Domingo
20 Abril
1. TI INTERES DAGITI TATTAO KEN NI JESUS
a. iti pannakangngeg ken pannakakitada ken Jesus a silalayang a mangasaba, ania ti sinaludsod ti sumagmamano a Judio? Juan 7:25, 26.
“Adu cadagiti dumdumngeg ken Cristo nga agnanaed idiay Jerusalem, ken saan nga ignorante cadagiti komplot dagiti agtuturay maibusor Kencuana, ti nakarikna iti bagbagida a naallukoy Kencuana babaen iti saan a mapagcedcedan a pannacabalin. Ti kommbiksion a mangipanecnec cadacuada nga Isu ti Anac ti Dios.”—The Desire of Ages, p. 457.
b. Kasano a nagtignay ni Satanas cadagiti agtuturay tapno mapapigsa ti panagduadua? Juan 7:27.
“Nakasagana ni Satanas a mangisingasing iti panagduadua; ket para iti daytoy a naisagana ti dalan cadagiti bukodda a biddut a kapanunotan maipapan iti Mesias ken ti yaayNa. Sapasap a patienda a maiyanac ni Cristo idiay Betlehem, ngem dayta kalpasan ti maysa a panawen nga agpucaw Isuna, ket iti maikadua a panagparangNa awan ti makaammo no sadino ti naggapuanna. Saan a sumagmamano ti mangibagbaga nga awan ti natural a relasion ti Mesias iti sangataoan. Ket gapu ta ti nalatac a panangipapan iti dayag ti Mesias ket saan a naragpat ni Jesus a taga Nazaret, adu ti nangipangag iti dayta a singasing, ‘Ngem daytoy a tao, ammomi no adino ti naggapuanna: ngem ti Cristo, inton umay, awanto ti macaammo no adino ti paggapuanNa.’”—Ibid.
Lunes
21 Abril
2. DAGITI NADANGCOC A PLANO NALAPDAN
a. Apaman a nabasaNa ti kapanunotan dagiti agduadua a dumdumngeg Kencuana, ania ti imbaga ni Jesus cadacuada? Juan 7:28.
“Bayat nga agngatangatada iti nagbaetan ti duadua ken pammati, innala ni Jesus ti kapanunotanda ket sinungbatanNa ida: ‘Amammodac ket ammoyo met ti naggapuac; ket saanac a naggapu caniac met laeng; ngem ti nangibaon caniac napudno, isu a dicay amammo.’ Kinunada nga ammoda no ania ti a pagtaudan ni Cristo, ngem naan-anay nga ignoranteda iti dayta. No nagbiagda coma a maitunos iti pagayatan ti Dios, naam-ammoda coma ti AnacNa idi naiparangarang cadacuada.”—The Desire of Ages, p. 457.
b. Gapu ta awananda cadagiti argumento a mangsupring ken Jesus, babaen iti ania a pamay-an nga inkagumaan dagiti panguloen dagiti Judio a pagulimeken Isuna? \<bible_source\>Juan 7:30\</bible_source\> (umuna a paset). Iti kinapudnona, apay a saanda a maaresto Isuna? Juan 7:30 (maudi a paset).
“Saan a maawatan dagiti agdengdengngeg cadagiti sasao ni Cristo. Silalawag a maulitda iti pangtonton nga inaramidNa iti imatang ti Sanedrin adu a bulan sacbayna, idi indeklaraNa ti Bagina nga Anac ti Dios. Bayat iti panangpadas dagiti agtuturay idi nga isayangcat ti ipapatayNa, casta met ita nga ikagumaanda nga alaen Isuna; ngem linapdan ida ti maysa a di makita a pannacabalin, a nangted iti pagbeddengan iti pungtotda, maangibagbaga cadacuada, Adayo pay ti papananyo, ket saanen nga umadayo.”—Ibid.
k. Kasano nga inyebkas ti adu ti pammatida ken Jesus—ken ania ti plano nga aramiden dagiti agtuturay apaman a nabigbigda ti simpatia dagiti tattao para Kencuana? Juan 7:31, 32.
“Dagiti panguloen dagiti Fariseo, a madandanagan a mangbanbantay iti panaglabas dagiti pasamac, natiliwda dagiti ekspresion ti pannakipagrikna iti tengnga ti bunggoy. Iti panagdardarasda nga immadayo nga agturong cadagiti panguloen a papadi, inlanadda dagiti planoda a mangtiliw Kencuana. Inyurnosda, nupay casta, nga alaenda Isuna inton agmaymaysa Isuna; ta saanda a maitured a tiliwen Isuna iti imatang dagiti tao.”—Ibid., pp. 457, 458.
Martes
22 Abril
3. TI AWIS
a. Iti maudi nga aldaw ti Fiesta, ania ti nagpintas nga ilustrasion ti inusar ni Jesus a mangipaay iti liwliwa cadagiti cararua a nabannog iti basol? Juan 7:37, 38.
