Sandi
Lih wainhka kati 20
1. UPLA NANI LUKANKA JISASRA
a. Jisas smalkanka walan an witinra kaikan pyuara. Jû nani kum kum dia makabiwalan? Jan 7:25, 26.
"Jerusalemra upla ailal barakan Jisas smalkanka walikan, an witin nani pain nukan parisi nani mita Jisas smalkanka maparaba dukiara, sakuna karnika kum mita aubi Jisasra bribalikan. Jisasra Mesaia baku kasak lukikan.". —The Desire of Ages, p. 457.
b. Jû an parisi nanik nahki setan namhpara lukanka bribalan? Jan 7:27.
"Setan mita upla kupiara namhpara lukanka bribalikan; bamita selp aismalkanka wahrawal uplara marikikan Mesaia balaiaba dukiara. Ao, upla ailal lukikan Jisasba betlehemra aisubi takbia, sakuna baha wina pyua ria lubia ninkara laptiubia, bawina kli baltakbia aima walara sakuna upla nuapia kabia aniwina balan sapa. Baku kli tani walara upla ailal lukikan Mesaia balbia sakuna uplawal aisabia apia. Bahasat lukanka wahra ailalkan bara Jisas aisubitakanbara kulkanka yabraskan Mesaia kum baku kan witin nani ailukanka an aismalkanka kat balras kanba mita. Parisi nani aisi naku wisata: Naha Jisaska yawan nusa aniwinaba, sakuna Mesaia balbia pyuara upla nuapia kabia aniwina balan sapa." — The Desire of Ages, p. 457.
Mundi
Lih wainhka kati 21
2. SAURA DAUKAIKANBA ALKI TAKASKAN
a. Jisas kaikan upla nani namhpara lukikanba. Dia wisata? Jan 7:28.
"Baha minitka upla ailal namhpara lukikan, Jisas pat kaikan lukanka naniba bara naku wisaata: ‘Yangra aikakairasma an nusma ani winasnabasin; yakan selp yang balras, yangra aiblikanba lika kasak kira man nani witinra kakaira apiasma’ Parisi nani lukikan Jisas aniwina witin nani nusa, sakuna rait apiakan. Dawan kupia lakakat iwikan sat kata, Jisasra Mesaia baku briaiakan." (El The Desire of Ages, p. 457.)
b. Jisasra patka kumisin sakraskan pyuara Jû ta uplika nani dia daukan witinra alki takaskaia? Jan 7:30.
"Wawalra nani sip aitanka briraskan Jisas aisankaba. Kler aisan parisi tarkika nani mawanra, witin wisata Dawan Luhpia baku. Bahawina witinra ikaia pliki banhwan, an nanara traikaikikan alki priski silakra mankaia. Sakuna heven ensalka nani mita swiraskan Jisasra wilki silakra mankaia." (The Desire of Ages, p. 457.)
c. Upla ailal Jisasra kasak lukikan kaikan pyuara Jû ta uplika nani dia daukaia luki banhwan? Jan 7:31, 32
"Parisi tarkika nani Jisas smalkanka walibanhwikanba kaikan upla ailal Jisasra kasak lukisa Mesaiakum baku, kauban taura wabia wantapiakan brindaukikan Jisas warkkaba alki takaskaia. Sakuna upla nani sia sip alki silakra brihwaraskan. Wantkan Jisasra alkaia yakan kabia awarkara. ". —Ibid., pp. 457, 458.
Tiusdi
Lih wainhka kati 22
3. PAIWANKA
a. Jû nani lilia briaia yua lasra, diawal Jisas prakanka dauki upla nanira bilakaikanka yaban saurka albika wina pritakaia?. Jan 7:37, 38.
"Dawan bila wankupiara brisa taim dikwa stemka baku uliwi danh takras, apia bukit unta brikan iswi danhtakiba baku sin apia. Sakuna li karnakum iswiba laya aubiba danhtakrasba bakusa. Bara li diran dauki uplika nanisut sipsa bahawina diaia an aikupia dasni daukaia. Dawan bila wankupiara takaskisa pyuara tingki kum baku aubisa an kau kau tihu takisa an tingnika bilabasin kau tara takisa. Bara tingnika lamakir dus nani pawiba wahiaba sangni painkirasa li pain briba taka mita. Mani pyuara lapta karna mita twi an dus nani sut yaban pruisa taim tingni lamara dusa nanilika pruras tasba muhtak aiwakiaba tingniwina li briba mita.
"Dawan luhpia kasak naniba sin bakusa. Dawan bila holikiraba mita raiaka an karnika wankisa, ao nahki sat trabil tilara kabiasin bamita ban wankan drinh swapras. Spirit Holikira mita sinslaka an karnika wankisa diara tara an tihura bara naniba tanka briaia, kainara bahki kulkikan dukia naniba nanara kulkanka tara yabisa.". — Prophets and Kings, pp. 233, 234.
"Setan albika lakara iwi uplikaba bilakaikanka apusa prilaka briaia, sakuna ya Jisasra balbia naniba wisa: ‘Bal an li dih amya pah taks’ Jan 7: 37. — The Ministry of Healing, p. 179.
b. Naha paiwanka daukanba nahki sipsa pain wantanka briaia? Jan 7:39.
"Gaspel sturka smalkanka bapanka taraba Jisas mita uplara param smalkan. Dawan bilaba sin raiaka laya kum bakusa Dawan trunka wina baltakisa". — Testimonies for the Church, vol. 8, p. 309.
