Jumapili
Oktoba 27
1. TATIZO LA MTAZAMO
a. Elezea mwelekeo wa kawaida wa kidunia ambao tunaweza kuwa na hatia, labda bila hata kutambua. Yakobo 2:1–4.
“Maskini, kazi ya Mungu ingepuuzwa. Wala kazi hiyo haitateseka ikiwa wasimamizi wake watafanya wajibu wao, bali kazi ya Kristo inapaswa kuja kwanza. Maskini wanapaswa kushughulikiwa kwa maslahi na uangalifu kama ilivyo kwa matajiri. Tabia ya kuwaheshimu matajiri huku maskini wakidharaulika na kupuuzwa ni hatia mbele za Mungu. Wale ambao wamezungukwa na faraja zote za maisha, au wanaobembelezwa na kudekezwa na ulimwengu kwa sababu wao ni matajiri, hawahisi hitaji la huruma na fikra za upole kama vile watu ambao maisha yao yamekuwa yakipambana kwa muda mrefu na umaskini.”— Testimonies for the Church, vol. 4, p. 551.
“Ingawa Kristo alikuwa tajiri katika nyua za mbinguni, lakini alifanyika maskini ili sisi kupitia umaskini Wake tupate kuwa matajiri. Yesu aliwaheshimu maskini kwa kushiriki hali yao ya unyenyekevu. Kutoka katika historia ya maisha Yake tunapaswa kujifunza jinsi ya kuwatendea maskini.”—Ibid., p. 550.
b. Tunapaswa kutambua nini kuhusu wale ambao wanaweza kuwa maskini katika mali ya ulimwengu huu lakini matajiri katika imani? Yakobo 2:5.
Jumatatu
Oktoba 28
2. BUSARA NA HAKI
a. Elezea mtazamo kamili ambao yesu alifundisha kuhusiana na kuwasaidia maskini. Marko 14:3–9.
“Wengine hubeba wajibu wa faida kupita kiasi na kuwaumiza sana wahitaji kwa kuwafanyia mengi mno. Si mara zote maskini hujituma inavyopaswa. Ingawa hawatakiwi kupuuzwa na kuachwa wakiteseka, lazima wafundishwe kujisaidia wenyewe.
“Kazi ya Mungu haipaswi kupuuzwa ili kuwajali kwanza maskini. Kristo aliwapatia wanafunzi wake somo muhimu sana juu ya jambo hili. Mariamu alipomimina mafuta hayo juu ya kichwa cha Yesu, Yuda mwenye tamaa alisihi kwa dua kwa ajili ya maskini, akinung’unika kwa kile alichoona kuwa ni upotevu wa pesa. Lakini Yesu alithibitisha kitendo hicho, akisema: “Kwa nini mnamtaabisha? amenitendea kazi njema.” “Popote itakapohubiriwa Injili katika ulimwengu wote, hilo alilolitenda litatajwa kwa ukumbusho wake.” Kwa hili tunafundishwa kwamba Kristo anapaswa kuheshimiwa katika kuwekwa wakfu kwa kilicho bora zaidi cha mali yetu. Iwapo usikivu wetu wote ungeelekezwa katika kusaidia mahitaji ya maskini, kazi ya Mungu ingepuuzwa. Wala kazi hiyo haitateseka ikiwa wasimamizi wake watafanya wajibu wao, bali kazi ya Kristo inapaswa kuja kwanza.— Testimonies for the Church, vol. 4, pp. 550, 551.
b. Katika Israeli ya kale, ni mtazamo gani uliohitajika kwa wale waliosimamia haki? Mambo ya walawi 19:15; Kumbukumbu la torati 1:17; 10:17.
c. Leo, ni jinsi gani wote katika nafasi yoyote ya uongozi wa kanisa wanapaswa kujifunza kutumia kanuni hii hii?1 Petro 1:17; Wakolosai 3:25.
“Wale wanaounganisha mapenzi yao na kuvutiwa kwao kwa mtu mmoja au wawili, na kuwapendelea kuliko wale wengine, wasibakie na nafasi zao kwenye ofisi hata kwa siku moja. Upendeleo huu kwa wale maalum watakaomridhisha msimamizi katika mawazo yake ya kufikirika, kwa kuwapuuza wale wanaomhofu Mungu, ambao machoni pake ni wa thamani zaidi, siyo mtakatifu na ni kosa kwa Mungu. Kile ambacho Mungu anakithamini tunapaswa kukithamini. Mapambo ya mtu mnyenyekevu na Roho iliyotulia, Mungu huichulia katika uthamani wa juu kuliko uzuri wa nje au mapambo ya nje, utajiri, au heshima ya ulimwengu.”—Ibid., vol. 3, p. 24.
