Domingo
, Hunyo 15
1. ANG PAMILYA SA BETANIA
a. Unsang mga tinun-an ang nabatonan ni Jesus didto sa lungsod sa Betania? Juan 11:5.
“Ang kasingkasing [ni Cristo] nahiusa sa usa ka lig-on nga bugkos sa paghigugma ngadto sa pamilya sa Betania, ug sa usa kanila ang Iyang labing kahibulongan nga buhat nahimo.
“Sa balay ni Lazaru, si Jesus kanunay nakakaplag ug kapahulayan. Ang Manluluwas walay puloy-anan sa Iyang kaugalingon; Siya nagsalig sa pagkamaabiabihon sa Iyang mga higala ug mga tinun-an, ug kasagaran, sa dihang gikapoy, giuhaw sa tawhanong pakig-uban, Siya malipayon sa pagpahulay niining malinawon nga panimalay, layo sa katahap ug pangabugho sa nasuko nga mga Pariseo. Dinhi Iyang nakit-an ang usa ka sincero nga pag-abiabi, ug putli, balaang panaghigala. Dinhi makasulti Siya uban sa kayano ug hingpit nga kagawasan, nasayud nga ang Iyang mga pulong masabtan ug gipangga.”— The Desire of Ages, p. 524.
b. Sa unsa nga matang sa panimalay anaa ang Dios uban sa Iyang pinili nga mga panalangin? Proverbio 3:33 (katapusan nga bahin).
“Ang atong Manluluwas naghatag bili sa usa ka hilom nga puloy-anan ug interesadong mga tigpaminaw. Siya nangandoy alang sa tawhanon nga kalooy, pagtahud, ug paghigugma. Kadto sila nakadawat sa langitnong instruksyon Siya kanunay andam sa pagpahat sa hilabihan nabulahan.”— Ibid.
Lunes
, Hunyo 16
2. SI LAZARU NASAKIT
a. Unsang aksyon ang gihimo sa mga igsoong babaye ni Lazaru sa dihang ang ilang igsoon seryoso nga nagkasakit - unsa ang tubag ang ilang nadawat? Juan 11:1-4.
“Si Lazaru naigo sa kalit nga sakit, ug ang iyang mga igsoong babaye nagpadala ngadto sa Manluluwas, nga nagaingon, ‘Ginoo, tan-awa, siya nga Imong gihigugma nagmasakiton.’ Ilang nakita ang kapintasan sa sakit nga mitapot sa ilang igsoon, apan sila nahibalo nga si Cristo nagpakita sa Iyang kaugalingon nga makahimo sa pag-ayo sa tanang matang sa mga sakit. Sila mituo nga Siya mosimpatiya kanila diha sa ilang kalisdanan; busa sila wala maghimo ug dinalian nga hangyo alang sa Iyang dihadiha nga presensya, apan nagpadala lamang sa masaligon nga mensahe, ‘Siya nga Imong gihigugma nagmasakiton.’ Sila naghunahuna nga Siya motubag dayon sa ilang mensahe, ug makauban nila sa diha nga Siya makaabot sa Betania.
“Matinguhaon sila nga naghulat sa pulong gikan kang Jesus. Samtang ang kidlap sa kinabuhi anaa buhi pa diha sa ilang igsoon, nangamuyo sila ug nagbantay nga moabot si Jesus. Apan ang mensahero mibalik nga wala Siya. Apan iyang gidala ang mensahe, ‘Kining sakita dili ngadto sa kamatayon,’ ug sila migunit sa paglaum nga si Lazaru mabuhi. Sa kalumo sila naningkamot sa pagsulti sa mga pulong sa paglaum ug pagdasig sa hapit wala nay panimuot nga nag-antus.”— The Desire of Ages, pp. 525, 526.
b. Ihulagway ang mga pulong ug mga buhat ni Cristo sa sunod nga pipila ka mga adlaw. Juan 11:5–8.
