NgeSonto
, Nhlaba 4
1. EKHUMBULA INDALO
a. UNkulunkulu kuyini akudala ngosuku lokuqala-na? Genesis 1:3-5.
“Ezwini lokudala ekuqaleni, ukukhanya kwakhanya ebumnyaneni.”-Desire of Ages, p. 464.
b. Ngubani owayekhona ekudalweni komhlaba, hhayi njengombukeli kuphela, kodwa njengomhlanganyeli okhuthele-na? Genesis 1:1, 2; Johane 1:1, 2; Kolose 1:16.
“Ekuqaleni, uNkulunkulu wembulwa kuyo yonke imisebenzi yokudala. NguKristu owandlala amazulu, wabeka izisekelo zomhlaba…Nguye owagcwalisa umhlaba ngobuhle, nomoya ngengoma. Futhi phezu kwazo zonke izinto ezisemhlabeni, emoyeni, nasesibhakabhakeni, wabhala umlayezo wothando lukaBaba.”-Desire of Ages, p. 20.
“Isandla esiqinile esisekela umhlaba emkhathini, isandla esibambe ukuhlelwa kwazo futhi sisebenza ngokungakhathali zonke izinto emhlabeni wonke kaNkulunkulu, yisandla esabethelwa esiphambanweni ngenxa yethu.”-Education, p. 132.
NgoMsombuluko
, Nhlaba 5
2. UKUKHANYA EHLANE
a. Baholwa kanjani abantwana bakwa-Israyeli ehlane-na? Eksodusi 13:21, 22. Chaza ubukhona obumbozwe yinsika yefu nensika yomlilo-na? Eksodusi 13:21 (isigaba sokuqala); 1 Korinte 10:1-4.
“Ekubonakalisweni kukaNkulunkulu kubantu Bakhe, ukukhanya kulokhu kuluphawu lobukhona Bakhe. Ezwini lokudala ekuqaleni, ukukhanya kwaboniswa ebumnyameni. Insika yokukhanya yayisibekelwa yinsika yefu emini nensika yomlilo ebusuku, ihola impi enkulu yakwa-Israyeli.”-The Desire of Ages, p. 464.
b. Kuyini okulotshiwe ngobukhona bukaKristu noIsrayeli ehlane, nokuthi yisiphi isivikelo uNkulunkulu asithembisa abantu Bakhe-na? Amahubo 105:39; Isaya 4:5, 6.
“Kwenye yeziqephu ezinhle neziduduzayo zesiprofetho sikaIsaya, kubhekiswa ensikeni yefu nasensikeni yomlilo ukuze kufanekise ukunakekela kukaNkulunkulu abantu Bakhe ngomzamo omkhulu wokugcina wokulwa namandla obubi.”-Patriachs and Prophets, p. 283.
c. UKristu wazembula kanjani eSinayi-futhi uMose nabantu bakhe baphendula kanjani-na? Exodusi 19:16-18; 20:18, 19; Heberu 12:21.
“Inkazimulo kaJehova yayinjengomlilo oqothulayo esiqongweni sentaba phambi kwamehlo esixuku esasibuthene….zazesabeka kakhulu izimpawu zobukhona bukaJehova kangangoba inhlangano yakwaIsrayeli yathuthumela ngokwesaba, yawela phansi ngobuso phambi kukaJehova.”-Patriachs and Prophets, p. 304.
“Kwakukhazimula kakhulu ukwambulwa kobukhona [bukaKristu] kangangokuthi kwakungenakumelwa ngumuntu ofayo. UMose, owaphiwa umusa omkhulu kangaka, wababaza, ‘Ngiyesaba kakhulu futhi ngiyathuthumela, kepha uNkulunkulu wamqinisa ukuba abekezelele lenkazimulo, enkulu kangaka, nokuletha ukukhanya kwakhe ebusweni bakhe okuvela entabeni, ukuze abantu bangabe besayibheka ngokuqinile.”-Sons and Daughters of God, p. 225.
Ngolwesibili
, Nhlaba 6
3. UKUKHANYA ENDLINI KANKULUNKULU
a. UKristu wabonisa kanjani ubukhona Bakhe etabanakeleni-na? Eksodusi 40:34, 35.
“Ngentakazelelo eshisekelayo isixuku sakwaIsrayeli sahlangana ndawonye ukubheka isakhiwo esingcwele. Lapho besazidla ngesakhiwo nangenhlonipho enelisayo, insika yefu yasibekela ithende lokuhlangana futhi, inkazimulo kaJehova yagcwalisa itabanakeli.’ Kwabonakala inkazimulo engcwele, futhi ngaleso sikhathi uMose wayengenakungena. Ngosizi olujulile abantu babona uphawu lokuthi umsebenzi wezandla zabo wamukelekile. Bewungekho umbukiso onomsindo wenjabulo. Ukwesaba okunesizotha kwahlala phezu kwabo bonke. Kodwa ukuthokoza enhliziyweni yabo kwaphuphuma ngezinyemmbezi zenjabulo, behlokomela phansi, ngamazwi aqotho okubonga ukuthi uNkulunkulu uzikhothamisile wahlala phakathi kwabo.”-Patriachs and Prophets, pp. 349, 350.
