Halad sa Unang Sabado

Alang sa pagtukod pag-usab sa simbahan sa Prokhorovka, Russia

Ang Russia, sumala sa lugar, mao ang pinakadako nga nasud sa kalibutan, nga adunay 6,612,073.2 milya kwadrado (17,125,191 km2) nga may populasyon nga 147,000,000. Mga tawo gikan sa kapin sa 180 ka nasyonalidad nagpuyo niining halapad nga teritoryo, ug sa ilang katungod, sila nag-angkon sa lain-laing mga relihiyosong pagtuo. Ang labing inila mao ang Ruso nga Ortodokso (41.1%), gisundan sa ubang mga Cristohanong tinuohan (6.3%), Islam (6.5%), Neopagans ug Tengrists (1.2%), Budhismo (1.2%), wala magbansay nga mga magtutuo (25.2%), mga ateyista (13%), uban ang nahabilin wala mag-angkon ug relihiyon.

Sukad sa sinugdanan sa SDARM, ang mensahe sa walay katapusan ang ebanghelyo miuswag dinhi ubos sa lisud kaayo nga mga kahimtang. Daghang magtutuo kinahanglang mag-antus sa grabeng paglutos—ug ang uban misaksi alang sa gilansang sa krus ug nabanhaw nga Manluluwas sa bili sa ilang kinabuhi.

Sa katapusan sa katuigan sa 1990, usa ka magbubuhat uban sa iyang asawa mibalhin sa sentrong rehiyon sa Russia alang sa katuyoan sa paghimo sa misyonaryo nga buluhaton. Ingon sa usa ka resulta sa ilang mga paningkamot ug mga pag-ampo, usa ka grupo sa mga magtutuo ang naorganisar. Apan sila walay lugar para sa mga katiguman ug pagsimba. Sa katapusan, sa 2006 nakakita sila ug gamay nga balay sa usa ka luna sa Prokhorovka, usa ka ciudad administratibo nga sentro sa Prokhorovsky Distrito sa Belgorod Oblast — usa ka lugar sa agrikultura nga nagpatunghag mga lugas, sugar beets, sunflower, ug prutas ubay sa Suba sa Psyol sa habagatan -sidlakan sa ciudad sa Kursk, pinuy-anan sa halapad nga mga deposito sa puthaw.

Klaro natong nakita ang kamot sa Dios nga milihok sa dihang milagrosong gitangtang Niya ang daghang mga babag ug gipanalanginan ang pagpalit niini nga balay. Ang bulohaton niini nga rehiyon nagpadayon sa pagtubo, ug kini wala magdugay sa balay nahimong gamay ra kaayo nga makapalingkod sa tanang magsisimba sa Dios. Pipila ka tuig ang milabay, kami nakadawat ug permiso gikan sa mga awtoridad ug nagsugod sa pagtukod ug balay sa pagsimba. Ang mga kaigsoonan mihatag ug mga donasyon ug nagtrabaho ug maayo, apan sa pagtapos niini nga proyekto kinahanglan namo ang manggihatagon nga tabang sa mga tawo sa tibuok kalibutan nga nahigugma sa Ginoo. Ang pagkompleto niini nga proyekto maghatag ug kahigayonan sa pagpalambo sa dugang nga buluhaton sa ebanghelyo sa silingang mga rehiyon, isip usa ka kahayag sa pagsabwag sa katapusang mensahe sa kaluwasan. Hinaut nga ang Ginoo magpanalangin sa matag usa kansang kasingkasing andam sa pagtabang sa kalampusan sa presente nga kamatuoran niini nga rehiyon sa kalibutan!

Ang inyong mga igsoon gikan sa simbahan sa Prokhorovka ug sa Russian Union