Sandi
Lih mairin kati 25
1. WAHRARA TANKA BRIN
a. Jisas disaipilka nani mita dia makabiwalan waikna blain aisubitakanba dukiara? Jan 9:1, 2.
b. Jû nani bakusin Jisas disaipilka nani nahki lukikan upla purara siknis trabilka nani baliba dukiara? Jan 9:34.
"Jû nani kasak lukikan wan saurka mana klalkaba naha tasbara kau raiasa pyuara aibapaia. Wanpurara siknis klalka nani baliba lika selp wan saurka mana, apiasa kaka wan aisa nani daukanba taka klala wanpurara balisa. Piskum lika rait saurka sutba Dawan Lâ ka krikan taka mita balisa. Sakuna setan mita smalkanka wahra yaban Jû nani kasak lukikan siknis an prura klalkaba Dawan wina blikisa upla purara. Baku lika upla sikniskira kumra kaikikan saurakira tara kum baku
"Setan mita baku smalkanka wahra bribalanba taka Jû nani ridikan Jisas Mesaia baku balbiabara briaia apia. An Jû nani sut lukikan Jisasba selp aisaurka taka pruan, Dawan mita witinra klala yaban.".— The Desire of Ages, p. 471.-
Mundi
Lih mairin kati 26
2. DAWAN GLORIKA DUKIARA
a. Jisas ansikawal nahki disaipil nani aitanka brin siknis nani an saurka tanka? Jan 9:3–5.
"Jisas disaipilka nanisin jû nani smalkanka nina blikikan wan saurka taka siknis wanpurara Dawan blikisa wisi. Ao, Jisas mita kler munan baku apiaba tanka, waiknika purara siknis balanba trabilka dukiara aisaraskan sakuna wisaata Dawan mayunra dukiara. ‘kau tasbarasna pyuara, yang lika tasba ingnika kumsna’". — The Desire of Ages, p. 471.
b. Ninkara Jisas dia daukan? waiknika blain nahki Jisas bilawalan? Jan 9:6, 7..
"Jisas mita waiknika blain nakra slaublawal yukan ninkara wisata Silue layara wih sikbia, an waiknika baku daukan pyuara nakra pain takan kata. Naha daukankawal Jisas mita disaipil nanira diara kasakba landaukan. Waiknika blainkanra Jisas mita slaublawal nakrara yukanba an Silue layara blikan ainakra sikbanba walsutra karnika apukan sakuna Dawan kupia pihnika laka an aipadinka lakawal sipkan waiknika nakra kli yaka kaikaia.".— The Desire of Ages, p. 471.
c. Jisas mita waikna blainra rakan taka nahki lukan sat sat upla nani brikan? Nahki waiknika aikupia lakan? Jan 9:6, 7.
"Waiknika blainkanba watla lamara dimi uplika nani naku aisan: ‘Naha waiknika apia yabal unra iwi uplara makakabra taki kataba?. Nanara witin diara kaikan pyuara aimawanba ingni an lilia takan, bara kaikras kaka baha apia taliakan. Upla manas witin dukiara ban namhpara lukikan sakuna kum kum wisata ao, naha sin waiknika wahma. Waiknika aisi wisata ao, yang sin waiknika.". — The Desire of Ages, p. 471, 472.
Tiusdi
Lih mairin kati 27
3. MAKABANKA KUM PAWIBA
a. Jû ta uplika nani mita waiknika blainkan Jisas rakanba anira brihwan? Dia muni? Dia yuara rakan? Jan 9:13, 14.
b. Parisi nani dia daukanba dukiara aisas? Jan 9:15, 16.
"Parisi nani mita plikikan Jisasra traika kaiki yaka saurka daukbia wantkan, bara wiaia Mesaia apia. Kuna nuapiakan Jisas mita Sabat laka bapan an nahki tnatkara kasak kulkanka yabaiasin. Parisi nani mita Jisasra ikaia plikikan waikna blain sabat yuara rakanba wisi."— The Desire of Ages, p. 472.
c. Parisi nani mita yaura winan wedniskabia dukiara? Jan 9:15, 16.
"Parisi nani mita wahmika blainkataba papikara aisi makabi walata: naha man luhpiam blain kataba?
"Wahmika kainara blain kataba sin minitka aiminara buikan an witin nakraba pain kaikikan; sakuna parisi nani wantkan aisika mita wibia mistik kum witin takan wisi. Parisi nani wantkan taibi muni aisika yaka diara wala aisabia.". —The Desire of Ages, p. 472.
d. Nahki wankupia kraukisa sturi raitba walras ban isti ansamuniba dukiara? Sinslaka 18:13..
"Upla ailal Dawan bila kasakkaba walisa sakuna wahra tanka brisa. Smasmalkra smalkanba swisisi selp ailukanka mankisa bilawalaia apia dukiara. Witin pain nusa baku apiaba sakuna upla mawanka siaia brindaukras diara kasakba nina blikaia. Bahasut lika setan kuninka lakasa uplara ban alba lakara brikaia dukiara." —Testimonies for the Church, vol. 5, p. 695.
