Halad sa Unang Sabado

Alang sa Duha ka Kapilya sa Tamil Nadu, India

Ang arkeolohiko nga ebidensiya nagpakita nga sa sayo pa sa 2600 B. C., ang taas nga urbanisadong sibilisasyon sa Indus nagpuyo na sa subkontinente nailhan karon nga India. Ang panguna nga inpluwensya sa relihiyon dinhi dugay na Hinduismo (79.8%), gisundan sa Islam (14.2%), Kristiyanismo (2.3%), Sikhismo (1.7%), ug uban pa. Samtang adunay mga taho sa pipila ka kontak sa SDA Reform Movement gikan sa 1920’s ug 1950’s, kini niadtong 1987 nga ang North India unang opisyal nga girepresentahan sa SDARM General Sesyon sa delegasyon sa konperensya.

Ang kinahabagatan nga estado sa India — Tamil Nadu — gikonsiderar nga powerhouse o nanguna sa industriya ug agrikultura. Ang buhat sa Ginoo gitukod dinhi sa daghang mga tuig, apan nagserbisyo sa daghang populasyon sa labaw sa 72 ka milyon niini nga estado, adunay panginahanglan alang sa mas lapad nga pag-uswag.

Sumala sa sensus sa India niadtong 2001, ang balangay sa Pattiveeranpatti adunay 7,744 ka molupyo. Ang kasagaran nga pagsumada sa pagbasa ug pagsulat niini 83%, mas taas kaysa nasudnong aberids nga 59.5% (paborable alang sa literatura).

Ang nag-unang tinubdan sa panginabuhi dinhi mao ang kape, gisundan sa saging, oranges, cardamom, sili o atsal, ug uban pang mga panakot. Pallapatti maoy usa ka dakong balangay nga adunay 13,701 ka molupyo.

Sukad sa 1998, ang walay kakapoy nga trabaho sa usa ka ebanghelista gikan sa Periyaklam nakatabang sa pagdugang sa gidaghanon sa mga membro sa simbahan ilabi na niining duha ka mga lugar. Nagkalain-laing mga hagit nakapalisud kaayo sa paglahutay sa nag-abang nga mga balay, mao nga niining panahona, ang mga kaigsoonan sa mga baryo sa Pattiveer anpatti ug Pallapatti nagkinahanglan sa ilang kaugalingong mga dapit alang sa pagsimba.

Ang Espiritu sa Tagna espesipikong naghisgot sa India isip usa ka dapit diin “milyon-milyon ang wala pa kaayo makadungog bahin sa Dios o sa iyang gugma gipadayag diha kang Cristo. Ilang katungod ang pagdawat niini nga kahibalo. Sila adunay managsamang pag-angkon kanato diha sa kalooy sa Manluluwas.”— Education, p. 263.

Busa matinahoron kaming naghangyo sa among mga kaigsoonan sa tibuok kalibutan sa pagtanyag sa inyong manggihatagon nga suporta sa pagtukod ug mga parola alang sa Ginoo sa pagsidlak dinhi. “Uban sa buhat sa pagpasiugda sa mga sugo sa Dios ug pag-ayo sa mga paglapas nga nahimo sa balaod sa Dios, atong isagol ang kalooy alang sa nag-antus nga katawhan. Kita kinahanglan nga mopakita sa kinalabwang gugma ngadto sa Dios; atong bayawon ang Iyang handumanan.”— Welfare Ministry, p. 32. Salamat, ug hinaut nga panalanginan sa Ginoo ang mga gasa ug ang maghahatag!

Ang inyong mga igsoong lalaki ug babaye gikan sa Pattiveeranpatti ug Pallapatti