Domingo
, Marso 23
1. GIGUTOM NGA MGA KALAG
a. Gawas sa mga tinon-an, kinsa pa ang kauban ni Jesus sa dihang Siya mitabok sa dagat sa Galilea sa wala pa ang pasko? Juan 6:1, 2.
“Si Cristo miadto sa usa ka hilit nga dapit uban sa Iyang mga tinon-an, apan kining talagsaon nga panahon sa malinawon nga kalinaw sa wala madugay naputol. Ang mga tinon-an naghunahuna nga sila nakapahulay na diin dili sila mabalda; apan sa diha nga ang panon sa katawhan gimingaw sa langitnong Magtutudlo, sila nangutana, ‘Hain man Siya?’ Ang pipila taliwala kanila nakamatikod sa direksyon diin si Cristo ug ang Iyang mga tinon-an miadto. Daghan ang miadto pinaagi sa yuta aron sa pagtagbo kanila, samtang ang uban misunod pinaagi sa ilang mga sakayan tabok sa tubig. Ang pasko haduol na, ug, gikan sa halayo ug sa duol, ang mga pundok sa mga magpapanaw sa ilang dalan paingon sa Jerusalem nagkatigum aron sa pagtan-aw kang Jesus. Nadungagan ang ilang gidaghanon, hangtud nga adunay nagkatigom lima ka libo ka lalake gawas sa mga babaye ug mga bata. Sa wala pa makaabot si Cristo sa baybayon, usa ka panon sa katawhan naghulat Kaniya. Apan Siya midunggo nga wala nila mabantayi, ug migugol ug makadiyot nga panahon uban sa mga tinon-an.”— The Desire of Ages, p. 364.
b. Ilugway ang espirituwal nga kahimtang sa katawhan nga nagkatigom. Marcos 6:34.
Lunes
, Marso 24
2. MAGAATIMAN ALANG SA ATONG MGA GIKINAHANGLAN
a. Unsa may sa kamaloloy-on nakita ni Jesus nga gikinahanglan sa katawhan - ug giunsa Niya paggamit kini nga kahigayonan aron sa pagsulay sa pagtoo sa Iyang tinon-an, si Felipe? Juan 6:3-6.
“Gikan sa kilid sa bungtod [si Jesus] milantaw sa nagalihok nga pundok sa katawhan, ug ang Iyang kasingkasing natandog sa pagkalooy. Nabalda Siya, ug nakawatan sa iyang pahulay, wala siya masuko. Nakita niya ang mas daku nga panginahanglan nga kinahanglan sa Iyang pagtagad samtang Siya nagtan-aw sa mga tawo nga nangabot ug nangabot gihapon. Siya natandog uban ang kalooy ngadto kanila, tungod kay sila sama sa mga carnero nga walay magbalantay.’ Mibiya sa Iyang pahulayanan, Siya nakakita ug usa ka haum nga dapit diin Siya makaalagad kanila. Wala silay nadawat nga tabang gikan sa mga sacerdote ug mga magmamando; apan ang makaayo nga tubig sa kinabuhi midagayday gikan kang Cristo samtang Siya nagpanudlo sa panon sa katawhan sa dalan sa kaluwasan. . . .
“Ang adlaw alang kanila daw langit dinhi sa yuta, ug sila sa hingpit wala mahibalo kon unsa na kadugay nga wala sila makakaon ug bisan unsa.
“Sa kadugayan ang adlaw natapos. Ang adlaw misalop na sa kasadpan, apan ang mga tawo nagpabilin. Si Jesus nagbuhat sa tibook adlaw nga walay pagkaon o pahulay. Siya nangluspad tungod sa kakapoy ug kagutom, ug ang mga tinon-an mihangyo Kaniya sa paghunong sa Iyang pagpangabudlay. Apan dili Siya makapalayo sa Iyang kaugalingon gikan sa panon sa katawhan nga midutdut Kaniya. . . .