“Sa sulod sa duha ka adlaw daw gibiyaan ni Cristo ang mensahe gikan sa Iyahang hunahuna; kay Siya wala magsulti mahitungod kang Lazaru. Ang mga tinun-an naghunahuna kang Juan Bautista, ang nag-una ni Jesus. Natingala sila ngano nga si Jesus, uban ang gahum sa paghimog kahibulongang mga milagro, mitugot kang Juan nga mag-antus sa bilanggoan, ug mamatay sa mabangis nga kamatayon. Nakabaton sa ingon nga gahum, nganong wala ni Cristo luwasa ang kinabuhi ni Juan? Kini nga pangutana kanunay nga gipangutana sa mga Pariseo, nga nagpresentar niini ingon sa usa ka dili matubag nga argumento batok sa pag-angkon ni Cristo ingon nga Anak sa Dios. Ang Manluluwas mipasidaan sa Iyang mga tinun-an sa mga pagsulay, kapildihan, ug pagpanglutos. Biyaan ba Niya sila diha sa pagsulay? Ang uban nangutana kon sila ba nasayop sa Iyang misyon. Ang tanan sa hilabihan naglibog. . . .
“Ang mga tinun-an nangutana, kon si Jesus moadto sa Judea, ngano nga naghulat pa ug duha ka adlaw. Apan ang kabalaka alang kang Cristo ug sa ilang kaugalingon mao na karon ang labaw sa tanan diha sa ilang mga hunahuna. Wala silay laing makita gawas sa katalagman sa tumong nga Iyang pagabuhaton karon.”— Ibid., pp. 526, 527.
Martes
, Hunyo 17
3. PAGKABALO NALISO NGADTO SA PAGLAUM
a. Unsang walay katapusan nga mensahi ang atong mapupo gikan sa kon giunsa ni Cristo pagtagad ang nagdugtong-dugtong nga mga hitabo nga nakapalibut sa pagkasakit ni Lazaru? Juan 11:9, 10.
“Kadtong mahimo unta nga mga katabang ni Cristo, apan nagsalikway sa mga mensahero ug sa ilang mensahe, mawad-an sa ilang kadugtongan. Sila magalakaw diha sa kangitngit, nga dili mahibalo kon asa sila mapangdol. Ang mga ingon andam nga malimbongan pinaagi sa mga limbong sa katapusang adlaw. Ang ilang mga hunahuna nalinga sa ginagmay nga mga butang, ug sila mawad-an sa bulahan nga kahigayonan sa pagpakigyugo uban kang Cristo, ug ingon nga mga magbubuhat uban sa Dios.”— Fundamentals of Christian Education, p. 471.
b. Unsa ka talagsaon nga pagpadayag ang gihatag ni Jesus sa Iyang mga tinun-an — apan giunsa kini nila paghubad ang Iyang mga pulong? Juan 11:11, 12.
“‘Kining mga butanga miingon Siya: ug human nga Siya miingon ngadto kanila, Ang atong higala nga si Lazaru natulog; apan moadto ako aron pukawon ko siya gikan sa pagkatulog.’ ‘Ang atong higala nga si Lazaru natulog.’ Unsa ka makapatandog nga mga pulong! Unsa ka puno sa simpatiya! Sa paghunahuna sa katalagman ang ilang Agalon pinaagi sa pag-adto sa Jerusalem, ang mga tinun-an halos nakalimot na sa namatyan nga pamilya sa Betania. Apan dili ingon niana si Cristo. Ang mga tinun-an daw mibati nga na badlong. Sila nabalo tungod kay si Cristo wala midali pagtubag sa mensahe. Sila natintal sa paghunahuna nga Siya walay malumong gugma kang Lazaru ug sa iyang mga igsoong babaye nga sa ilang paghunahuna Siya aduna, o Siya modali sa pagbalik uban sa mensahero. Apan ang mga pulong, ‘Ang atong higala nga si Lazaru natulog,’ nakapukaw ug hustong mga pagbati diha sa ilang mga hunahuna. Sila nakombinsir nga si Cristo wala makalimot sa Iyang nag-antus nga mga higala.”—The Desire of Ages, p. 527.
c. Isaysay kon unsa gayud ang gipasabut sa mga pulong ni Cristo. Juan 11:13, 14.
