Domingo
15 Hunio
1. TI PAMILIA IDIAY BETANIA
a. Ania dagiti adalan nga adda ken Jesus ili ti Betania? Juan 11:5.
“Ti puso [ni Cristo] ket naisinggalot iti napigsa a galot ti panagayat iti pamilia idiay Betania, ket para iti maysa cadacuada a naisangbay ti kacasdaawan a trabahoNa.
“Iti pagtaengan ni Lazaro, ti masansan a paginanaan ni Jesus. Awanan ti Mangisalacan iti bukodNa a pagtaengan; agpannuray Isuna iti kinamanagpadagus dagiti gagayyem ken adalanNa, ken masansan, no nabannog, mawaw iti nataoan a panagcacadua, naragsac Isuna a mapan iti daytoy natalna a sangakabbalayan, nga adayo iti panagsuspetsa ken imon dagiti makapungtot a Fariseo. Ditoy a nasaracanNa ti sinsero a pannakapasangbay, napudno, nasantoan a panaggayyem. Ditoy mabalinNa ti agsao a buyogen ti kinasimple ken naan-anay a wayawaya, nga ammoNa a dagiti sasaoNa ket maawatan ken maipateg.”—The Desire of Ages, p. 524.
b. Iti ania a kita ti pagtaengan nga iparang ti Dios ti kasayaatan a bendicionNa? Proverbio 3:33 (maudi a paset).
“Apresiaren ti Mangisalacantayo ti naulimec a pagtaengan ken dagiti interesado a dumdumngeg. Il-iliwenNa ti nataoan a kinadungngo, kinaraem, ken panagayat. Dagidiay nga umawat iti nailangitan a bilin a kanayon a nakasagana nga ipaayNa, isuda ti nabendisionan unay.”—Ibid.
Lunes
16 Hunio
2. NI LAZARO NAGSAKIT
a. Ania a tignay ti inaramid dagiti cacabsat ni Lazaro a babbai idi nakaro ti sakit ti cabsatda—ken ania ti sungbat a naawatda? Juan 11:1–4.
“Naaddaan ni Lazaro iti kellaat a sakit, ket dagiti cacaabsatna a babbai nangibaonda iti mapan iti Mangisalacan, a cuncunada, ‘Apo, ti dungdungoem, masakit.' Nakitada ti kindawel ti sakit a nanggammat iti cabsatda ngem ammoda a kabaelanNa nga agasan ti amin a kita ti sakit. Patienda a makipagricna cadacuada iti pannakariribocda; ngarud awan ti naganat a panagkiddawda iti dagus a presenciaNa, no di ket nangipatulod laeng ti mensahe a mangibaga, ‘Apo, ti dungdungoem, masakit.’ Impagarupda a dagus a sumungbat iti mensaheda, ket umay a dagus apaman a makadanon iti Betania.
“Sidadanagda nga inuray ti maysa a sao manipud ken Jesus. No la ketdi ta adda pay ti rimat ti biag a nabiag iti cabsatda, nagcararagda ken nagbantayda nga umay ni Jesus. Ngem nagsubli ti mensahero nga awan isuna. Nupay casta awitna ti mensahe, ‘Daytoy a sakit ket saan nga ipatay,’ ket nangnamnamada nga agbiag ni Lazaro. Sidudungngo nga inkagumaanda ti agsao cadagiti sasao ti namnama ken pammaregta iti dandani awan puotnan nga agsagsagaba.”—The Desire of Ages, pp. 525, 526.
b. Iladawan dagiti sasao ken tignay ni Cristo iti sumaganad a sumagmamano nga aldaw. Juan 11:5–8.
“Bayat ti dua nga aldaw casla inwaksi ni Cristo ti mensahe manipud iti panunotNa; ta saan a nagsao maipapan ken Lazaro. Pinampanunot dagiti adalan ni Juan Bautista, ti umun-una ken ni Jesus. Nasdaawda idi no apay a ni Jesus, addaan iti pannacabalin a mangaramid cadagiti nacascasdaaw a milagro, pinalubosanNa ni Juan nga agtuoc iti pagbaludan, ken matay iti naranggas nga ipapatay. Addaan iti casta a pannacabalin, apay a saan nga insalacan ni Cristo iti biag ni Juan? Daytoy a saludsod ket masansan a damagen dagiti Fariseo, a nangipresenta iti dayta cas di masungbatan nga argumento a maibusor iti panangtonton ni Cristo nga isu ti Anac ti Dios. Binallaagan ti Mangisalacan dagiti adalanNa cadagiti pannuboc, pannakapucaw, ken pannakaidadanes. Baybay-anNa kadi ida iti pannuboc? Dadduma ti nagsaludsod no nagkamalida iti misionNa. Amin ket naririboc unay. . . .