Jumanne
Oktoba 29
3. KUTENGENEZA MAZOEA BORA
a. Yakobo anatoa karipio gani kuhusu upendeleo wa kupenda mali wa wanaodai kuwa waumini na kwa nini hili ni jambo zito? Yakobo 2:6,7.
“Mungu amekukiri mbele ya wanadamu na mbele ya malaika kuwa wewe ni mtoto wake; omba kwamba usiliaibishe “jina lile zuri mliloitwa” nalo. Yakobo 2:7. Mungu anawatuma duniani kama wajumbe wake. Katika kila tendo la maisha yenu hamna budi kulidhihirisha jina la Mungu. Dua hili linawataka ninyi mwe na tabia yake. Hamwezi kulitukuza jina lake, yaani, hamwezi kumwakilisha kwa walimwengu, isipokuwa kama kwa maisha na tabia yenu mnayawakilisha maisha halisi na tabia ya Mungu. Hilo mnaweza tu kufanya kwa kuipokea neema na haki ya Kristo. ”— Thoughts From the Mount of Blessing, p. 107.
b. Ni jinsi gani tunaweza kuwa washindi katika kumwakilisha kristo kwa njia ifaayo? Warumi 2:11; Mithali23:7.
“Soma kwa umakini tabia ya Uungu ya mwanadamu, na mara kwa mara uulize, ‘Yesu angefanya nini kama angekuwa mahali pangu? Hiki kinapaswa kuwa kipimo cha wajibu wetu. Msijiweke bila sababu katika jamii ya wale ambao ustadi wao wangeweza kudhoofisha kusudi lenu la kutenda haki, au kuleta doa juu ya dhamiri yenu. Usifanye chochote kati ya wageni, ndani mitaani, kwenye magari, nyumbani, ambayo yangekuwa na mwonekano mdogo wa uovu. Fanya kitu kila siku ili kuboresha, kupendezesha na kukuza uzima ambao kristo ameununua kwa damu yake mwenyewe.
“Daima tenda kutokana na kanuni, kamwe si kutokana na msukumo. Punguza msukumo wa asili yako kwa unyenyekevu na upole. Usijiendekeze katika vitu visivyo vya muhimu na . Tusiruhusu mizaha ata kidogo kutoka katika midomo yake. Hata mawazo yenu hayaruhusiwi kuendesha fujo. Lazima yazuiliwe, na kuletwa chini ya udhibiti wa utii wa kristo. Hebu ziwekwe juu ya mambo matakatifu. Kisha neema ya kristo, watakuwa safi na wa kweli.
“Tunahitaji hisia ya mara kwa mara kuimarisha nguvu ya mawazo safi. Usalama pekee kwa nafsi yoyote ni fikra sahihi….
“Jenga tabia ya kuwasema wengine vizuri. Zingatia sifa nzuri za wale unaoshirikiana nao, na uangalie kidogo iwezekanavyo makosa na mapungufu yao. ”—The Ministry of Healing, pp. 491, 492.
Jumatano
Oktoba 30
4. KUWA NA TABIA YA KIFALME
a. Maandiko yanasisitiza nini kuwa muhimu sana kwa imani yetu ya Kikristo na kwa nini? Yakobo 2:8.
“Walimu wengi wa dini wanadai kwamba Kristo aliikoesha sheria kwa kifo chake, na ya kwamba tangu wakati huo watu wako huru na masharti yake. Wapo baadhi ambao wanaieleza kama kongwa zito, na kinyume na utumwa katika sheria wanahubiri uhuru katika injili.
“Lakini hivyo sivyo manabii na mitume walivyoichukulia sheria takatifu ya Mungu. Daudi alisema: “Nami nitakwenda panapo nafasi, kwa kuwa nimejifunza mausia yako.” Zaburi 119:45. Mtume Yakobo, aliyeandika baada ya kifo cha Kristo, anaitaja sheria ya amri kumi kama “sheria ya kifalme” na “sheria kamilifu iliyo ya uhuru.” Yakobo 2:8; 1:25. Na mwandishi wa kitabu cha Ufunuo, nusu karne baada ya kusulibiwa kwa Kristo, anataja baraka juu ya wale “wazishikao amri zake, wawe na haki kuuendea huo mti wa uzima, na kuingia mjini kwa milango yake.” Ufunuo 22:14.”—The Great Controversy, p. 466.