“Siya kinsa mitudlo sa mga tawo sa paagi sa pagbaton sa kalinaw ug kalipay sama kamahunahunaon sa ilang temporaryo nga mga panginahanglan maingon sa ilang espirituhanong panginahanglan. Ang mga tawo gikapoy ug nangaluya. Adunay mga inahan nga adunay mga masuso diha sa ilang mga bukton, ug ang gagmay nga mga bata nga nagkupot sa ilang mga sayal. Daghan ang nagbarog sulod sa pipila ka mga oras. . . .
“Daghan ang nangabut gikan sa halayo, ug wala makakaon sukad pa sa buntag. Diha sa naglibot nga mga lungsod ug mga balangay makahimo sila nga makapalit ug pagkaon. . . . Apan si Jesus miingon, ‘Hatagi silag makaon,’ ug unya, milingi kang Felipe, nangutana, ‘Asa man kita mopalit ug tinapay, aron sila makakaon?’ Kini Iyang gisulti sa pagsulay sa pagtoo sa tinon-an.”— The Desire of Ages, pp. 364, 365.
b. Unsa man ang reaksiyon ni Felipe? Juan 6:7.
“Mitan-aw si Felipe sa daplin sa dagat nga puno sa katawhan, ug naghunahuna nga unsa ka imposible ang paghatag ug pagkaon aron sa pagtagbaw sa mga panginahanglan sa maong panon. Mitubag siya nga ang duha ka gatos ka denario nga kantidad sa tinapay dili gayud paigo aron bahin-bahinon kanila, aron ang matag usa makabaton ug gamay.”— Ibid.
Martes
, Marso 25
3. BISAN UNSA ANG ANAA
a. Unsang inpormasyon ang gihatag ni Andres ngadto kang Jesus - ug unsa ang gimando ni Jesus sa mga tinon-an nga buhaton? Juan 6:8-10.
“Si Jesus nangutana kon unsa ka daghan ang pagkaon ang makaplagan taliwala sa panon. ‘Adunay usa ka bata dinhi,’ miingon si Andres, ‘nga adunay lima ka tinapay nga sebada, ug duha ka gagmay nga isda; apan unsa sila taliwala sa daghan kaayo?’ Mimando si Jesus nga dalhon kini ngadto Kaniya. Unya Iyang gisugo ang mga tinon-an sa pagpalingkod sa mga tawo diha sa mga balili sa mga pundok nga tig kalim-an o usa ka gatus, aron sa pagpreserbar sa kahusay, ug aron ang tanan mahimong makasaksi kon unsay Iyang pagabuhaton.”— The Desire of Ages, p. 365.
b. Isaysay ang mga lakang nga gihimo ni Cristo sa pagpadaghan sa pagkaon — ug unsa nga mga leksyon ang atong makat-onan gikan niini. Mateo 14:19; Marcos 6:37–41; Juan 6:11.
“Si Jesus wala magtinguha sa pagdani sa mga tawo ngadto Kaniya pinaagi sa pagtagbaw sa tinguha alang sa kaluho. Ngadto nianang dakung panon, gikapoy ug gigutom human sa taas, kulbahinam nga adlaw, ang yano nga pagkaon maoy usa ka pasalig sa Iyang gahum ug sa Iyang malumo nga pag-atiman kanila diha sa yano nga mga panginahanglan sa kinabuhi. Ang Manluluwas wala misaad sa Iyang mga sumosunod sa mga kaluho sa kalibutan; ang ilang kapalaran mahimong masirad-an pinaagi sa kakabus; apan ang Iyang pulong maoy usa ka saad nga ang ilang panginahanglan mahatag ug Siya nagsaad nianang mas maayo pa kay sa yutan-on nga kaayohan — ang nagapadayon nga kahupayan sa Iyang kaugalingong presensya.”— The Ministry of Healing, pp. 47, 48.
“Niini nga milagro, si Cristo nakadawat gikan sa Amahan; Iyang gihatag ngadto sa mga tinon-an, ang mga tinon-an ngadto sa mga tawo, ug ang mga tawo ngadto sa usag usa. Busa ang tanan nga nahiusa kang Cristo makadawat gikan Kaniya sa tinapay sa kinabuhi, ug mipaambit niini ngadto sa uban. Ang Iyang mga tinon-an mao ang natudlo nga paagi sa kadugtongan tali ni Cristo ug sa katawhan.”— Ibid., p. 49.
c. Diha sa unsang leksyon sa matuod nga pagpangalagad nga kita gipahinumdoman dinhi? Isaias 61:6.