“Ngaphezu kwesihlalo somusa kukhona iShekina, ebonakalisa uBukhona obungcwele; futhi phakathi kwamaKherubimi, uNkulunkulu ubezwakalisa intando Yakhe. Umyalezo ongcwele ngezinye izikhathi wawufinyelela kumpristi omkhulu ngezwi elivela efwini. Ngezinye izikhathi ukukhanya kwakuwela phezu kwengelosi esesandleni sokudla, okubonisa ukuvuma noma ukwamukelwa, bese kuba ithunzi noma ifu elihlala phezu kwalelo elisesandleni sokunene ukubonisa ukungemukelwa noma ukwenqatshwa. Ibid.
b. Kuyini okwenzeka kamuva, lapho itabanakeli lingcweliswa-na? 2 Izikronike 7:1.
“Itabanakeli elihle kakhulu lakhiwa, ngokuya ngomfanekiso owaboniswa uMose entabeni, futhi emva kwalokho wanikezwa nguJehova kuDavide. Itabanakeli lasemhlabeni lenziwa lafana nelasezulwini. Ngokwengeza kumakherubim phezu komphongolo, uSolomoni wenza ezinye izingelosi ezimbili ezinkulu ngesilinganiso, zimi ekupheleni komphongolo zifanekisa izingelosi zasezulwini kaningi ezivikela umthetho kaNkulunkulu. Awusoze wakwazi ukuchaza ubuhle nobukhazikhazi betabanakeli. Kukhona, njengasetabanakeleni, umphongolo ongcwele owawuthwala ngesizotha, ngohlelo olunenhlonipho, ubekwe endaweni yawo ngapahansi kwamaphiko amakherubim amabili ayemi phansi.
“Abahlabeleli abangcwele bahlanganisa amaphimbo abo, ngazozonke izinkenenezo zomculo, babeletha udumo kuNkulunkulu. Lapho amaphimbo evumelana, ngezinkenenezo zomculo, uduma oluvela ethempelini, futhi wathwala ngumoya eJerusalema lonke, ifu lenkazimulo kaNkulunkulu yagcwalisa indlu, njengoba ngaphambili yagcwala itabanakeli. ‘Kwathi lapho abapristi sebephumile endaweni engcwele, ifu lagcwalisa indlu kaJehova, ukuze abapristi bangemi ukukhonza ngenxa yefu, ngokuba inkazimulo kaJehova yagcwala indlu kaJehova’”-Spiritual Gifts, vol. 4a, pp. 113, 114.
Ngolwesithathu
, Nhlaba 7
4. UKUKHANYA KWEVANGELI
a. Yimuphi umyalezo kaKristu kuJohane 8:12 osilethela ithemba elikhulu-na?
“Kwakungezona izazi zezenkolo ezazinokuqonda leli-qiniso, futhi zihlanganyele ekulimemezeleni. Uma labalindi babethembekile, ngokuhlakanipha nokukhuleka behlola iMibhalo, bebazosazi isikhathi sasebusuku; iziprofetho ngabe zabembulela izehlakalo ezizokwenzeka. Kodwa abazange bangena kulesikhundla, futhi isigijimi sanikezwa amadoda athobekile….Labo abasuka ekukhanyeni uNkulunkulu abanike kona, noma labo abanganaki ukukufuna kusatholakala, bazoshiywa ebumnyameni.”-The Great Controversy, p. 312.
“UJehova wenzile amalungiselelo wonke ukuze sibenamava anothile, avamile, nanenjabulo. UJohane ubhala maqondana noKristu, uthi, ‘Ukuphila kwakuKuye; ukuphila kwakungukukhanya kwabantu.’ Ukuphila kuhlanganiswa nokukhanya, futhi uma singenakho ukukhanya okuvela kwiLanga lokuLunga, angeke-saba nokuphila Kuye. Kodwa lokukhanya kulungiselelwe wonke umphefumulo, futhi kuphela uma sisuka ekukhanyeni ubumnyama buza phezu kwethu. UJesu uthi, ‘Ongilandelayo kasoze ahamba ebumnyameni, kodwa woba nokukhanya kokuphila.’ Emhlabeni osizungezile akusoze kwabakhona ukuphila ngaphandle kokukhanya. Uma ilanga belingasusa ukukhazimula kwalo, zonke izitshalo, konke ukuphila kwezilwane, bekuzophela noma bezizofa. Lomfanekiso umqondo wayo ukuthi angeke sibe nokuphila kwesimoya ngaphandle kokuthi sizibeke ngaphansi kweLanga lokuLunga. Uma sibeka isitsha sembali endaweni emnyama, izobuna masinyane futhi ife; kanjalo nathi singaba nokuphila kwesimoya, futhi silahlekelwe yikho ngokuhlala emkhathini wokungabaza nokuhwaqabala.”-Sons and daughters of God, p. 281.
