Umuna a Pangsabado a Daton para Pagadalan idiay Colombia
“Maysa a kaindaclan a pateg ti pannakaipasdec kadagiti pagadalan iti iglesia, nga isu ti pacaibaonan dagiti annac nupay addada pay laeng iti saluad dagiti innada iti kasta maaddaanda iti gundaway a mangisanay kadagiti leksion ti kinamanagtulong a ranta ti Dios a masursuroda iti pagtaengan. . . . Nakaad-adu ti maaramid a mangisalacan ken mangadal kadagiti annac. . . Banag daytoy a maikairi iti kaimbagan a peksatayo.” – CG, p. 306.
Ti bilin nga imbati ni Jesu-Cristo iti sangkataoan iramanna ti trabaho ti edukasyon. Daytoy a trabaho kasapulan a sibaballigi nga ipatungpal ti tunggal kararua nga immawat ken Cristo kas personal a Mannubbot. Ditoy Colombia, ammotayo manipud iti kapadasan a maysa kadagiti wagas a panangimula iti bukel ti evangelio ket babaen iti pana-ngisuro kadagiti ubbing ken agtutubo kadagiti bukodtayo nga institusyon a mangisuro kadagiti prinsipio ti evangelio a naibasar iti Sao ti Dios.
Sangapulo ket maysa a tawen idi a rinugianmi ti maysa a pagadalan tapno mapagtalinaed ken maisuro kadagiti annactayo dagiti prinsipio a paset ti pammatitayo. Naindaclan ti panangbendisyon ti Dios daytoy a trabaho, ket dagiti tattao iti ruar ti iglesiatyo nagkainteresda a mangibaon kadagiti annacda iti pagadalantayo. Kas sungbat iti daytoy, indanonmi ti awag kadagiti amin nga ubbing nga agtarigagay a makipaset iti proyectotayo a pagadalan, tapno agpalistada kadagiti klasetayo. Kas resulta, adu kadagitoy sigud nga agad-adal ti nangselyo iti pannakitulagda iti Apo babaen iti bautismo.
Iti agdama a tiempo, saan a nalaka ti mangsuporta kadagitoy nga institusyon. Nupay inanamongankami ti Ministry of Education, awanan kami iti makaanay a Sistema para iti natunos a pannakasukog ti proyecto. Kasapulanmin ti agipatacder kadagiti facilidades. Mamaticami a ti panagisuro tapno makasubbot ket panagpuonan a maikari nga aramiden, ta no ibati dagiti annac a mapan kadagiti pangpublico a pagadalan a pakaawatanda kadagiti saan a maikanatad a sursuro, agpeggad ti pannakasukog ti espiritual ken ken naimbag a kababalinda.
Gapu iti daytoy a rason nga agdawatkami iti kinamanagtuylongyo a sibubuslonkayo coma a tumulong para iti daytoy napateg unay a trabaho ti edukasyon. Kararagmi a dagiti bendisyon ti Dios ti maiparocpoc iti tunggal managtulong a kararua a siaannugot a tumulong iti daytoy a panggep: “Agisuro tapno Makasubbot.”
Dagiti kakabsatyo manipud Colombia