Wensdi
Lih mairin kati 28,
4. TAIBI MUNI SIRAN IKANRA
a. Jû nani mita waikna blainkan aisikara nahki taibi muni karna aisan, waiknika nahki ansamunan? Jan 9:20, 21; Jan 9:22, 23.
"Parisi nani mita wahma blainkan Jisas mita rakan aisikara taibimuni yaka sibriaia plikikan. Diara nuapia baku makabi walan: ‘Nahki luhpiam blain kanba nanara kaikisa?’ Aisika sibrikan sturi inipas aisi ailuhpiara patdinkaia; kan parisi nani mita uplasutra winkan ya Jisasra Mesaia baku kulkanka yabiasa kaka Jû nani priaska watlawina kanbaia kati kum pitka. Baha pyua nanira sip tuktan kumra wan aisa sainka mankras, an pamali kum prubiasa kaka sip watlara aslataki inras. Baha lakaba saurapali kulkikan; katikum bilara aikupia laki padin takras kaka klala kau tara aipurara bribalikan. Wahma blainkan Jisas mita rakanba aisika pain pali nukan bara witin wisata: ao, naha sika yang luhpi waikna, blain aisubitakan sakuna nanara witin kaikisa, yang nuapiasna ya mita rakansa sapa, luhpikana pat wahma nara man sipsma witin wina palira makabiwalaia. Wahma aisikaba sibrikan bara diara aisaia wantapiakan Jisas rakanba dukiara.".— The Desire of Ages, pp. 472, 473.
b. Taibi wanmuni sibrin wankisa pyuara dia wansinskara briakaiasa? Lawana nani 118:6.
"Minamra karna buibas, saura kumisin daukpara siasabrira maiwibiasin. Lamwaska kikisa, ar taibi maimunisa wisi ban Dawan Lâ ka krikpara ". —Fundamentals of Christian Education, p. 93.
"Kristian daukanka kasakba lika karna aibapankaiasa, diara kumi mitasin yaban witin aininara tauras. Tasbara karnika kumi mitasin ailukankaba chensmunras, setan mita nahkisat traika kakikan aipurara bribalbiasin sip witinra batakras kan hevenwina karnikaba witin brisa."— Testimonies for the Church, vol. 4, pp. 543, 544
"Wan sertska Adventist tilakat membars ailal barasa Dawan Lâ kaba purataia baman kulkisa, witin nani dakni wala aikuki aslataki wanpurara trabil saura bribalbia. Sin Jerusalem kaupinka papaskra nanira waihla nani mita traikaiki kataba baku yarka takaskaia warkkaba. Sakuna sibriras aitaura brihwan kata." —Ibid., vol. 3, p. 574.
Tausdi
Lih mairin kati 29
5. WAN NINARA TAKAN DUKIABA KLI TAKISA
a. Naika palira dia takbia Dawan Lâ ka bilawawalra nani purara dia trabilka balbia? Param marikan 12:17; Sturka nani 4:18-20.
"Mapara aisankaba kau ban kuntriwalara wih dimisa pyuara upla nanira winanka daukisa Dawan Lâ kara bahki kulkiba dukiara, setan ai suliarka aikuki kau karna warktakisa. Dawan bila kasakka ba kau smalkisa pyuara wanmapara buankaba kau tara kabia. Kauhwan sertska daknika nani pasinka ai suliarka taibi munbia wan smalkankara walaia apia. An tnatka plikbia heven ingnikara daskaia. Kahwan sertska daknika nani sut aslataki tasba gabamintka karnika plikbia. Baku lika gabamint nani mita la kum mankbia sandi kulkaia dukiara, an taibi munbia rausauhkbia Dawan Lâ ka kulki daknika nani mapara. Multa aibapbia an silakra mankbia, an wala nanira wibia wark pain tara mihtara mankaia tasba dukia wala nanisin yabaia sabat kulki daknikawina takbiasa kaka. Baha awarkara ya kristian kasakba karna aibapan kabia an wibia: ‘Dawan bila wina aimariks diaba yang nani mistiksna kaka’. Sin tnatkara Lutero daukan kata mani ailal luan nanira. Tasba wihtika nani mawanra wanbrihwabia, sakuna baha yuara Spirit Holikira mita karnika an sinslaka wankbia Dawan bila kasakkaba wan wali nanira smalkaia. Kum kum baha tilawina wilin takbia Dawan suliarka takaia.". —The Great Controversy, p. 607.
b. Trabil nani wanpurara balisa pyuara, dia wansinskara brikaiasa? Jan 9:39; Sturka nani 4:33; Matyu 10:28.
"Parisi nani mita Jisas disaipilka nanira traikaikan taibi muni yaka sibriaia sakuna sipapiakan.". —The Acts of the Apostles, p. 48.
Praidi
Lih mairin kati 30
MAKABANKA LUAN NANI BA LAKI KAIKS
1. Jû nani mita upla sikniskira nanira nahki laka aisidaukan?
2. Ya mita waikna blain aisubitakan kanra kli nakra yaban?
3. Waiknika blainkan wina rawanba dukiara upla nani nahki namhpara lukan?
4. Waikna blainkan wina rawanba ninkara dia trabilka aipurara balan?
5. Waikna blainkan aisika traika kaikanra kahwanba nahki yang pura luwaiasna?