“Si Cristo nagrepresentar sa kamatayon ingon nga usa ka pagkatulog ngadto sa Iyang matinoohon nga mga anak. Ang ilang kinabuhi natago uban kang Cristo diha sa Dios, ug hangtud sa katapusang trumpeta motingog ang mga mamatay matulog diha Kaniya.”— Ibid.
Mierkules
, Hunyo 18
4. NAGPAABUT, NAGPAABUT, NAGPAABUT
a. Ngano nga wala si Jesus moadto sa Betania bisan sa human nasayud nga si Lazaru namatay na? Juan 11:15.
“Ang mga tinun-an natingala sa mga pulong ni Cristo sa dihang Siya miingon, ‘Si Lazaru patay na. Ug Ako nalipay . . . nga wala ako didto.’ Ang Manluluwas ba pinaagi sa Iyang kaugalingong pagpili milikay sa panimalay sa Iyang nag-antus nga mga higala? Dayag nga si Maria ug Marta ug ang himalatyon nga si Lazaru gipasagdan nga nag-inusara. Apan wala sila mag-inusara. Nakita ni Cristo ang tibuok nga talan-awon, ug human sa kamatayon ni Lazaru ang nagbangutan nga magsoon nga mga babaye gipalig-on pinaagi sa Iyang grasya. Nasaksihan ni Jesus ang kasubo sa ilang nasamaran nga mga kasingkasing, samtang ang ilang igsoon nakigbugno sa iyang kusgan nga kaaway, ang kamatayon. Iyang gibati ang matag kahapdos sa kasakit, ingon sa Iyang gisulti ngadto sa Iyang mga tinun-an, ‘Patay na si Lazaru.’ Apan si Cristo wala lamang maghunahuna sa mga hinigugma sa Betania; ang pagbansay sa Iyang mga tinun-an kinahanglan nga tagdon. Sila Iyang mga representante ngadto sa kalibutan, aron ang panalangin sa Amahan modangat sa tanan. Alang kanila Iyang gitugotan si Lazaru nga mamatay. Kon Iya pa siyang giayo gikan sa balatian ngadto sa kahimsog, ang milagro nga mao ang labing positibo nga ebidensya sa Iyang diosnong kinaiya, dili unta mahimo.”—The Desire of Ages, p. 528.
b. Unsay angay natong maamgohan sa paagi nga ang Dakong Mananambal nagtugot kang Lazaru, Iyang higala, masakit nga grabi ug namatay gayud? 1 Corinto 15:17–19; Salmo 18:28.
“Ang buhat [ni Cristo] wala mohunong sa pagpakita sa Iyang gahum ibabaw sa balatian. Siya naghimo sa matag buhat sa pagpangayo nga usa ka higayon sa pagtisok diha sa kasingkasing sa balaan nga mga prinsipyo sa Iyang gugma ug pagkamaayo.”— Counsels on Health, p. 249.
“Kon si Cristo diha pa sa lawak sa masakiton, si Lazaru dili unta mamatay; tungod kay si Satanas walay gahum ibabaw niya. Ang kamatayon dili unta makatumong sa iyang pana diha kang Lazaru sa presensya sa Maghahatag sa Kinabuhi. Busa si Cristo nagpabilin nga layo. Iyang gitugotan ang kaaway sa paggamit sa iyang gahum, aron Siya makaabog kaniya, usa ka nabuntog nga kaaway. Iyang gitugotan si Lazaru nga moagi ubos sa dominyon sa kamatayon; ug ang nag-antus nga mga igsoong babaye nakakita sa ilang igsoon nga lalaki nga gipahimutang sa lubnganan. Si Cristo nahibalo nga sa dihang sila magtan-aw sa patay nga nawong sa ilang igsoon nga lalaki ang ilang pagtuo diha sa ilang Manunubos sa hilabihan gayud masulayan. Apan Siya nahibalo nga tungod sa pakigbisog diin sila karon moagi ang ilang pagtuo modan-ag uban sa mas dako pa nga gahum. Iyang giantus ang matag kangutngot sa kasubo nga ilang giantus. Ang Iyang gugma dili gamay tungod kay Siya naglangan; apan Siya nahibalo nga alang kanila, alang kang Lazaru, alang sa Iyang kaugalingon, ug alang sa Iyang mga tinun-an, usa ka kadaugan ang maangkon.”—The Desire of Ages, p. 528.
