---

1. SAYOP NGA PAGPANABUT

a. Unsang pangutana ang gipangutana sa mga tinun-an ngadto kang Jesus sa dihang ilang nakita ang tawo nga gipanganak nga buta? Juan 9:1, 2.

b. Unsang sayop nga idiya mahitungod sa kasakitan ang gihuptan sa mga Judeo ug mga tinun -an, ug sa unsa nga si Satanas nakapabor pinaagi niini? Juan 9:34 (unang bahin).

“Kasagaran gituohan sa mga Judeo nga ang sala gisilotan dinhi niining kinabuhia. Matag kasakitan giisip ingon nga silot sa pipila ka sayop nga buhat, mismo sa nag-antus o sa iyang mga ginikanan. Tinuod nga ang tanang pag-antus resulta sa paglapas sa balaod sa Dios, apan kini nga kamatuoran nahimong gibalit-ad. Si Satanas, ang tigpasiugda sa sala ug sa tanan nga mga sangputanan niini, nagdala sa mga tawo sa pagtan-aw sa balatian ug kamatayon ingon nga gikan sa Dios — ingon nga silot nga arbitraryong gipahamtang tungod sa sala. Busa ang usa nga nakaagum ug dakong kasakitan o kalamidad adunay dugang nga palas-anon nga pagaisipon nga usa ka dako nga makasasala.

“Sa ingon ang dalan naandam alang sa mga Judeo sa pagsalikway kang Jesus. Siya nga ‘nagpas-an sa atong mga kaguol, ug nagdala sa atong mga kasubo’ gitan-aw sa mga Judeo nga ‘gihampak, gisamaran sa Dios, ug gisakit;’ ug ilang gitago ang ilang mga nawong gikan Kaniya.”— The Desire of Ages, p. 471.

---

2. ALANG SA PAGHIMAYA SA DIOS

a. Unsang tubag ni Jesus mihatag ug kahayag mahitungod sa kasakitan ug sa sala? Juan 9:3-5.

“Ang pagtuo sa mga Judeo mahitungod sa relasyon sa sala ug pag-antus gihuptan sa mga tinun-an ni Cristo. Samtang gitul-id ni Jesus ang ilang mga sayop, wala Niya isaysay ang hinungdan sa kasakitan sa tawo, apan gisultihan sila kong unsa ang sangputanan. Tungod kay niini ang mga buhat sa Dios mapadayag. ‘Samtang ania pa ako sa kalibutan,’ Siya miingon, ‘Ako mao ang kahayag sa kalibutan.’ ”— The Desire of Ages, p. 471.

b. Unsay gibuhat ni Jesus sa wala madugay human niadto, ug sa unsang paagi nga mikooperar ang buta Kaniya? Juan 9:6, 7.

“Unya sa nahidhiran na niya ang mga mata sa tawo nga buta, Iyang gipaadto siya aron manghilam-os sa linaw sa Siloam, ug naulian ang panan-aw sa tawo. Sa ingon natubag ni Jesus ang pangutana sa mga tinun-an diha sa praktikal nga paagi, sama sa Iyang kasagarang pagtubag sa mga pangutana gibutang ngadto Kaniya gikan sa pagkamausisaon. Ang mga tinun-an wala tawga sa paghisgot sa pangutana kon kinsa ang nakasala o wala makasala, kondili ang pagsabot sa gahum ug kalooy sa Dios diha sa paghatag ug panan-aw ngadto sa buta. Tin-aw kaayo nga walay makaayo nga gahum diha sa lapok, o sa linaw diin ang buta nga tawo gipaadto aron manghugas, apan ang gahum anaa kang Cristo.”— Ibid.

c. Ihulagway ang nagkalainlain nga mga reaksyon sa mga silingan sa naayo nga tawo — ⁠ug isaysay ang panag-istoryahanay nga nahitabo tali kaniya ug sa iyang mga silingan. Juan 9:8–12.

“Ang mga silingan sa batan-ong lalaki, ug kadtong nakaila kaniya kaniadto diha sa iyaha nga pagkabuta, miingon, ‘Dili ba mao kini siya ang naglingkod ug nagpakilimos?’ Sila mitan-aw kaniya uban ang pagduhaduha; kay sa dihang nabuka ang iyang mga mata, ang iyang panagway nausab ug midan-ag, ug nagpakita siya sama nga lahi nga tawo. Gikan sa usa ngadto sa lain ang pangutana gipasa. Ang uban miingon, ‘mao Kini siya;’ ang uban, ‘Siya sama kaniya.’ Apan siya nga nakadawat sa dakong panalangin nakasulbad sa pangutana pinaagi sa pag-ingon, ‘Ako mao siya.’ ”— Ibid., pp. 471, 472.

