Sandi
Lih wainhka kati 13
1. JISAS RAIAKA UTLA BILARA
a. Aiwatla bilakat Jisas dia trabilka brikan? Jan 7:5.
"Jisas, witin kau wahma lupiakanwina mahka wark ailal daukiwal aidaukankara pawikan, Dawan bilawalaiaba kau tara kulkikan tasba aisika nani purkara. ‘Ulbansa’ bara aitaimka ailal mankikan Dawan bila staditakaiara. Parisi nani smalkiba walikan pyuara aitani aidara walraskan. Wahma lupiawina witin lantakan wihka bilakaikaia lakaba an diara manasra sturi aisaia apiaba.
"Jisas muihnika nani, tasba aisika Josep luhpia nanikanba witin nani lika parisi nanira kulkanka yabikan. An bakusin wan almuka nani iwanka tnatka nanira respek muni kulkanka yabaiaba tarasa Dawan bilawal baku. Kauban luki banhwikan wan almuki nani tnatka iwanka naniba kau tarasa Dawan bilawal prakbiasa kaka. Naha Josepka luhpia nani mita aitani kaikraskan Jisas daukanka an smalkanka naniba. Kan Dawan lakara uba kulkanka tara yabikanba taka mita. Jisas nahki sinslaka tarawal parisi naniwal aisikanba kaikan pyuara Josep luhpia nani taiwan, kan Jisas lika skuldimraskan sakuna nuapiakan Dawan bilawina Jisas diara ailal lantakikanba tanka.". The Desire of Ages, p. 86.
Mundi
Lih wainhka kati 14
2. JOSEPH LUHPIA NANI
a. Joseph luhpia nani mita Jisasra dia win tentwatla lilika pyuara? Jan 7:3, 4
"Josep luhpia nani aitani kaikraskan Jisas daukanka parisi naniwal asla takraskanba. Bansin lukikan parisi nani airaitka brisa, an Jisas lika mistikrasa witin nani mapara buiba. Ao witin nani kaikikan Jisas raiakara diara saurakumisin daukraskanba. Galali tawankara wark yamni Jisas ailal daukanba baku Josep luhpia nani wantkan Jerusalemra bal daukbia parisi tarkika nanira marikbia. Rait witinba Mesaiasa kaka. Naku lukikan bilakaikanka tarabriwal.
"Josep luhpia nani mita kli kli Jisasra win Jerusalemra wabia. Nahawina takiwas Judea tawankara, disaipilkam nani kaikbia sain tara nani daukisma dukia naniba. Kan uplakum diara yamni daukiba sip yukwanra dauki kapras. Warkkam yamni nanibawal param taks tasbara iwiuplika nani mawanra. Ao, Josep luhpia nani mita Jisasba Mesaiakum baku lika kasak lukraskan. Diakan sibrin bakusmaba. Karnika brismasa kaka sibrin apuwas Jerusalemra an diara rait daukismaba mariks sin Galalira daukramba baku. Buiwas sibripara Jerusalem lamakir upla umpira nani baraba helpkara sin tukin dauki mariks. Baku parisi an pris nani nakrara yamni maikaikan kabiasa. An upla kwara wal aslataks kingkam lakaba tasbara mahka bapaia. "— The Desire of Ages, p. 450.
b. Muihni nani tilara trabilkum baraba dukiara aisas? Salmo 86:14..
"Josep luhpia nani spirit lainkara lika lukanka kumisin apukan ai nakraba tasba brinkara baman kaikikan. Upla kwara tara mita Jisasra King mankaia lukikan tilara Josep luhpia nanisin barakan, sakuna kaikan Jisas brindaukraskan taim upla ailal ainanara tawiwanba tilara Josep luhpia nanisin aininara tawiwan kata." —Ibid., p. 451.
Tiusdi
Lih wainhka kati 15
3. LUKAN SAT SAT JISAS DUKIARA
a. Upla nani tilara dia lukanka sat sat brikan Jisas dukiara? Jan 7:11, 12.
"Jisas warktara an tukin daukiba dukiara Jerusalem aiska lamakir sturkaba plapi tawan ani anira ju nani baraba sutra; ao kati nani ailal luanra Jû nani lilika tilara Jisas waraskan, sakuna upla ailal witinra bilakaikanka brikan. Utla papakni liliaka daukibara upla ailal kuntriwala naniwinasin balikan, Jisasra kaikaia dukiara. Liliaka taura makabiwalanka ailal barakan. Parisi an Jû uplika tara nani bilakaikikan Jisas bahara balbia alki silakra mankaia dukiara. Bara pana pana upla nanira wali taukikan: Jisaska balanki? Anirasa? Sakuna upla kumisin nuapiakan. Parisi nani sia upla kumi mitasin Jisas dukiara param aisaraskan Mesaia baku. Bansakuna upla nani tilara aisibanhwikan Jisas warkka yamni dukiara, hevenwina blikan kum baku, sakuna tilarasin aisikan uplara kunin mamunra kum baku.".— The Desire of Ages, pp. 451, 452.
b. Nahki Jisas mita bila prakan upla nani lukan sat sat witin aidukiara brikanba? Jan 7:14–18; Luk 4:32.
