. Jisas dia aisan heven bredka dukiara? Jan 6:32, 33
"Jû nani mita Moses ra kulkanka tara yabikan twi biarara bred yaban pikanba dukiara, sakuna aiauya tiki banhwan Dawan mita ai albika waikna Moses ra yusmunikanba. Jû nani aisika Moses maparakan an kasak lukraskan Dawan albika kum baku. Nanara, sin spiritka luhpia nani mita Dawan sturka kwakwahkra mapara buan. Jisas aisi naku wisata: Kasak, kasak maiwisna: Moses mita heven bredka maikraskan. Aisikam nanira mana yabanba man nani tilamra buisa. Jisas pali sika twi lawanku Israel luhpia nani tabrikanba an yu banira heven bredka dakakikanba. Baha bredka lika sampla kum bakusa rait aihwa heven bredkaba wal, upla solka nanira dasna dauki an karnikasin yabiba.".— The Desire of Ages, pp. 385, 386.
b. Tasba patara baman luki Jû nani mita Jisasra dia makaban? Jisas tawi dia wisata? Jan 6:34–36.
"Prakanka kumwal Jisas aisanba Jû nani kakairakan. Moses ku, Spirit Holikira mita yaban naku ulban: ‘bredwina baman uplaba raiakabia apia, sakuna Dawan aisanka naniba mita lika’. Prapit Jirimaya naku ulban: ‘Bilam holikiraba sakri bara piri; an baha mita lilia tara kupira bahkan’ Klismalkanka 8:3; Jirimaya 15:16. Jû smasmalkrika nani aitilakat aisanka kum brikan, bred piaia tankaba spiritra iwaia Dawan Lâ ka stadi takaia an wark yamni nani daukaia, bakusin uplara smalkikan Mesaia balbia pyuara uplasutra plun dadakbia. Prapit nani aisankanba aimakan kata Jisas mita upla kwara tarara plun dadakanbawal. Jisas mita naha lisinka smalkikan priaswatlara upla aipaswan kan nanira. Dawan bilaba aitanka brihiakawikan satkata tanka briaiakan Jisas aisi naku wisata: ‘Yang sika raiakaia bredka’. Nahwala baku Jisas mita upla kwara tarara plun dakakan baha bredka dukiara aisanba. ‘baha bredka pinbawal aikarnika brihiakawanba baku Jisas mita ya witinra kasak lukbiaba nanira raiakaia bredka an bankaia raiakasin yabaia pramis munansa.".— The Desire of Ages, pp. 386.
Tausdi
Lih wainhka kati 3
5. KLI BUWAIA AN RAIA BANKAIA LAKA
a. Jisas wal aslatakan kumi banira dia pramiska wal yabansa? Jan 6:37–40.
"Kasak luki Jisas nina blikan nanira wisata, raia bankaia laka bribia. Kumisin tiubia apia.". — The Desire of Ages, p. 387.
"Setan mita maiwibara walpara. Man upla saurakira bara Jisasra balpara bitar takmakat sipkama Dawan plikaia. Baku lukisma kaka raiakam aiskara sipapia kama balaia. Saurkam nani dukiara setan kupiamra bribali pyuara Jisas pramiskara luks. Ya yangra balbiaba ban swimna apia. Jan 6:37. Setanra wis Jisas talia mita sikbi klin maidaukan. David aipura sunanba baku dauks: ‘supwal sikbi klin aidauks, bara klin takamna; taskiki nanisutba wina aikrika mukus pinhka baku takamna.’ Lawana nani 51:7.
"Minamra bus an Dawanra bal. Kau wihkawina pat maikaikbia. Kupiam lakikira balmasa kaka, witin mita kiaubi mai alki ai latwankara yamni balanka maikbia. Ai kiamaba wilinkirasa puram sunrara walaia. Minamra buaia traikaikma wina pat witin nutakan kabia. Spirit Holikiraba wankupiara warktakisa, wankan wandara walisa wan trabilka taraba, taski lakara iwiba an bahawina pritakaia nitka briba, bara karnika wankisa wanminara buwaia an Jisasra plikaia padin laka an raia bankaia laka wankbia dukiara.". — Christ’s Object Lessons, pp. 205, 206.
b. Jû nani brukwikan pyuara dia pramiska dukiara Jisas kli aisan witinra kasak luki nanira? Jan 6:41–51.
Praidi
Lih wainhka kati 4
MAKABANKA LUAN NANI BA LAKI KAIKS
1. Kwara tarara plun dadakan ninkara witin nani dia daukaia wantkan?
2. Jisas nina blikikan uplika naniba dia pali aisinskara brikan?
3. Jan 6:29 ra Jisas aisanba dukiara man aisas?
4. Spirit raiaka laia karma dukiara Jisas diawal praki marikan?
5. Jû ta uplika nani nahki kler takan Jisas maparakanba tanka?