Taulaga Sapati Muamua

“O le a'oa'oga o talavou a'o laiti e masani lava ona fausia ai a latou amio mo le olaga atoa.”—Testimonies for the Church, vol. 3, p. 135

O loo ta'u mai e le Agaga Paia e faatatau i se mea na tupu e fa'alototeleina ai, ina ua faia e le "fa'atasiga a le fanau, poo le A'oga Fa'ata'ita'i Fa'ale-Tusi Paia a le fanau iti, se galuega lelei. O lesona o loo tuuina atu o loo toe a'oa'oina e le fanau i totonu o o latou aiga, ma faailoa ai e tina lo latou naunau e ala i le saunia faamamaina o le fanau mo le aoga. O le toatele o i latou o fanau ia a matua e le talitonu faatasi ma i latou.”—Evangelism, p. 583.

O le Nofoaga Autu a le A'oga a "Fanau o Amioga Lelei" na ulua'i faatuina i le 2019 i Fagaras, o se aai i luga o le mauga i Romania. O fanau i le va o le 2 ma le 5 tausaga o loo a'oa'oina ai i se tulaga matagofie iinei. E ese mai i a'oa'oga e faapitoa mo tausaga o tamaiti, latou te a'oa'oina tala o le Tusi Paia, ia latou iloa tatalo, ma pepese ma ia latou faia le Atua ma a latou Uo. E o'o lava i le laiti o o latou tausaga, latou te malamalama o le Atua o loo pule, ma, latou te a'oa'o foi latou te aioi atu ia te Ia mo le fesoasoani mo o latou faafitauli. O a latou amio o loo fausiaina mai i lea aso i lea aso. E ala i le alofa tunoa o Keriso e mafai ai ona tatou vaaia liuaga iloga i olaga o nei fanau iti. Mo le lumanai, matou te mananao e a'oa'oina i latou e le o mafai ona a'oa'oina ona o le le lava o le tupe ma meatotino e mana'omia.

I le ulua'i tausaga na matou amata ai i tamaiti e 12; i le tausaga lona fa na o'o atu i le 32 tamaiti, o le 31 o i latou e o mai mai i ekalesia i fafo atu. O le taimi nei, o a'oga o loo faia i totonu o potu e 4 ua fa'aavanoa mai i le Nofoaga Autu a le Iuni a Romania, peitai o nei potu ua faamaonia mai ua matua to'atele tele tamaiti i le potu e tasi ona o manaoga mo tamaiti e fia fa'aa'o'oga ai iinei, ua le mafai ona ofi i potu. E ala i lenei tulaga, tatou te malamalama e finagalo le Atua ia i tatou ina ia fa'aauau ma fausia a'e lenei a'oga matagofie ma faapena ona fesootai atu i tamaiti e to'atele lava ma o latou aiga i le tulaga e mafai ona faia ai. O le 2021, na faatauina ai se fasi eleele i fafo atu o le aai ma na matou maua pemita e manaomia ina ia amata ai le galuega o le fausiaina. O lenei la ua uma ona folasia le faavae. Ua matou matua faafetai lava i le Atua i Lona pa'i atu i o outou loto—ia te outou ua lagolagoina le galuega e o'o mai i lona tulaga ua i ai nei ma outou o le a matua foa'i i le taimi lenei. O la outou meaalofa, o le a outou foa'iina atu ai i fanau e le iloa le Atua se avanoa e fa'alatalata mai ai ia te Ia ma latou maua ai se a'oa'oga faakerisiano. Matou te ole atu i lo outou agalelei, ma, matou te mautinoa o le a outou tali mai, ma lagolago mai i matou ina ia aumaia ai lenei galuega i se taunuuga fa'amanuiaina ma tauaveina i matou i a outou tatalo.

O o outou tuagane ma uso mai i le Iuni a Romania