Jumapili
Novemba 24
1. “UTAMBUZI” ULIOPINDISHWA
a. Tunapaswa kujihadhari kabisa na uovu gani mbaya na kwa nini? Yakobo 3:14, 15.
“Anayeufungua moyo wake kwa mashauri ya adui, akidhania mabaya, na kutamani wivu, mara kwa mara anayapotosha haya. Nia mbaya, kuiita maono maalum, ubaguzi, au utambuzi katika kugundua hatia na kufahamu nia mbaya za wengine. Anaona kwamba zawadi ya thamani imewekewa dhamana kwake; na hujitenga na ndugu hasa ambao anapaswa kuwa katika maelewano nao; yeye hupanda juu ya kiti cha hukumu, na kufunga moyo wake dhidi ya yule ambaye yeye anadhania kuwa amekosea, kana kwamba yeye mwenyewe yuko juu ya majaribu. Yesu hutengana naye, na kumwacha atembee katika nuru yake aliyoiwasha mwenyewe.
“Mtu yeyote miongoni mwenu asijisifu tena dhidi ya kweli kwa kutangaza kwamba roho hiyo ni tokeo la lazima la kushughulika kwa uaminifu na wakosaji na kusimama katika kuitetea ile kweli. Hekima kama hiyo ina watu wengi wanaoipenda, lakini ni ya udanganyifu na inadhuru. Haiji kutoka juu, bali ni tunda la moyo usiofanywa upya. Mwanzilishi wake ni shetani mwenyewe. Asiwe na mshitaki wa wengine ajidhanie kuwa ana utambuzi; kwani kwa kufanya hivyo huzivisha sifa za shetani mavazi ya haki. Natoa wito kwenu, ndugu zangu, kutakasa hekalu la roho ya vitu hivi vyote vinavyotia unajisi; kwa maana wao ni mizizi ya uchungu. ”—The SDA Bible Commentary [E. G. White Comments], vol. 7, pp.936, 937.
Jumatatu
Novemba 25
2. TABIA YA SUMU
a. Elezea matokeo yasiyoepukika ya husuda na ugonvi. Yakobo 3:16.
“Mtu mmoja katika taasisi au kanisa anaruhusu mawazo yasiyofaa kwa kuwanenea ndugu maovu, anaweza kuchochea tamaa mbaya zaidi ya moyo wa mwanadamu, na kueneza chachu ya uovu ambayo itatenda kazi kwa wote wanaojiunga. Pamoja naye. Kwa njia hii adui wa haki yote anapata ushindi, na matokeo ya kazi yake ni kubatilisha maombi ya Mwokozi aliposihi kwamba wanafunzi wake wanaweza kuwa kitu kimoja kama yeye alivyo mmoja na Baba. ”—The SDA Bible Commentary [E. G. White Comments], vol. 7, p. 937.
b. Tofauti na mielekeo ya kibinadamu inayoanzishwa na adui wa nafsi zetu kwa jinsi gani tunapaswa kujumuika na wenzetu? Yohana 13:34.
“Unatoa hukumu kwa watu, na kutoa maoni kuhusu njia zao na tabia zao, wakati hauelewi msimamo wao au kazi yao. Unaangalia vitu kwa mtazamo wako na kisha uko tayari kuhoji au kushutumu mwenendo wanaoufuata, bila kutazama kwa uwazi mambo kila upande. Huna ujuzi wa majukumu ya wengine na haupaswi kuhisi kuwajibika kwa matendo yao, lakini fanya jukumu lako, ukiwaacha wengine na Bwana. Uwe na roho ya uvumilivu, dumisha amani na utulivu wa akili, na uwe mwenye shukrani.
“Wewe u nyeti, unaumizwa haraka sana, na ikiwa neno linasemwa linalopelekea njia tofauti na ile ambayo umekuwa ukifuata, unaumizwa. Unahisi unalaumiwa, na kwamba lazima ujitetee mwenyewe, na kuokoa maisha yako; na katika bidii yako kuokoa maisha yako, unayapoteza. Una kazi ya kufanya ya kufisha nafsi yako na kukuza roho ya kuchukuliana na watu na uvumilivu. ”—Testimonies for the Church, vol. 2, p. 424.
“Wale wanaokosoa na kuhukumiana wao kwa wao wanavunja amri za Mungu, na ni kosa kwake. Hawampendi Mungu wala viumbe wenzao. Ndugu na dada, tuondoe uchafu wa ukosoaji na tuhuma na malalamiko, na msivae hisia zenu kwa nje. Baadhi ni nyeti sana hivi kwamba hawawezi kujadiliwa nao. Kuwa mwangalifu sana kuhusiana na maana ya kushika sheria ya Mungu, na kuhusu kama unashika au kuvunja sheria. Hilo ndilo ambalo Mungu anataka tuwe makini nalo.”—The SDA Bible Commentary [E. G. White Comments], vol. 7, p. 937.