“Dinamag dagiti adalan no apay, no mapan ni Jesus idiay Judea, dua nga aldawen nga agur-uray. Ngem danag para ken Cristo ken para iti bagbagida ti cangatoan itan iti panunotda. Awan ti makitada no di ti peggad iti dana nga asidegen a surotenNa.”—Ibid., pp. 526, 527.
Martes
17 Hunio
3. PANNAKAUPPAPAY NAGBALIN A NAMNAMA
a. Ania a mensahe a di agbaliw ti mabalin a maagsawtayo manipud iti no kasano a tinaming ni Cristo ti narikut a panagsasaruno dagiti paspasamac a nanglikmut iti sakit ni Lazaro? Juan 11:9, 10.
“Dagidiay mabalin a nakipagtrabaho coma ken Cristo, ngem nangidian cadagiti mensahero ken iti mensaheda, mapukawdanto ti tacderda. Magnadanto iti sipnget, a dida ammo no ania ti pakaitibcolanda. Casta ti nakasagana a maallilaw cadagiti panangallilaw iti maudi nga aldaw. Nakumicom ti panunotda cadagiti babassit nga interes, ket mapucawda ti bendito a gundaway a makisangol ken Cristo, ken agbalin a makipagtrabaho iti Dios.”—Fundamentals of Christian Education, p. 471.
b. Ania a nacascasdaaw a paltiing ti ipapaay ni Jesus cadagiti adalanNa—ngem kasano nga impatarusda dagiti sasaoNa? Juan 11:11, 12.
“‘SinaoNa dagitoy: ket calpasanna, cunana cadacuada: Ni Lazaro a gayyemtayo matmaturog; ngem innac tapno riingec iti turogna.’ ‘Ni Lazaro a gayyemtayo matmaturog.’ Anian a makatignay dagiti sasao! Anian a napno iti simpatia! Iti capanunotan ti peggad a dandanin mapasamac iti Apoda iti ipapan idiay Jerusalem, dandani nalipatan dagiti adalan ti agladladingit a pamilia idiay Betania. Ngem saan a casta ni Cristo. Narikna dagiti adalan ti pannakatubngar. Nadismayada idi gapu ta saan a simmungbat nga insegida idi ni Cristo iti mensahe. Nasulisogda a mangipagarup nga awanan Isuna iti nadungngo nga ayat ken ni Lazaro ken cadagiti cacabsatna, wenno nagdardaras coma a kimmuyog iti mensahero. Ngem dagiti sasao, ‘Ni gayyemtayo a ni Lazaro matmaturog,’ nariniing ti umiso a rikna iti panunotda. Nakombinsirda a saan a nalipatan ni Cristo dagiti agsagsagaba a gagayyemNa. ”—The Desire of Ages, p. 527.
k. Ilawlawag no ania ti pudno a kaipapanan dagiti sasao ni Cristo. Juan 11:13, 14.
“Irepresentar ni Cristo ti ipapatay cas maysa pannaturog cadagiti mamati nga annacNa. Ti biagda ket nailemmeng ken Cristo iti Dios, ket agingga ti maudi a trumpeta aguninto cadagidiay matay a maturog Kencuana.”—Ibid.
Mierkules
18 Hunio
4. AGUR-URAY, AGUR-URAY, AGUR-URAY. . .
a. Apay a naggian ni Jesus iti adayo idiay Betania uray idi kalpasan a naammoanNa a natayen ni Lazaro? Juan 11:15.
“Nasdaaw dagiti adalan cadagiti sasao ni Cristo idi kinunana, ‘Ni Lazaro natay. Ket agragsacac. . . . ta Siac awanac idiay .’ Ti kadi Mangisalacan babaen ti bukodNa a pili liclicanNa ti pagtaengan dagiti agsagsagaba a gagayyemNa? Agparang a mabaybay-an nga agwaywayas da Maria ken Marta ken ni matmatay a Lazaro. Ngem saanda nga agmaymaysa. Nakita ni Cristo ti intero nga eksena, ket kalpasan ti ipapatay ni Lazaro dagiti agladladingit a cacabsatna a babbai ket tinapaya ti paraburNa. Nasaksian ni Jesus ti ladingit ti pusoda, bayat a nakiranget ti cabsatda iti napigsa a cabusorna, ni patay. NariknaNa ti tunggal ut-ot ti panagleddaang, cas kinunaNa cadagiti adalanNa, ‘Ni Lazaro natay.’ Ngem saan laeng a dagiti ay-ayaten ni Cristo idiay Betania ti panunotenNa; Adda pay ti panagsanay dagiti adalanNa nga ibilangNa. Isuda coma ti pannakabagiNa iti lubong, tapno ti bendicion ti Ama maaracupna coma ti amin. Para iti pagimbaganda impalubosNa a matay ni Lazaro. No palaingenNa isuna manipud sakit tapno sumalun-at, ti milagro nga isu ti kapositiboan nga ebidensia ti nadiosan a kababalinNa, saan coma a naaramid.”—The Desire of Ages, p. 528.
b. Ania ti maamiristayo babaen ti wagas a pinalubosan ti Naindaclan a Mangngagas ni Lazaro, a gayyemNa, nga agsakit unay ken pudno a matay? 1 Corinto 15:17–19; Salmo 18:28.