“Gidala sa mga tinon-an ngadto kang Jesus ang tanan nga ilang nabatonan; apan wala Siya magdapit kanila aron makakaon. Iyang gisugo sila sa pagsilbi sa katawhan. Ang pagkaon midaghan diha sa Iyang mga kamot, ug ang mga kamot sa mga tinon-an, nga gituyhad ngadto kang Cristo, dili gayud mahimong walay sulod. Ang gamay nga tagana nahimong paigo alang sa tanan. Sa dihang nabusog na ang panon sa katawhan, ang mga tinon-an mikaon uban ni Jesus sa bililhon, gitagana sa langit nga pagkaon.”— Ibid.
Mierkules
, Marso 26
4. ANG KATAHUM SA PAG-AMBITAY
a. Unsay atong makat-onan gikan sa makahuloganon nga pahamangno nga gihatag ni Jesus human ang pagpakaon sa panon sa katawhan? Juan 6:12, 13.
“Sa dihang natigom na ang mga bukag sa mga tipik, ang mga tawo naghunahuna sa ilang mga higala sa balay. Buot nila nga makaambit sila sa tinapay nga gipanalanginan ni Cristo. Ang mga sulod sa mga bukag giapod-apod sa mga madasigon nga panon sa katawhan, ug gidala ngadto sa tibook rehiyon sa palibot.”— The Desire of Ages, p. 368.
“Gisugo ni Jesus ang Iyang mga tinon-an, ‘Hipusa ninyo ang mga tipik nga nanghibilin, aron nga walay mausik.’ Juan 6:12. Kini nga mga pulong nagpasabot ug labaw pa kay sa pagbutang sa pagkaon diha sa mga basket. Ang leksyon duha ka pilo. Walay angay usikan. Wala kita’y dumilian nga temporaryo nga bentaha. Wala kitay dumilian nga magsilbi nga kaayohan sa usa ka tawo. Himoa nga ang tanan matigum nga makapahupay sa mga kinahanglanon sa mga gigutom sa yuta. Uban sa pariho nga pagmatngon atong tagaan ug bili ang tinapay gikan sa langit aron sa pagtagbaw sa panginahanglan sa kalag. Pinaagi sa matag pulong sa Dios kita magkinabuhi. Walay bisan unsa nga gisulti sa Dios ang mawala. Walay usa ka pulong nga may kalabutan sa atong walay katapusan nga kaluwasan nga atong pasagdan. Walay usa ka pulong ang mahulog sa yuta nga walay kapuslanan.”— The Ministry of Healing, p. 48.
b. Bisan pa nga daw makita nga dili kombenyente o imposible, unsa nga Cristiano nga kalidad nga kita giagda sa pag-ugmad? Isaias 58:6–8; 1 Pedro 4:9.
“Sa matag emerhensya kita mangayo ug tabang gikan Kaniya kinsa adunay walay kinutuban nga mga tinubdan sa Iyang mando. . . .
“Samtang makita nato ang mga kinahanglanon sa mga kabus, sa mga walay alamag, mga sinakit, unsa ka sagad nga ang atong mga kasingkasing mobati. Kita mangutana, ‘Unsa may mahimo sa atong mahuyang nga kusog ug gamay nga mga tinubdan aron sa paghatag niining makalilisang nga panginahanglan? Maghulat ba kita ug usa nga mas daku ug abilidad aron sa pagdumala sa buhat, o sa mga organisasyon aron nga maoy mohimo niini? Si Cristo miingon, ‘Hatagi silag makaon.’ Gamita ang paagi, ang panahon, ang abilidad, nga anaa kanimo. Dad-a ang imong mga tinapay nga sebada ngadto kang Jesus.