---

3. USA KA PANGUTANA MIKATAG

a. Ngadto kang kinsa gidala sa mga pangulo nga Judeo ang tawo nga gipanganak nga buta - ug ngano? Diha sa unsang adlaw nga siya giayo? Juan 9:13, 14.

b. Ihulagway ang reaksyon sa mga Pariseo. Juan 9:15, 16.

“Ang mga Pariseo naglaum sa paghimo kang Jesus nga mogawas ingon nga usa ka makasasala, ug busa dili mao ang Mesias. Wala sila mahibalo nga Siya mao ang nagbuhat sa Igpapahulay ug nasayud sa tanan nga mga obligasyon niini, ang nag-ayo sa tawo nga buta. Sila nagpakita nga mainiton kaayo sa pag-obserbar sa Igpapahulay, apan nagplano ug pagpatay nianang mao nga adlaw.”- The Desire of Ages, p. 472.

c. Kinsa ang gitawag sa mga Pariseo aron magpamatuod mahitungod sa tawo nga naayo? Juan 9:18, 19.

“[Ang mga Pariseo] nagpatawag sa iyang mga ginikanan, ug nangutana kanila, nga nag-ingon, “Inyo ba ni siya nga anak, nga inyong giingon nga natawo nga buta?’

“Anaa ang tawo mismo, nagpahayag nga siya kanhi buta, ug naulian na ang iyang panan-aw; apan ang mga Pariseo buot nga ipanghimakak ang ebidensya sa ilang kaugalingon mismo nga pagbati kay sa pagdawat nga sila anaa sa sayop. Hilabihan ka gamhanan ang pag-ayad, hilabihan ka malubagon ang pagkamatarung sa mga Pariseo.”- Ibid.

d. Sa unsa nga kita gipasidan-an batok sa hilabihan nga mikaylap nga dautan ang pagbaton ug gidahom-dahom nga opinyon? Proverbio 18:13.

“Adunay daghan nga magbutang sa ilang kinaugalingon nga maghimohimo kon unsa ang ilang madungog, maghimo sa pagsabut nga hilabihan ka lahi gikan nianang gitinguha nga ipahayag sa nagsulti. Ang uban, nagapaminaw pinaagi sa ginamiton sa ilang kaugalingon nga pag-ayad o gitoohan na nilang daan, nagsabut sa butang sumala sa ilang gitinguha - nga mosibo sa ilang katuyoan.”- Testimonies for the Church, vol. 5, p. 695.

---

4. GIATUBANG UBAN ANG PANGHADLOK

a. Giunsa sa mga Pariseo pagsulay sa paghadlok ang mga ginikanan sa tawo nga nahimugso nga buta - ug giunsa nila pagtubag? Juan 9:20, 21. Ngano nga sila mihatag ug malikayon nga tubag? Juan 9:22, 23.

“Ang mga Pariseo aduna lamay usa ka paglaum nga nahibilin, ug mao kanang paghadlok sa mga ginikanan sa maong tawo. Uban ang makita nga kamatinud-anon sila nangutana, ‘Sa unsa nga paagi nga siya karon makakita na?’ Ang mga ginikanan nahadlok sa pag kompromiso sa ilang mga kaugalingon; tungod kay gideklara nga si bisan kinsa nga moila kang Jesus ingon nga mao ang Cristo pagapalagputon sa senagoga;’ nga mao kini, palagputon gikan sa senagoga sulod sa trienta ka mga adlaw. Sulod niana nga panahon walay bata ang masirkunsidaran ni patay nga pagalamayan diha sa balay sa nakalapas. Ang sentensya giila ingon nga usa ka dakong kalamidad; kon kini mapakyas sa pagpakita ug paghinulsol, ang mas bug-at nga silot magasunod. Ang dakong buhat nga gibuhat alang sa ilang anak nagdala ug konbiksyon ngadto sa mga ginikanan, apan sila mitubag, ‘Kami nasayud nga kini amo nga anak, ug nga siya natawo nga buta: apan kon sa unsa nga paagi siya karon nakakita, wala mi masayud; o kinsa ang nagbuka sa iyang mga mata, wala kami masayud: may pangidaron naman siya; pangutan-a siya: siya na ang mosulti mismo.’ Sa ingon ilang gibalhin ang tanang responsibilidad gikan sa ilang mga kaugalingon ngadto sa ilang anak; tungod kay dili nila isugid si Cristo.”- The Desire of Ages, pp. 472, 473.

b. Sa dihang pugson pinaagi sa paghadlok, unsa may atong ibutang diha sa hunahuna? Salmo 118:6.

