Unang Sabado nga Halad

“Mga Anak sa Kinaiya” Sentro sa Edukasyon sa Romania

“Ang sayo nga edukasyon sa mga batan-on kasagarang naghulma sa ilang mga kinaiya alang sa kinabuhi.”—Testimonies for the Church, vol. 3, p. 135.

Ang inspirasyon nagsulti sa usa ka makapadasig nga kasinatian sa dihang ang “katiguman sa mga kabataan, o kindergarten sa Biblia, nakahimog maayong buhat. Ang mga leksyon gihatag gisubli sa mga bata sa ilang mga panimalay, ug sa mga inahan ipakita ang ilang interes pinaagi sa pag-andam sa mga bata nga hapsay alang sa eskwelahan. Kasagaran sa mga bata mga anak sa mga ginikanan nga dili sa atong pagtoo.”— Evangelism, p. 583.

Ang “Children of Character” Education Center gitukod niadtong 2019 didto sa Fagaras, usa ka bukidnon nga ciudad sa Romania. Mga bata nga taliwala sa mga edad nga 2 ug 5 sa kanindot naugmad dinhi. Dugang pa sa mga kalihokan nga piho sa edad, sila makakat-on sa mga istorya sa Biblia, sa pag-ampo, sa pag-awit ug sa paghimo sa Dios nga ilang higala. Bisan bata pa sila, nakasabot sila niana nga ang Dios maoy nagkontrolar ug sila nakakat-on sa pagpangayo Kaniya alang sa tabang sa ilang mga problema. Ang ilang kinaiya gitukod adlaw-adlaw. Pinaagi sa gracia sa Dios atong makita ang talagsaong mga kausaban sa kinabuhi niining gagmayng mga bata. Alang sa umaabot, gusto namong tudloan kadtong kansang kahimtang dili motugot niini.

Sa unang tuig nagsugod mi sa 12 ka mga kabataan; sa ikaupat nga tuig namo adunay 32 ka mga kabataan, 31 kanila gikan sa gawas sa simbahan. Sa pagkakaron, ang kalihokan mahitabo sa 4 ka lawak nga gihatag sa Romanian Union punoang buhatan, apan kini napamatud-an nga naghuot tungod kay ang nagpalista lapas na sa atong kapasidad. Pinaagi niini, atong masabtan nga ang Dios gusto nga kita magpadayon ug mopalambo niining talagsaong kalihokan ug sa ingon makontak ang ingon ka daghan nga mga bata ug ilang mga pamilya kutob sa mahimo. Mao nga, kaniadtong 2021, usa ka piraso sa yuta ang gipalit sa gawas sa ciudad ug nakuha namo ang gikinahanglang permiso sa pagsugod sa pagtukod. Karon ang pundasyon napahimutang na. Kami mapasalamaton kaayo sa Dios tungod sa paghikap sa inyong mga kasingkasing — kaninyo nga nagtabang sa proyekto hangtud niining higayona ug kamo nga madagayaon buhata kini karon. Uban sa imong gasa, makahatag ka sa mga bata nga wala makaila sa Dios ug higayon nga makaduol Kaniya ug makadawat ug Cristohanong edukasyon. Naghangyo kami sa imong maayong kabubut-on ug sigurado nga dili ka magpabilin nga walay pagtagad, apan mosuporta kanato sa pagdala niini nga proyekto ngadto sa usa ka malampuson nga pagtapos ug dad-a kami sa imong mga pag-ampo usab.

Ang inyong mga igsoong lalake ug babaye gikan sa Romanian Union