Umuna a Pangsabado a Daton para iti iglesia idiay Ghana

Ti Ghana ket maysa a pagilian a naisaad iti West Africa, nakibeddeng iti Burkina Faso iti amianan, Togo iti daya ken Ivory Coast iti laud. Addaan iti popolasyon a nganngani 27 milyon, ti kangrunaan a relihion ket Islam (18%0 ken Cristiano (70%) a nagbibingayan ti Pentecostes, Protestante, ken Romano Catolico, ken dadduma pay a nadumaduma a denominasyon. Ti mensahe ti Repormasyon simmangbay ditoy Ghana idi 1990. Nangrugi ti trabaho iti capitolio ti Accra ket manipud sadiay naidanon iti sabasabali a luglugar iti pagilian. Ti narelihionan a wayawaya ti nangipaay iti naindaclan nga iduduras ti mensahetayo. Agyamankami iti Dios ta ti organisasyon ti iglesiatayo ket opisyal a nairehistro ken bigbigen ti gobierno.

Nupay kasta, iti lacsid ti progreso ti trabaho ken ti wayawaya a mangicasaba iti mensahe ti evangelio, dagiti miembrotayo ditoy ket awanan ti balay a pagdaydayawan a maawagan a kukuatayo. Idiay Accra dagiti kakabsattayo a lallaki ken babbai ket aggigimongda iti siroc ti kayo a masaracan iti up-upaan a daga. Dacsanggasat no agtudo, mapaidamanda iti namaga a disso a pagdaydayawan nga isu ti pakauppapayan dagiti intresado iti mensahetayo. Nupay awanan iti wagas tapno masuportaran ti trabaho, dagiti kakabsattayo ket naayatda a mangisayangkat iti naevangelioan a kampania, agiwaras kadagiti polieto ken mangorganisa kadagiti grupo nga agadal iti Biblia. Iti agdama adda 50 a tattao nga agat-atendar iti klasetayo maipapan iti bautismo ket iti tiempo a mabasayo daytoy, namnamami a dagitoy a kararua makitulagdan iti Dios ket agbalindan a kameng ti iglesia babaen iti bautismo.

Ti Heneraltayo, a di pulos agkamali, kinunana kadatayo. Agpatuloy. Sumrec iti baro a disso. Ibayog ti wagayway, ipasdec dagiti tanda iti tunggal disso. Ipakaammo a ti Dios ket addaan iti ili iti daga a saan a nakalipat kadagiti linlintegNa. Kadagiti amin nga iglesia adda dagiti saan a makaammo a ti Aldaw a Panaginana ket maikapito nga aldaw a saan ketdi nga umuna nga aldaw. Dagitoy ti mangipangag iti mensahe ti agdama a kinapudno.” – RH, Aug. 5, 1902.

Agdawatkami kadagiti amin a kakabsat a lallaki ken babbai iti intero a lubong a suportaran daytoy a proyekto kadagiti karkaragyo ken kuartayo tapno maibangon ti iglesia idiay Accra nga isu ti agtacder kas maysa a pammalagip kadagiti taga Accra, ken kasta met a maummong ti regular a gimong uray iti panawen ti tudtudo.

Regional Secretary para Africa