Unang Sabado nga Halad

Wala'y pangutana nga ang mga gubat, mga hungihong sa mga gubat, makalilisang nga mga aksidente, hulaw, baha, bagyo, linog, sunog, ug mga kamatay nagadugang sa bug-os nga kalibutan nga hilabihan ka paspas—tanan katumanan sa mga tagna sa Biblia nga atong ginatun-an. Sigurado, niining tanan nga trahedya, klaro nga masabtan nato ang mga tikang sa nagkaduol nga Dios. Liboan ang nag-antus pag-ayo niining grabeng mga kalisdanan, nanawagan sa nagkalain-laing matang sa tabang gikan sa mga ambassador ni Jesu Cristo sa paggamit sa makapaayo nga balsamo sa Gilead.

Niining masakit nga mga kalisdanan, ang GC Welfare Department mipaambit sa mga panalangin nga gihatag gikan sa atong pundo pinaagi sa mga halad nga inyong gipadala, sa atong mga kaigsoonan sa tibook kalibutan. Gipadala kini usa ka personal ug piho nga paagi aron matubag ang mga panginahanglanon, ingon man pinaagi sa Unang Sabado nga mga Halad. Minahal nga mga kaigsoonan, ang imong mga halad makahatag ingon nga kapasilongan niadtong nawad-an sa ilang mga panimalay sa natural nga trahedya; nakahatag sila ug pagkaon alang sa gatusan ka mga pamilya ug pag-atiman para sa mga ilo ug balo, nga nagpaabot sa pagkaon ug tabang ngadto kanila. Kini nga mga halad nakatabang usab sa mga ginikanan sa pagkuha ug mga liso sa pagtanom ug pagpakaon sa ilang mga pamilya o pagsugod sa usa ka gamay nga negosyo aron dili maihap nga mga tawo sa atong pagtoo mahimong adunay tinubdan sa kita ug trabaho nga dili gayud mahimo nila.

Salamat sa Dios nga niining panahon sa pagsulay, daghan ang natandog sa pagbutang sa ilang mga donasyon sa halaran sa Ginoo. Sa ngalan sa mga naserbisyohan, daku among pasalamat!

Bisan pa niini, ang mga panginahanglan wala mohunong - sa kasukwahi, sila nagkadaghan matag adlaw, busa ang imong pagkamanggihatagon makatabang gayud kaayo.

“Ang krus ni Cristo naghangyo sa pagkamaayo sa matag sumusunod sa bulahan nga Manluluwas. Ang prinsipyo nga gihulagway didto mao ang paghatag, paghatag. Kini, nga gihimo sa aktuwal nga pagkamaayo ug maayong mga buhat, mao ang tinuod nga bunga sa Cristohanong kinabuhi.”— Counsels on Stewardship, p. 14.

Karong adlawa, sa imong paghalad sa imong pinasahi nga halad alang sa unang Sabado, palihug buhata ang imong labing maayo sa pagpasidungog sa Dios. Bisan gamay o daghan, ang tanan makahimo sa ilang labing maayo. Gikan sa sumada niini nga gipaambit nga gugma, magpadayon kami sa pag-apud-apod sa mga panalangin ngadto sa atong mga kaigsoonan sa tibuok kalibutan. “Siya nga nagahatag sa mga kabus nagpanalangin sa uban, ug gipanalanginan sa iyang kaugalingon sa mas daku pa nga sukod” (Ibid., p. 13). Hinaut ang Dios sa hilabihan magapanalangin kaninyo!

Welfare Department sa Konperencia Heneral