Jumanne
Novemba 26
3. KUSHUGHULIKIA KUKATA TAMAA
a. Je, imeandikwa nini kuhusu wale wanaoipenda sheria ya Mungu? Zaburi 119:165.
“Acha mawazo ya kufikiri kwamba hautumiwi sawa, kwamba umedhulumiwa, kwamba watu wanataka kukuzingira wakudhuru. Macho yako yanakuambia yasiyo kweli. Shetani anakuongoza kuchukua maoni haya yaliyopotoka ya vitu.”— Testimonies for the Church, vol. 2, p. 424.
“Ulimwengu unapenda dhambi, na unachukia haki, na hii ndiyo iliyokuwa sababu ya chuki yake kwa Yesu. Wote wanaolikataa pendo lisilo mwisho la Kristo watauona Ukristo kama kitu kinacholeta usumbufu. Nuru ya Kristo hufagilia mbali giza linalofunika dhambi zao, na uhitaji wa matengenezo unakuwa dhahiri. Wakati wale wanaojikabidhi katika nguvu za Roho Mtakatifu wanaanza kujipiga vita wao wenyewe, wale wanaong’ang’ania dhambi hupiga vita ukweli na wale wanaouwakilisha.
“Mapambano hutokea, na wafuasi wa Kristo hushtakiwa kwamba ni wataabishaji wa watu. Lakini ni kule kuwa pamoja na Mungu kunakowaletea uadui dhidi ya ulimwengu. Wanakutana na dhihaka alizofanyiwa Kristo. Wanatembea katika njia aliyopita mtu mwema kuliko wote duniani. Lazima wakutane na mateso kwa furaha, wala si kwa huzuni. Kila moto wa majaribu ni njia ya Mungu ya kuwatakasa. Kila jaribu linawafanya kufaa kuwa watenda-kazi pamoja naye. Kila shida ina nafasi yake katika lile pambano kuu kwa ajili ya haki, na kila moja litaongeza kitu katika furaha ya ushindi wao wa mwisho. Wakiwa na picha hii, kujaribiwa kwa imani yao na subira vitakubaliwa kwa furaha badala ya kuonekana kuwa vitu vya kutisha na vya kujikinga navyo. ”—The Desire of Ages, p. 306.
b. Hata pale tunapotendewa isivyo haki, tunakumbushwa nini? Mathayo 5:11, 12, 41; 1 Petro 4:12–15.
“Yeye aliye Kichwa kitakatifu cha kanisa, mwenye nguvu zaidi ya washindi, angewaelekeza wafuasi Wake kwenye maisha Yake, taabu Zake, kujinyima kwake, mapambano yake, na mateso, kwa kudharauliwa, kwa kukataliwa, kudhihaki. dharau, matusi, dhihaka, uongo, juu ya njia ya Kalvari hadi kwenye tukio la kusulubiwa, ili waweze kutiwa moyo kusonga mbele kuelekea kwenye alama kwa ajili ya tuzo na thawabu ya mshindi. Ushindi unahakikishwa kupitia imani na utii. Na tufanye matumizi ya maneno ya Kristo kwa kesi zetu binafsi.”—The Review and Herald, July 24, 1888.
Jumatano
Novemba 27
4. HEKIMA KUTOKA JUU
a. Je, ni sifa gani ya kwanza ya hekima iliyozaliwa Mbinguni— na kwa nini hii ni muhimu kwetu? Yakobo 3:17 (sehemu ya kwanza); Mathayo 5:8.
“Katika mji wa Mungu hakitaingia cho chote kinachotia unajisi. Wote ambao watakuwa wakazi kule, watakuwa wamekuwa na moyo safi wakiwa hapa. Ndani ya yule anayejifunza juu ya Yesu, kutaonekana hali inayoendelea ya kuchukia tabia mbaya, lugha chafu, na mawazo yote yasiyofaa. Kristo akikaa moyoni, kutakuwa na usafi na uadilifu wa mawazo na mwenendo.
“Lakini maneno haya ya Yesu, “Heri wenye moyo safi,” yana maana sana - sio tu safi katika maana ile ambayo ulimwengu unauelewa usafi, yaani, kuachana na anasa, kuwa safi mbali na tamaa mbaya za mwili, bali ni kuwa mkweli katika makusudi yaliyojificha moyoni na sababu zake zinazopelekea kuyafanya mambo hayo, ni kuachana na kiburi na kutaka makuu, ni kuwa mnyenyekevu, asiyejipenda mwenyewe, mwenye tabia kama ya mtoto mdogo.”—Thoughts From the Mount of Blessing, pp. 24, 25.
b. Elezea lengo letu lazima liwe katika kujitayarisha kwa ajili ya Kristo. 1 Yohana 3:2, 3 .