“Saan a nagsardeng ti trabaho [ni Christ] babaen ti panangipabuyana iti pannacabalinNa iti sakit. PinagbalinNa ti tunggal trabaho a panangagas a maysa nga okasion ti panangimula iti puso cadagiti nadiosan a prinsipio ti ayatNa ken kinaparaburNa.”—Counsels on Health, p. 249.
“No adda coma ni Cristo iti siled ti masakit, saan coma a natay ni Lazaro; ta awan ti pannacabalin ni Satanas kencuana. Saan coma a naipuntiria iti panana ken Lazaro iti presencia ti mangmangted iti Biag. Gapuna a nagtalinaed ni Cristo iti adayo. PinalubosanNa ti cabusor a mangipacat iti pannacabalinna, tapno mapasanudna a maysa a naparmec a cabusor. PinalubosanNa ni Lazaro a lumasat iti turay ni patay; ket dagiti agsagsagaba a cacabsat a babbai nakitada ti cabsatda a lalaki a naitanem. Ammo ni Cristo a bayat ti panangmatmatda iti natay a rupa ti cabsatda ti pammatida iti Mannubbotda ket masuot unay. Ngem ammoNa a gapu iti pannakigubal a paspasarenda ita, ti pammatida agsilnagto buyogen ti adayo a dacdakel a pannacabalin. Nagsagaba iti tunggal ut-ot iti ladingit nga inibturanda. Saan a nakurang ti ayatNa cadacuada gapu ta nagbati pay; Ngem ammoNa ti para cadacuada, para ken Lazaro, para iti Bagina, ken para cadagiti adalanNa, masapul a magun-od ti maysa a balligi.”—The Desire of Ages, p. 528.
Hueves
19 Hunio
5. SAAN A KANAYON A CAS ITI NINAMNAMATAYO. . .
a. Ania ti masapul a kanayon nga usigentayo maipapan iti ipapatay dagiti namatalec nga adipen ti Dios, aniaman ti mapasamac? Salmo 116:15. Manginagan iti ehemplo.
“Saan a naipaay ken Eliseo a sumurot iti apona iti umap-apuy a caruahe. Kencuana nga impalubos ti Apo nga umay ti agtalinaed a sakit. Bayat ti napaut nga oras ti nataoan a kinakapuy ken insagabana ti pammatina a pumetpet cadagiti kari ti Dios, ket nakitana iti aglawlawna dagiti nainlangitan a mensahero ti liwliwa ken cappia. . . . Naluom ti pammati iti agnaed a panagtalec iti Diosna, ket idi inawagan ni patay isuna, nakasagana isuna nga aginana manipud cadagiti panagbannogna.”—Prophets and Kings,263, 264529.
b. Ania dagiti pasamac a napasamac idiay Betania sacbay ti isasangpet ni Jesus—ken siasino pay ti adda idi immay Isuna? Juan 11:17–19.
“Iti panangitantanNa iti ipapanna ken Lazaro, adda panggep ni Cristo nga asi cadagidiay saan nga umawat Kencuana. Nagtactac, ta babaen iti panangpaungarNa ken Lazaro manipud ken patay, maitedNa cadagiti nasukir, di mamati a tattao ti sabali pay nga ebidensia nga Isu ti pudno a ‘panagungar, ken biag.' KaguraNa nga isardeng ti amin a namnama dagiti tattao, dagiti napanglaw, nayaw-awan a carnero ti balay ti Israel. Naburac ti pusoNa gapu iti saanda a panagbabawi. Iti asiNa pinanggepNa nga ikkan ida iti maysa pay nga ebidensia nga Isu ti Parasubli, ti Maysa a mangted iti biag ken imortalidad nga agturong iti lawag. Daytoy ket agbalinto a pammanecneca dagiti papadi a saanda a maipatarus. Daytoy ti rason ti pannakatactacNa a mapan idiay Betania. Daytoy mangbalangat a milagro, ti panangbangon ken ni Lazaro, isu ti mangikeddeng iti selio ti Dios iti trabahoNa ken iti panangtontonNa iti kinadios.”—The Desire of Ages, p. 529.
Viernes
20 Hunio
PERSONAL A PANGREPASO A SALSALUDSOD
1. Sino dagiti miembro ti pamilia ni Lazaro?
2. Apay a saan a dagus a nagtungpal ni Jesus iti kiddaw dagiti gagayyemNa?
3. Ania ti reaksion dagiti adalan iti tabas ni Cristo?
4. Kasano ti panangibilang dagiti namati ken Cristo iti ipapatay?
5. Para iti ania a panggep a pinalubosan ni Cristo a matay ni Lazaro?