Huebes
, Hunyo 19
5. DILI KANUNAY SUMALA SA ATONG GIPAABUT. . .
a. Unsa man ang kanunay natong hunahunaon mahitungod sa kamatayon sa matinumanon nga mga ulipon sa Dios, sa way pagsapayan kon sa unsang paagi nga kini mahitabo? Salmo 116:15. Paghingalan ug panig-ingnan.
“Wala ihatag kang Eliseo ang pagsunod sa iyang agalon diha sa usa ka nagdilaab nga karo. Diha kaniya gitugot sa Ginoo nga moabot ang usa ka nagdugay nga sakit. Sa panahon sa taas nga oras sa tawhanong kahuyang ug pag-antus ang iyang pagtuo migunit sa mga saad sa Dios, ug siya nakakita kanunay sa libot kaniya ug langitnong mga mensahero sa kahumpayan ug kalinaw. . . . Ang pagtuo nahinog na ngadto sa usa ka malungtaron nga pagsalig sa iyang Dios, ug sa diha nga ang kamatayon mitawag kaniya siya andam na sa pagpahulay gikan sa iyang mga paghago.”— Prophets and Kings, pp. 263, 264.
b. Unsang mga panghitabo ang nahitabo sa Betania sa wala pa moabot si Jesus — ug kinsa pa ang naa didto sa dihang Siya miabut? Juan 11:17–19.
“Sa paglangan sa pag-adto kang Lazaru, si Cristo adunay katuyoan sa kalooy ngadto kanila nga wala modawat Kaniya. Siya milangan, aron nga pinaagi sa pagbanhaw kang Lazaru gikan sa mga patay Iyang ikahatag ngadto sa Iyang gahi ug ulo, dili matinoohon nga mga tawo ang lain nga ebidensya nga Siya mao gayud ang ‘pagkabanhaw, ug ang kinabuhi.’ Dili Niya gusto nga wad-on ang tanang paglaum sa mga katawhan, ang mga kabus, nahisalaag nga mga carnero sa balay sa Israel. Ang Iyang kasingkasing nasakitan tungod sa ilang pagka-dili mahinulsolon. Sa Iyang kalooy gituyo Niya ang paghatag kanila ug usa pa ka ebidensya nga Siya mao ang Tigpahiuli, ang Usa nga mao lamang ang makahimo sa pagdala ug kinabuhi ug pagka dili mamatay ngadto sa kahayag. Kini maoy usa ka ebidensiya nga ang mga sacerdote dili makahubad sa insakto. Mao kini ang hinungdan sa Iyang paglangan sa pag-adto sa Betania. Kining pinakadako nga milagro, ang pagbanhaw kang Lazaru, mao ang pagbutang sa selyo sa Dios diha sa Iyang buhat ug sa Iyang pag-angkon sa pagka-Dios.”— The Desire of Ages, p. 529.
Biernes
, Hunyo 20
PERSONAL SUBLI NGA MGA PANGUTANA
1. Kinsa ang mga membro sa pamilya ni Lazaru?
2. Ngano nga si Jesus wala dayon motuman sa hangyo sa Iyang mga higala?
3. Unsa ang reaksyon sa mga tinun-an ngadto sa kinaiya ni Cristo?
4. Unsaon sa mga tumotuo kang Cristo pagtagad ang kamatayon?
5. Alang sa unsang katuyoan nga si Cristo mitugot kang Lazaru nga mamatay?