“Barug nga malig-on, ug ayaw pagbuhat ug sayop nga buhat kay sa tawgon nga usa ka talawan. Ayaw tugoti ang pagbiaybiay, walay panghulga, walay pagbiaybiay nga mga pulong, aron maaghat ka sa paglapas sa imong konsensya sa labing gamay nga butang.”— Fundamentals of Christian Education, p. 93.

“Ang tinuod nga Cristohanon nga kinaiya kinahanglang mailhan pinaagi sa kalig-on sa katuyoan, usa ka determinasyon nga dili mapugngan, nga dili maumol o mabuntog sa yuta o sa impyerno. Siya nga dili buta sa atraksyon sa kalibutanon nga mga kadunganan, walay pagtagad sa mga hulga, ug dili matarug sa mga pangdani, sa wala damha sa iyang kaugalingon, mapukan pinaagi sa mga lalang ni Satanas.”— Testimonies for the Church, vol. 4, pp. 543, 544.

“Kita makadawat sa labing mabangis nga pagsupak gikan sa mga Adventista nga mosupak sa balaod sa Dios. Apan, sama sa mga magtutukod sa mga padir sa Jerusalem, kinahanglan nga dili kita mapasimang ug mababagan gikan sa atong buhat pinaagi sa mga taho, pinaagi sa mga mensahero nga nagtinguha ug diskusyon o kontrobersya, o pinaagi sa makapaluya nga mga hulga, ang pagmantala ug mga bakak, o bisan unsa nga mga lalang nga mahimong isulsol ni Satanas.”—Ibid., vol. 3, p. 574.

---

5. ANG KASAYSAYAN MASUBLI

a. Ihulagway ang talan-awon nga paga-atubangon sa nagabantay sa kasugoan nga katawhan sa Dios - ug unsaon nato ang pag-atubang niini. Bugna 12:17; Buhat 4:18-20.

“Samtang ang kontrobersya modangat ngadto sa bag-ong mga kaumahan ug ang mga hunahuna sa katawhan nadani ngadto sa giyatakan nga balaod sa Dios, si Satanas molihok. Ang gahum nga nagkuyog sa mensahe makapasuko lamang sa mga nagasupak niini. Ang kaparian mogamit ug halos labaw kay sa tawhanon nga mga paningkamot sa pagbabag sa kahayag aron dili kini modan-ag diha sa ilang mga panon. Pinaagi sa matag paagi nga anaa sa ilang gahum sila maninguha sa pagbabag sa paghisgot niining mahinungdanon nga mga pangutana. Ang iglesia mohangyo sa kusgan nga bukton sa sibil nga gahum, ug, niini nga buhat, ang papado ug mga Protestante maghiusa. Samtang ang kalihokan alang sa pagpatuman sa Domingo mahimong mas dayag ug desidido, ang balaod pagahimoon batok sa mga nagabantay sa sugo. Sila pagahulgaon uban sa mga multa ug pagkabilanggo, ug ang uban tanyagan ug mga posisyon sa inpluwensya, ug uban pang mga ganti ug mga pabor, ingon nga mga pag-agni sa pagsalikway sa ilang pagtuo. Apan ang ilang lig-ong tubag mao: ‘Ipakita kanamo gikan sa pulong sa Dios ang among kasaypanan’ — ang sama nga pangamuyo nga gihimo ni Lutero ilalum sa susama nga mga kahimtang. Kadtong kinsa pagataralon sa atubangan sa mga korte maghimo ug usa ka lig-on nga pagdepensa sa kamatuoran, ug ang uban nga makadungog kanila madala sa pagkuha sa ilang baruganan sa pagtuman sa tanang mga sugo sa Dios. Sa ingon ang kahayag madala sa atubangan sa mga linibo nga wala untay nahibaloan niining mga kamatuoran.”— The Great Controversy, p. 607.

b. Diha sa pag-atubang sa pagsupak, unsay angay natong hinumdoman kanunay? Juan 9:39; Buhat 4:33; Mateo 10:28.

“[Ang mga apostoles] dili mapugngan o mapalisang sa mga pagpanghulga.”— The Acts of the Apostles, p. 48.

---

PERSONAL SUBLI NGA MGA PANGUTANA

1. Sa unsang paagi gihukman sa Judeong mga pangulo ang masakiton ug ang nag-antus?

2. Kinsa ug unsa gayud ang nag-ayo sa tawo nga buta?

3. Nganong naglibog ang mga silingan sa tawo nga buta?

4. Unsang sitwasyon ang kinahanglan nga atubangon sa batan-ong lalaki human sa iyang pagkaayo?

5. Unsaon nako paglikay nga mahulog sa lit-ag nga nahitabo sa iyang mga ginikanan?