“Katika mambo yale yanayotupata kila siku katika maisha yetu, tunatambua wema wake na huruma zake kwa njia ya maongozi yake yanayodhihirishwa kwetu. Tunamtambua yeye kwa tabia ya Mwanawe. Roho Mtakatifu anaichukua ile kweli inayomhusu Mungu na yeye aliyemtuma, na kuifunua katika ufahamu wetu na mioyoni mwetu. Wenye moyo safi wanamwona Mungu katika uhusiano mpya unaowafanya wampende kama Mkombozi wao; na wakati wanatambua usafi na uzuri wa tabia yake, wanatamani sana kufanana naye. Wanamwona yeye kuwa ni Mungu anayetamani sana kumkumbatia mwana aliyetubu, na mioyo yao inajawa na furaha isiyoneneka, yenye utukufu
“Wenye moyo safi wanamtambua Muumbaji katika kazi zake zilizofanywa kwa mkono wake wenye nguvu nyingi, katika vitu vizuri vilivyomo ulimwenguni. Katika Neno lake lililoandikwa wanasoma ufunuo wa rehema zake kwa wazi zaidi, wema wake, na neema yake. Kweli zile zilizofichwa kwa wenye hekima na wenye busara hufunuliwa kwa watoto wachanga. Uzuri na thamani ya ile kweli, mambo ambayo hayatambuliwi na wenye hekima wa dunia, daima huendelea kufunuliwa wazi kwa wale walio na hamu inayomtegemea kama ile ya mtoto ya kutaka kujua na kufanya mapenzi ya Mungu. Tunaitambua, sisi wenyewe, ile kweli tunapokuwa washirika wa tabia ya uungu
“Wenye moyo safi wanaishi mbele za Mungu kabisa kwa kipindi anachowapa katika ulimwengu huu. ”—Ibid., pp. 26, 27.
Alhamisi
Novemba 28
5. SIFA MUHIMU ZAIDI
a. Baada ya usafi, taja sifa tano zinazofuata za hekima iliyozaliwa Mbinguni—ambazo bila hizo mvuto wetu unaharibika. Yakobo 3:17 (sehemu ya kati).
“Unahitaji wema, adabu, upole, na unyenyekevu wa Kristo. Una sifa nyingi za thamani ambazo zinaweza kukamilishwa kwa utumishi wa hali ya juu zaidi ukitakaswa kwa Mungu. Unapaswa kuhisi umuhimu wa kuwaendea ndugu zako kwa wema na adabu, si kwa ukali wa kupitiliza. Hutambui madhara unayofanya kwa roho yako kali na ya kutawala kwao. Wahudumu katika mkutano wako wanakatishwa tamaa, wakipoteza ujasiri ambao wanaweza kuwa nao ikiwa ungewapa heshima, wema, ujasiri, na upendo. Kwa namna ya kutenda kwenu mmetenganisha mioyo ya ndugu zenu kutoka kwenu, hivi kwamba mashauri yenu hayakuwa na uvutano mwingi juu yao kwa wema.”— Christian Leadership, pp. 6, 7.
“Kama matarajio yako hayajafahamika, upo katika hatari ya kukatishwa tamaa na kutotulia, na kutamani mabadiliko. Lazima uepuke tabia ya kukosoa, jitahidi kuvumilia. Kuwa makini kwa kila kitu kinachoashiria roho ya kuhukumu. Haimpendezi MUNGU kwa roho ya namna hii kuwa ndani ya mtumishi Wake wa uzoefu wa muda mrefu. ni vizuri kwa kijana, kama amebarikiwa unyenyekevu na uzuri wa ndani, kudhihirisha shauku na ari, lakini ari ya haraka na roho ya kuhukumu vinapooneshwa na kijana ambaye ana miaka michache tu ya uzoefu, haifai kabisa na inachukiza sana. Hakuna kinachoweza kuharibu ushawishi wake haraka sana kama hiki. Utulivu, upole, uvumilivu, saburi, kutokukasirishwa mapema, akichukuliana mambo yote, akitumaini yote, akistahimili yote haya ni matunda yanayokua juu ya mti wa thamani wa upendo, ambao ni wa ukuaji wa kimbingu. Mti huu ikiwa utatunzwa, utathibitika kuwa wa kijani kibichi wakati wote. Matawi yake hayataoza, majani yake hayatanyauka. Ni wa asili yakutokufa, wa milele, ukimwagiliwa mara kwa mara na umande wa mbinguni. ”—Testimonies for the Church, vol. 2, pp. 134, 135.
Ijumaa
Novemba 29
MASWALI TAFAKARI BINAFSI
1. Ni katika hali gani ninajaribiwa kuhukumu nia na kuiita utambuzi?
2. Je, tabia ya kuwakosoa wengine inavunjaje amri za Mungu?
3. Wakati tabia ya sumu inapoanzishwa dhidi yangu, nikumbuke nini?
4. Ni nini maana ya kuwa “safi moyoni”?
5. Je, ninawezaje kuwa mwenye kufikiwa zaidi—rahisi “kusihi”?