b. Yisiphi isiqiniseko esiza lapho siphendukela kuJesu-na? 2 Korinte 3:18
“Njengoba izimbali zibheka ilanga lapho imisebe yokukhanya ingasiza ukuphelelisa ubuhle bazo nokufana, kanjalo abalandeli bakaKristu babheka iLanga lokuLunga, ukuthi ukukhanya kwasezulwini kungakhanya kubo, kuphelelise izimilo zabo, zibanike amava ajulile nahlala kade ezintweni zikaNkulunkulu. Kungaphezu kwamandla ethu ukwamukela izibusiso ezilethwa kithi ngoKristu, uma sizohlanganisa imizamo yobuntu bethu nomusa ongcwele.”-Ibid., p. 431.
“Noma ngubani ofuna ukwenza intando kaNkulunkulu ngenhloso eyodwa, elalela ngobuqotho ukukhanya okunikeziwe, uzothola ukukhanya okukhulu, kulowo mphefumulo inkanyezi ethile yokukhazimula kwasezulwini izothunyelwa ukuba imholele kulo lonke iqiniso.”-The Great Controversy, p. 312.
Ngolwesine
, Nhlaba 8
5. OKUKHANYA EZINHLIZIYWENI ZETHU
a. Singaphakanyiswa kanjani amazwi kaPawule akhuthazayo maqondana nokukhanya kwezwe-na? 2 Korinte 4:6.
“Vumela imicabango emihle ngoNkulunkulu igcwalise ingqondo yakho. Ukuphila kwakho makuhlanganiswe ngokuxhumana okufihlakele ekuphileni kukaJesu. Lowo owayaleza ukukhanya ukuba kukhanye ebumnyameni uyathanda ukukhanyisa enhliziyweni yakho, ukuze anikeze ukukhanya kolwazi lwenkazimulo kaNkulunkulu ebusweni bukaJesu Kristu. Umoya Ongcwele uzothatha izinto zikaNkulunkulu akukhombise zona, njengamandla aphilayo enhliziyweni elalelayo. UKrestu uzokuholela emnyango wongaPheliyo. Ungahle ubone inkazimulo engaphezu kweveyili, futhi yembule kubantu ukugcwala Kwayo owake wakuthola ukwenza ukulamula ngenxa yethu.”-Christ’s Object Lessons, p. 149.
“Ukwembulwa kwenkazimulo Yakhe ngesimo somuntu izoletha izulu eduze kakhulu kubantu ukuthi ubuhle obuhlobisa ithempeli elingaphakathi buzobonakala kumphefumulo ngamunye lowo uMsindisi ahlala kuyo. Abantu bazokhangwa inkazimulo kaKristu ohleziyo. Futhi ngemisinga yokudumisa nokubonga okuvela kwimiphefumulo ezuzelwa kuNkulunkulu, inkazimulo izogeleza ibuyele kuMuphi omkhulu.
“‘Vuka, ukhanye; ngokuba ukukhanya kwakho kuyeza; inkazimulo kaJehova iphumela phezu kwakho.’ Isaya 60:1. Kulabo abaphuma ukuhlangabeza uMyeni lomyalezo unikeziwe. UKristu uyeza ngamandla nangenkazimulo enkulu. Uza ngenkazimulo Yakhe nangenkazimulo kaYise. Uza nezingelosi zonke ziNaye. Lapho umhlaba wonke ucwile ebumnyameni, kuzoba khona ukukhanya lapho kuhlala abangcwele. Bazobamba ukukhanya kokuqala ekubonakaleni Kwakhe okwesibili. Ukukhanya okungenachashaza kuzokhanya ebucwazicwazini Bakhe, uKristu umhlengi uzothokozelwa yibo bonke abathe bamsebenzela. Lapho ababi bebaleka ebukhoneni Bakhe, abalandeli bakaKristu bazojabula.”-Ibid., pp. 420, 421.
NgoLwesihlanu
, Nhlaba 9
IMIBUZO YOMUNTU NGAMUNYE
1. IBhayibheli lifundisa kanjani ngobuNkulunkulu emsebenzini wokudala-na?
2. Chaza ukuthi uJesu wazembula kanjani kubantu Bakhe ehlane.
3. Ukukhanya kukaKristu kwakhazimula kanjani kwitabanakeli kanye nethempeli-na?
4. Chaza ukuthi uJesu wazibonakalisa kanjani ngoKwakhe ekunikelweni kwethempeli.
5. UKristu wazembula kanjani kithi futhi nangathi-na?