“Bisan pa nga ang imong mga tinubdan tingali dili igo sa pagpakaon sa liboan, sila mahimong paigo sa pagpakaon sa usa. Diha sa kamot ni Cristo mahimo silang makapakaon ug daghan. Sama sa mga tinon-an, ihatag kon unsa ang anaa kaninyo. Si Cristo mopadaghan sa gasa. Iyang balusan ang matinuoron, yano nga pagsalig diha Kaniya. Kanang daw gamay ra nga tagana magapakita ingon nga usa ka daku nga kombira.”— Ibid., pp. 49, 50.
Huebes
, Marso 27
5. ATONG MAGLALALANG UG MAGHAHATAG
a. Unsang kahibulongan nga kinaiya sa Dios nga dili nato gayud kalimtan? Salmo 37:25, 26; Filipos 4:19.
“Ang gracia sa Dios diha sa gamay nga bahin nga naghimo niining tanan nga paigo. Ang kamot sa Dios makapadaghan niini ug usa ka gatus ka pilo. Gikan sa Iyang mga tinubdan Siya makahimo sa pagbuklad ug lamesa diha sa kamingawan. Pinaagi sa paghikap sa Iyang kamot Siya makahimo sa pagpadaghan sa nihit nga probisyon o tagana ug maghimo niini nga paigo alang sa tanan. Ang Iya nga gahum mao nga nagpatubo sa mga tinapay ug mais diha sa mga kamot sa mga anak sa mga propeta. . . .
“Sa dihang si Jesus misugo sa Iyang mga tinon-an sa paghatag ug pagkaon ngadto sa panon sa mga tawo, sila mitubag, ‘Wala na kitay lain gawas sa lima ka tinapay ug duha ka isda; gawas nga kita moadto aron sa pagpalit ug pagkaon alang niining tanang katawhan.’ Lucas 9:13. Unsa man kana taliwala sa daghan kaayo?
“Ang leksyon alang sa mga anak sa Dios sa matag panahon. Sa dihang ang Ginoo naghatag ug bulohaton nga pagahimoon, ayaw itugot nga ang mga tawo mohunong sa pagpangutana sa pagkamakatarunganon sa sugo o ang posibleng resulta sa ilang mga paningkamot sa pagsunod. Ang tagana diha sa ilang mga kamot mahimong dili paigo sa gikinahanglan aron nga makompleto; apan diha sa mga kamot sa Ginoo kini mapamatud-an nga labaw pa sa paigo. . . .
“Ang usa ka bug-os nga pag-ila sa relasyon sa Dios niadtong kinsa Iyang gipalit uban sa gasa sa Iyang Anak, ang usa ka mas daku nga pagtoo diha sa padayon nga pag-uswag sa Iyang kawsa dinhi sa yuta — mao kini ang dakung panginahanglan sa iglesia karon. Ayaw itugot nga adunay mag-usik-usik sa panahon diha sa pagkasubo sa kanihit sa ilang makita nga mga tinubdan. Ang gawasnon nga panagway mahimong dili maayo, apan ang kusog ug pagsalig diha sa Dios makapalambo sa mga tinubdan. Ang gasa nga gidala ngadto Kaniya uban ang pagpasalamat ug uban sa pag-ampo alang sa Iyang panalangin, Siya mopadaghan maingon sa Iyang pagpadaghan sa pagkaon nga gihatag ngadto sa mga anak sa mga manalagna ug sa gikapoy nga panon sa katawhan.”— Prophets and Kings, pp. 241-243.
Biernes
, Marso 28
PERSONAL SUBLI NGA MGA PANGUTANA
1. Ihulagway ang gawi sa mga tawo sa pagpaminaw sa mga pulong ni Cristo.
2. Giunsa sa Ginoo paghatag ang ilang personal nga panginahanglan?
3. Unsay atong makat-onan gikan sa paagi nga gihuptan ni Cristo ang panon diha sa kahusay?
4. Unsay angay nakong hinumdoman kon aghaton, “Hatagi silag makaon”?
5. Pagngalan ug mga panahon sa diha nga ang probidensya sa Dios alang kanimo sa pinasahi talagsaon kaayo.