SAPATI, IUNI 1, 2024 le Vaega o le Pasefika O le galuega o le fa’asalalauina o le feau o le tala lelei i totonu o lenei lalolagi, o se galuega tele lava lea, ona o le to’atele o tagata e lē’i fa’alogo lava i le tala lelei o le fa’aolataga. Ua fetalai mai le Ali’i “o le a tala’iina atu fo’i lenei tala lelei o le malo i le lalolagi atoa e fai ma molimau i malo uma; ona o’o mai ai lea o le i’uga” (Mataio 24:14). E alofa le Atua i tagata ta’itasi uma lava o le 7.8 piliona o tagata i totonu o lenei lalolagi ma Na te finagalo ia i latou uma lava ina ia maua le avanoa e liliu ai ia te Ia. O loo tele tapua’iga i le vaega o le Pasefika e aofia ai le Taoism, Buddhism, Islam ma le Fa’akerisiano; ae ui i lea, o le to’atele lava e fai mai e lē o i latou o ni tagata lolotu po’o i latou fo’i e lē talitonu i le Atua. O loo i ai se galuega moni tele lava e tatau ona faia iinei. “O le lalolagi atoa lava ua tatala mai nei mo le tala lelei. O Ethiopia ua fa’alālā mai ona lima i le Atua. Amata mai i Iapani ma Saina ma Initia, mai i laueleele o loo fa’apogisaina pea o lo tatou lava konitineta, mai i vaega ta’itasi o lo tatou nei lalolagi, o loo sau ai le alaga o loto ua taia i le agasala mo se iloa e fa’atatau i le Atua o le alofa. E miliona ma miliona e lē’i fa’alogo lava e fa’atatau i le Atua po’o Lona alofa fo’i ua fa’aaliaina i totonu ia Keriso. O le latou aiā lo latou mauaina o lenei iloa. E tutusa lelei a latou aiā ma i tatou i le alofa o le Fa’aola. Ma ua tu’uina mai nei ia i tatou o ē ua mauaina le iloa, fa’atasi ai ma a tatou fanau e mafai ona tatou fa’ailoaina atu i ai, ina ia tali atu i la latou alaga.” Education, pp. 262, 263. E ui lava ona o le fa’asalalauina o le feau, atonu e lē o i ai nisi o sa’olotoga i nisi o atunu’u e fa’apei ona i ai i nisi, o le upu na te maua lona auala aga’i atu i loto o tagata ma o loo to’atele tagata talitonu i le feau o le toe fuata’iina i nofoaga atonu e te manatu e te lē maua ai. O lenei Sapati matou te ole atu ai ia te oe ina ia ē tatalo fa’apitoa lava mo lenei galuega, ina ia fa’atagaina e le Atua ia fa’ataunu’uina e saunia ai nisi tagata sili atu ona to’atele mo Lona malo. “O le auala mo le upu moni ia aga’i atu ai i luma, o tupe e matuā mana’omia lava e fesoasoani i se nofoaga tapua’i e tauave ai i luma le galuega o le upu moni i le itu i mātū o lenei laueleele tele o galuega. Matou te ole atu ia te oe ina ia matuā foa’i ma le loto. “Auā e fa’apei o le timu e pa’ū mai i lalo, ma le timu aisa mai i le lagi, ma e lē toe fo’i atu i ai, peita’i e fa’asūsūina ai le laueleele, ma tutupu mai ai la’au ma tatupu, ina ia foa’i mai ai fatu i le tagata lūlū saito, ma areto i lē na te aina: O le a fa’apena fo’i La’u upu e alu atu nai Lo’u gutu: o le a lē toe fo’i mai ia te A’u, peita’i o le a ia fa’ataunu’uina le mea Ou te loto malie i ai, o le a manuia fo’i i le mea na Ou auina atu i ai” (Isaia 55:11). Mo ō outou uso ma tuafafine o loo mamao ese atu