Umuna a Pangsabado a Daton para kadagiti Nadidigra iti Lubong ken Pakasecnan

“[Ti Apo] ti mangaramid iti kinajusticia cadagiti mailupitlupit; isu a mangted iti taraon dadagiti mabisin” (Salmo 146:7).

Kuna ni Apo Jesus, “Nagasat dagiti manangngaasi; ta lac-amendanto ti asi” (Mateo 5:7); Dagiti marigrigat ket adda iti amin nga aglaw-lawtayo, daiti agledleddaang, agsagsagaba, agladladingit ken dagiti nakasaganan a mapukaw. Adda naindaclan a panagkasapulan iti panna-kaipakat ti asi ita. Inaramidnatayo ti Dios a paraaywanNa, ket saan a mapabasol Isuna kadagiti panagsagaba, kinaay-ay, kinalamolamo ken panagkasapulan ti sangkataoan. Nangted ti Apo ti abunaw a sagana para kadatayo amin. Inikkannatayo iti nabuslon a pamataudan a mangpabang-ar iti kasapulan dagitoy nga agsagsagaba ken nakaay-ay-ay.

Inaldaw a makangngegtayo iti gin-gined, gubat, layus, bolcan ken sabali pay a didigra, ken riribok iti intero a lubong a mangibunga iti naindaclan a pannakadadael dagiti sanikua ken biag. Apaman a mangngegtayo ti maipapan ti kalamidad, insegida nga agtignaytayo a sumungbat ti kasapulanda. Ti wagas ti panagsungbattayo agsanggir iti galad ti didigra, ti pagilian, ti ekonomia ken situasyon - politica. Insegida a rugianmi nga adalen ti situasyon tapno maikeddeng dagiti maitutop a tignay.

Mainayon iti daytoy, iti panawen ti talna, ti Welfare Department mangipaay iti tulong kas ti pangipaay iti pundo kadagiti proyekto, tulong technico, panagsanay, panagisuro, panangbinsabinsa kadagiti proyecto ken implementasyonda. Ti paglainganmi, ket kayatmi ti tumulong babaen iti panangipaay iti panangimaton ken bagnus kadagiti agkasapulan. Ti panggepmi isu ti mangpabileg iti local nga iglesia a mangsabat iti kasapulan ti lugarda; iti man taraon, kawwes, ul-ules, paglinongan wenno pammagbaga.

Panangibingay iti ayat ti Dios iti intero a lubong ket kas maysa nga eroplano nga agkasapulan iti gasolina tapno makatayab. Ti nabuslon a datdatonyo ti gasolina a mangpagaraw ti tunggal aspeto a tumulong kadagiti agkasapulan. No awan ti pannakiramanyo iti daytoy, dagiti kaimbagan a peksami sigurado nga agbalin met a didigra. Narigat para iti tunggal maysa ti mapan iti lugar ti kalamidad ngem ti tulongyo makadanon sadiay. Agpakaasikami kadacayo a matignay coma ti pusoyo a makipaset iti daytoy natan-oc a trabaho babaen kadagiti datonyo.

Dagiti Kakabsatyo manipud iti Welfare Department