Halad sa Unang Sabado

Alang sa Mga Misyon sa Kalibutan

Karon adlawa, ang napanahon nga mensahe milanog:

“Ang espiritu sa misyonaryo kinahanglang buhion sa atong mga simbahan. Matag membro sa iglesya kinahanglang magtuon unsaon pagtabang sa pagpadayon sa buluhaton sa Dios, diha sa mga misyon sa haduol ug sa langyaw nga mga nasud. Halos gamay pa kaayo nga bahin sa bulohaton ang nahimo nga angay buhaton diha sa kaumhang misyonero. Ang Dios nagtawag sa Iyang mga magbubuhat sa pagdugang ug bag-ong teritoryo alang Kaniya. Adunay matambok nga mga kaumahan nga naghulat alang sa matinumanong magbubuhat. Ug ang nag-alagad nga mga manulonda makigtambayayong sa matag membro sa iglesya nga maghago nga dili hakog alang sa Agalon.

“Ang iglesya ni Cristo dinhi sa yuta giorganisar alang sa misyonaryo nga katuyoan, ug ang Ginoo nagtinguha nga makita ang tibuok iglesya nga maghimo ug mga pamaagi diin ang taas ug ubos, adunahan ug kabos, makadungog sa mensahe sa kamatuoran. Dili tanan gitawag sa personal nga pagtrabaho sa langyaw nga kaumahan, apan ang tanan makahimo ug usa ka butang pinaagi sa ilang mga pag-ampo ug sa ilang mga gasa sa pagtabang sa misyonaryo nga bulohaton.

“Usa ka Amerikanong negosyante nga usa ka sincero nga Cristohanon, sa pagpakig-estorya sa usa ka kaubang trabahante miingon nga siya mismo nagtrabaho kang Cristo kaluhaan ug upat ka oras sa adlaw. ‘Sa tanan nakong relasyon sa negosyo,’ siya miingon, ‘Naningkamot ko sa pagrepresentar sa akong Agalon. Samtang naa koy kahigayonan, naningkamot ko nga madaug ang uban ngadto Kaniya. Tibuok adlaw nagtrabaho ko para kang Cristo. Ug sa gabii, samtang ako matulog, ako adunay usa ka tawo nga nagtrabaho alang Kaniya sa China.’

“Sa pagpatin-aw midugang siya: ‘Sa akong kabatan-on determinado ko nga moadto isip misyonaryo ngadto sa mga pagano. Apan sa pagkamatay sa akong amahan kinahanglan kong kuhaon sa iyang negosyo aron sa paghatag sa pamilya. Karon, imbes nga mag-inusara, nagsuporta ko ug misyonaryo. Sa maong lungsod sa maong probinsiya sa China, ang akong trabahante nadestino. Ug busa, bisan samtang ako natulog, ako, pinaagi sa akong representante, nga nagabuhat gihapon alang kang Cristo.’ ”— Testimonies for the Church, vol. 6, pp. 29, 30.

Karon labaw pa kay sa kaniadto ang panahon sa pagpamuhunan sa bangko sa Langit pinaagi sa mga misyon sa kalibutan. Dili kini mahimong mas sayon, ug sa ulahi mahimong ulahi na kaayo. Ang mga kalag nangawala kung wala si Cristo ug ang karon nga kamatuoran, ug ang Ginoo mitugyan kanato sa bililhong kahayag nga ipakaylap sa tanan palibot sa planeta.

Palihug hatag nga madagayaon, ug hinaut nga ang Ginoo madagayaon nga magpanalangin kanimo ug sa imong gasa. Salamat!

Ang Departamento sa Skwela Sabatika sa Konperencia Heneral