"Utla papakni liliaka daukikanba pyuara, upla ailal Jisas dukiara ban lukanka sat sat aisikanra Jisas baldiman kata tempel watla yarka bilara upla ailal witinra kaikikan taim. Kau Jisaska balraskan kainara lika upla nani aisikan parisi nani sia Jisas balras utla papakni liliaka tilara. sakuna bal pahtakan taim uplasut ta iwan. Upla kumisin sturi aisaraskan nahki Jisas aiwaihla nani tilara sibrin apu balanba dukiara.". —The Review and Herald, 27 de junio de 1893.
"Jisaska sibrin nansin apu aiminara tih buan an uplara Dawan bila tihuka tanka smalkan Ebraham an Moses pyua naniwina Dawan prapitka ulbanka sturka naniba. Dawan pramis daukanba hevenwina swaki Sasakra kum blikaia dukiara. Upla nanisut aman pali witinra walikan Jisas smalkankaba kler, isi sakuna tihu palikan an karnika tarawal aisikan heven wina blikan kum baku." Ibid.,pp. 452, 453.
Wensdi
Lih wainhka kati 16
4. JISASRA MISBARA KAIKAN
a. Dia Jisas kaikan Jû tauplika nanira, dia makabiwalan? Jan 7:19.
"Parisi nanira Jisas mita param marikan witin Dawanba tanka aikupia lukanka aisikaikaia sipba tanka. Betesda ra upla siknis rakanba pyuawina parisi nani plikikan Jisasra ikaia, baku tnatkara witin nani Dawan Lâ ka krikikan ao uba la kakulkra pulikan sakuna. Jisas mita naku wisata: Moses mita la ba maikan apia, sakuna man nani bahara kulkras. Diakan yangra ai ikaia plikisma?".– The Desire of Ages, p. 456.
b. Jû nani mita Jisasra dia dukiara dusa kuhbikan, Jisas dia ansa munan? Jan 7:20–23.
"Jisas wark yamni daukikanba dukiara setan spiritka mita parisi nani nakrara saura baku yaban kaikan. Jisas bahara aisinska mankras kauban aitaura wark yamni daukikan sabat yuara upla rakikan, ju nani lukikan wark yamni sabat yuara daukaiaba sin apia. Tuktan waikna lupia pat baikanbawina wikkum alkan pyuara wan aisa sainka mankikan sabat yuara kabiasin. Sin baku upla sikniskira kumba sabat yuara rakaiaba saurka apiasa.". —The Signs of the Times, 25 de marzo de 1897.
c. Jisas aisanka bila tihukaba dukiara aisas? Jan 7:24.
"Roman Soldyarka an tawan uplika ailal naku aisan: Kaiks naha waiknikara alki silakra manki ikaia pliki kataba, bara nanara witin karnika tarawal an sinslaka kat Dawan bila smalkisa. Parisi nuapaiasaki sin Jisaska witin nani plikiba alkaia.". ——Ibid., p. 457.
"Jisas mita upla mawanka kulkras, yawan upla lika purataia baman kaikisa sakuna Dawan lika upla kupiara dia baraba kaikisa an nusa. Ani uplika bawikira kasakka laka brindauki plikiba witinra param takan kabiasa.". —— The Signs of the Times, 21 de octubre de 1897.
Tausdi
Lih wainhka kati 17
5. UPLA MITA DAWAN LAKA DAUKANBA
a. Baibil dia aisissa upla sinska dukiara patitara wina sakuna kaupali naiwa las tnatara? Aiseya 59:14, 15.
"Setan suliarka naniba aslataki kau karna taki banhwisa. Naha tasbara las war tara aiklabaiaba dukiara. Tisku pali naha tasbara diara ailal chenstakan kabiasa, bara isti diara ailal takbia uplasut sipkabia kaikaia.
"Setan mita naiwa laspyua iwi uplika nanira yaban diara wahra baman daukisa selp aiwinakat kaikisa latwan lakaba kauhla takansa. Upla umpiraba ailal palisa plun wahwan tilara inisa ban Dawan kiamakat uliwisa.".— Testimonies for the Church, vol. 9, pp. 11, 12.
b. Naiwa upla lukanka sat sat briba tilara nahki Dawan aisanka nina blikaia aitanisa? Aiseya 55: 8,9.
"Upla sinska sirpiba sin heven tanka tihura naniba sip nutakras, ao diara ailal lika Dawan aibila holikirara prapit nanik kler aisansa sakuna bahasin sip tanka briras kan setan mita upla sinska naniba tihmia daukanba mita. Smalkanka wahra nani ailal takanba mita Dawan bila kasak kaba saitra laki swinsa, upla lukanka an aidulra mayuni dakni nani daukanka nina blikisa.". The Great Controversy, pp. 344, 345.
"Dawan dia wantba lika aiuplika nani pawanka tara bribia an Lâ Matawalsipra diara aisan naniba tihukawina aitanka brinkabia."— Testimonies for the Church, vol. 8, p. 63..
Praidi
Lih wainhka kati 18
MAKABANKA LUAN NANI BA LAKI KAIKS
1. Jisas pawan watlabila nahki kanba dukiara aisas?
2. Nahki naiwa sin kli Jisas muihni nani lukanka barasa?
3. Upla nani tilara nahki lukanka sat sat barakan Jisas dukiara?
4. Aisas nahki Jû tarkika nani Jisas maparakan an misbara kaikikan?
5. Upla lukanka an Dawan lukankawal nahki satwalaba dukiara aisas?