"Wan nina baman lika kristian brikaia apiasa sakuna Jisas wanraiakara iwikaiasa. Bara wan aisanka, wan daukanka wan iwanka nanisutba kasak wapni an holi lakara baman kabia. Upla wan kaiki naniba wednis painkira kum bribia Dawan karnika wan raiakara wartakiba taka. Dawan brindaukisa aiuplika nanibak aikarnika tasbara marikaia, sakuna kumi bani nitsa airaiaka Spirit Holikira mihtara mankan kaia.". Ibid., vol. 5, p. 581.
Wensdi
Lih wainhka kati 23
4. STURI AISAN UPLAWALA BAKU APIA
a. Raiakaia laya dukiara Jisas aisan pyuara upla nani sinskaba diaurakan? Jan 7:40, Klismalkanka 18:15.
b. Upla kum kum Jisas smalkankara kasak lukan, sakuna wala nani dia daukan? Jan 7:41–44.
c. Dia adarka parisi nani mita soldyar nanira yaban? Juan 7:45. Dia muni sip Jisasra alki silakra bribalraskan? Jan 7:46
"Papakni liliaka las yuara, parisi nani mita soldyar dakrakum blikan Jisasra alki silakra bribalbia dukiara, sakuna Jisaska bribalraskan. Parisika nani mita praut taki makabiwalata: “Diakan Jisasra alki silakra bribalkan? Pana tawi naku ansa muni banhwan: “Waikna kumisin Jisas aisiba baku aisaras”.
"Soldyar nani dukia karnakira, sakuna Jisas smalkankara tatatwan kata. Jisas tempel yarka bilara smalkikan pyuara soldyar nani lamara balankan bilakaikikan diara watawikum aisabiawal alki priskaia. Sakuna Jisasra walikanbawal auyatiwan dia dukiara balan kataba. Uba pain an laiktakan smalkankaba. Jisas mita ai kupiara dia baraba kler sakan. Soldyarka nani kaikan parisi nani kaikaia wantapiakanba: Dawan mawan ingnika Jisasra kanba.". —The Desire of Ages, p. 459.
"Jisas ai smalkankara yus munan tasbara paskan dukia nani baraba upla kakaira dukia naniba. Upla kupia naniba ridikan saumuk mâ ba tasba yamni kum bakura briaia. Heven brindaukiba param marikan wawalra kumibani helpkara. Upla nani walikanra marikan Dawan latwanka tara witin nanira briba dukiara. An aismalkankaba karna, wapni an holi lakarakan parisi nani smalkanka purkara. Jisas smalkanka naniba isi an tanka kat sakuna karnika tara brikan wawalra nani kiamara an nakrara. Soldyar nani Jisasra priski bribalbia wisi blikan nani kli tawibal naku wisata: ‘Waikna kumisin Jisas baku aisaras’. Parisi nani mita Jisasra misbara kaikikan tankaba lika witin nani airaiaka naniba wahra, taski an purataiabaman kanba mita." —Testimonies for the Church, vol. 5, p. 747.
Tausdi
Lih wainhka kati 24
5. KASAKKA PLAPLIKRA KUM DIARA SAKANBA
a. Pris nani mita nahki soldyar nani kiama auban? Jan 7:47–49.
b. Aisas Nikudimus tihmiara Jisaswal aisanba. Baha taka nahki witin Jisasra kasak lukan? Jan sapta 3, Jan 7:50–52..
"Nikudimus, witin Dawan bila kasakba aikupiara brikan, mani yumhpara param takraskan. Ao, uplasut mawanra lika Jisas nina blikraskan, sakuna Jû tarkika nani tilara aima ailal Jisasra ikaia traikaikikan pyuara swin daukraskan.". The Acts of the Apostles, p. 104.
"Jisas mita lisin painkira Nikudimusra baha tihmika smalkanba bahkira apiakan. Jisasra kasak lukan Mesaia baku. Spirit Holikira mita nakra kwakan bakusin sinslaka an karnika yaban Testament Almukra prapit ulbanka nani tihuka tanka kasak aiskasut briaia Jisas dukiara aisan naniba.
"Jû tarkika nani aslatakan pyuara Nikudimus sinslakawal sturi aisan, baha uplika nani setan mita kunin munan taka sip aitanka briraskan. Jisas mapara aisibanhwikan, witin nani bilakaikikanba baku balraskanba mita. Tawi Nikudimusra wisata: ‘Mansin Galali winasma ki? Turbikaiks, Galali tawankawina prapit pat takansa sapa.
"Setan wantkanba baku parisi nanisutra kunin munankan aisi banhwikan Jisasba Galali tawankara aisubitakan. Tilara kum kum lika nukan Jisas aisubitakanba lika Betlehem tawankara, sakuna witin nani diara aisaras saptaki aibila prakan kata. ". The SDA Bible Commentary [E. G. White Comments], vol. 5, p. 1136
Praidi
Lih wainhka kati 25
MAKABANKA LUAN NANI BA LAKI KAIKS
1. Dia muni Jisas yaban upla nani witinra aman walikan?
2. Nahki parisi nani traikaikakn Jisasra alki silakra mankaia?
3. Upla kwara tarara dia winanka Jisas daukan las lilika yuara?
4. Jisas smalkanka taka nahki upla ailal lukanka sat sat takan?
5. Nikudimus raiakara lukiwal nahki walkira sipsa helpmunaia?.