“Mtu anapojisalimisha kwa kristo, akili huletwa chini ya udhibiti wa sheria; bali ni sheria ya kifalme, inayotangaza uhuru kwa kila mfungwa. Kwa kuwa mmoja na kristo, mwanadamu anawekwa huru. Utiifu kwa mapenzi ya kristo maana yake ni kurejeshwa kwa utu uzima mkamilifu.
“Utii kwa Mungu ni uhuru kutoka katika utumwa wa dhambi nyingi, ukombozi kutoka kwa shauku na msukumo wa mwanadamu. Mwanadamu anaweza kusimama mwenyewe kama mshindi, mshindi wa mielekeo yake mwenyewe, mwenye kushinda falme na mamlaka, na ‘juu ya wakuu wa giza hili, juu ya majeshi ya pepo wabaya katika ulimwengu wa roho.’ Waefeso 6:12”—The Ministry of Healing, p. 131.
b. Je, kuwa na upendeleo /au chuki kunaharibuje ushuhuda wetu kwa ajili ya kristo? Yakobo 2:9.
“Tunaweza kudai kuwa wafuasi wa Kristo, tunaweza kudai kuamini kila ukweli katika neno la Mungu; lakini hili halitamfaa jirani yetu isipokuwa imani yetu inabebwa katika maisha yetu ya kila siku. Taaluma yetu inaweza kuwa kama juu mbinguni, lakini haitatuokoa sisi wenyewe wala wanadamu wenzetu isipokuwa sisi ni Wakristo. Mfano mzuri utafanya mengi zaidi kunufaisha ulimwengu kuliko taaluma yetu yote. ”—Christ’s Object Lessons, p. 383.
Alhamisi
Oktoba 31
5. MAFUNDISHO YA BUSARA KWA HURUMA
a. Tunapaswa kukumbuka nini katika kushika sheria yetu ya maadili ya Mungu wenyewe na vilevile wakati wa kushiriki ukweli huu na kizazi kijacho? Mhubiri 11:9; 12:13, 14; Yakobo 2:10–13.
“Vijana wanazaliwa na upendo wa uhuru; wanatamani uhuru; na wanahitaji kuelewa kwamba baraka hizi zisizo na kifani zinapaswa kufurahia tu katika utii wa sheria ya Mungu. Sheria hii ndiyo mlinzi wa uhuru wa kweli. Inabainisha na kukataza yale mambo yanayodhalilisha na kuwafanya watumwa, na kwa hivyo inawapa ulinzi dhidi ya nguvu za uovu kwa watiifu.
“Mtunga - Zaburi asema: ‘Nami nitakwenda panapo nafasi, kwa kuwa nimejifunza mausia yako.’ ‘Shuhuda zako nazo ndizo furaha yangu, na washauri wangu.’ Zaburi 119:45, 24.
“Katika juhudi zetu za kusahihisha maovu, tunapaswa kujilinda dhidi ya tabia ya kutafuta makosa au kushtumu. Kuendelea kuwashtumu wadanganyifu, lakini hafanyi matengenezo. Kwa akili nyingi, na mara nyingi zile za uwezekano mkubwa zaidi, mazingira ya ukosoaji usio na huruma ni mbaya kwa juhudi. Maua hayafunguki chini ya pumzi ya upepo mkali….
“Lengo la kweli la kukemewa hupatikana pale tu mkosaji mwenyewe anapoongozwa kuona kosa lake na mapenzi yake yanaorodheshwa kwa ajili ya marekebisho yake. Hili likikamilika, mweleze kwenye chanzo cha msamaha na nguvu. Tafuta kuhifadhi heshima yake na kumtia moyo kwa ujasiri na matumaini.
“Kazi hii ndiyo nzuri zaidi, ngumu zaidi, iliyowahi kujitolea kwa wanadamu. Inahitaji mbinu nyeti zaidi, usikivu bora zaidi, ujuzi wa asili ya mwanadamu, na imani na subira iliyozaliwa mbinguni. Tayari kufanya kazi na kukesha na kungoja. Ni kazi ambayo hakuna kinachoweza kuwa muhimu zaidi.”—Education, pp. 291, 292.
Ijumaa
Novemba 1
MASWALI TAFAKARI BINAFSI
1. Ilhali huenda nisiwe na mengi, ni lazima nitambue nini kuhusu wengine walio na hata kidogo?
2. Ni rahisi vipi kuwa na upendeleo wa kipofu au chuki isiyo ya haki dhidi ya baadhi ya watu?
3. Mwelekeo wetu wa kufikiri huathirije jinsi tunavyowatendea watu kama hao?
4. Kwa nini sheria ya Mungu inaitwa sheria ya uhuru?
5. Elezea mtazamo wa kuwa nao katika kufundisha watu wenye mawazo potofu.