“Ti puso nga umawat iti sao ti Dios ket saan a cas iti maysa a pagurnongan ti danum a mapucaw, saan a cas iti naburac a pagurnongan ti danum a mapukawna ti gamengna. Mayarig dayta iti waig iti bantay, a taraonan dagiti di agkupas nga ubbog, a nalamiis, rumimrimat ti danumna a maiburac cadagiti batbato, a mangpabang-ar cadagiti nabannog, cadagiti mawaw, cadagiti madagdagsenan. Casla karayan a kanayon nga agayus ken, bayat nga umab-abante, umad-adalem ken lumawlawa, agingga a maiwaras ti mangted-biag a danumna iti intero a daga. Ti karayan nga agcanta iti dalanna ibatina ti ti sagutna a berde ken kinabunga. Dagiti ruot iti igidna ket nafresko a berde, dagiti kayo addaan iti nabakbaknang a kinaberde, dagiti sabong ket adu unay. No ti daga ket malukaisan ket agkayumanggi gapu iti nakabarbara a pudot ti kalgaw, maysa a linia dagiti ruroot ti mangtanda ti dalan ti karayan.
“Casta met iti pudno nga anac ti Dios. Ti relihion ni Cristo ipanayagna ti bagina cas makapabiag, agsacnap a prinsipio, maysa a sibibiag, agtrabtrabaho, naespirituan nga enerhia. No ti puso ket mailucat iti nailangitan nga impluensia ti kinapudno ken ayat, dagitoy a prinsipio agayus manen cas cadagiti waig iti let-ang, a pakaigapuan ti panagparang ti kinabunga no sadino ita ti ayan ti kinalupes ken kinakirang.”—Prophets and Kings,233, 234vol. . ‘No mawaw ti asinoman’ iti natalna a namnama, iti pannakaispal manipud cadagiti naimbasolan a pagduyosan, kuna ni Cristo, ‘umay coma Caniac, ket uminum.’ (Juan 7:37).' The Ministry of Healing, p. 179.
b. Kasano nga ad-adda pay a maawatan daytoy nga awis? Juan 7:39.
“Indatag ni Cristo dagiti prinsipio ti kinapudno iti evangelio. Iti pannursuroNa mabalintayo ti uminum cadagiti nasin-aw nga agus nga agayus manipud iti trono ti Dios." —Testimonies for the Church, vol. 8, p. 309.
“Ti kasapulantayo ket ti sibibiag a relihion. Ti maysa nga indibidual addaan iti napadackel a konsepto iti pagrebbengan, a ti cararuana ket makisasao iti Dios ken napno iti regta para ken Cristo, ket mangipacat iti nabileg nga impluensia para iti kinaimbag. Uminum isuna iti saan a nababa, natangken, narugit a karayan, no di ket manipud iti nadalus, nangato a danum ti ubbog; ket mabalinna nga ipakaammo iti iglesia ti baro nga espiritu ken pannacabalin. Bayat nga umad-adu ti paricot manipud iti ruar, kayat ti Dios a mapabiag ti iglesiaNa babaen cadagiti sagrado, solemne a kinapudno a patienda. Ti Espiritu Santo manipud langit, makipagtrabaho cadagiti annac ti Dios a lallaki ken babbai, parmekenna dagiti lapped ken tenglenna ti nangato a disso maibusor iti cabusor. Addaan ti Dios cadagiti naindaclan a balligi a naireserba para cadagiti tattaoNa a managayat iti kinapudno, mangsalimetmet iti bilin.”—Ibid., vol. 5, p. 581.
Mierkules
23 Abril
4. SASAO NA AWAN KAPADANA
a. Cas resulta ti panangdakamat ni Cristo iti danum ti biag, ania ti inkeddeng ti adu —ken apay? Juan 7:40; (idiligyo ti Deuteronomio 18:15).
b. Nupay napaltiingan ti dadduma iti namnama babaen iti casta nga inanamaen, kasano met a nagtignay ti dadduma? Juan 7:41–44.
k. Ania a bilin ti naawat dagiti opisial manipud cadagiti agtuturayda? Juan 7:45. Apay a dida maiyeg ti bagbagida a mangtiliw ken ni Jesus? Juan 7:46.
“Iti maudi nga aldaw ti fiesta, dagiti opisial nga imbaon dagiti papadi ken agtuturay a mangtiliw ken Jesus, nagsublida nga awan Isuna. Sipupungtotda a nagsaludsod, ‘Apay a dikay inyeg Isuna?’ Buyogen ti napasnec a rupa insungbatda, ‘uray caano awan ti tao a nagsao iti cas iti daytoy a Tao.’
“Timmangken a casta iti pusoda, narunawda babaen cadagiti sasaoNa. Bayat ti panagsaoNa iti paraangan ti templo, nagbayagda iti asideg, tapno matiliwda ti maysa a banag a mabalin a maibusor Kencuana. Ngem bayat ti panagdengdengngegda, nalipatanda ti panggep a nakaibaonanda. Nagtacderda bayat a sumsumrec dagiti lallaki. Impalgac ni Cristo ti Bagina cadagiti cararuada. Nakitada ti saan a makita dagiti papadi ken agtuturay—ti sangataoan nalayus iti dayag ti kinadios.”—The Desire of Ages, p. 459.
“Inusar [ni Cristo] dagiti banbanag ti nakaparsuaan a nalatac cadacuada, tapno mailadawan ti nadiosan a kinapudno.Ti daga ti puso naisagana tapno umawat iti nasayaat a bukel. ImpariknaNa cadagiti agdengdengngeg Kencuana a dagiti interesNa naikaysa iti interesda, a ti pusoNa agpitik a makipagricna cadacuada cadagiti ragsac ken ladingitda. Maigiddato iti dayta nakitada Kencuana ti pannakaiparangarang ti pannacabalin ken kinalaing nga adayo a nangatngato ngem iti adda cadagiti idaydayawda unay a rabbida. Dagiti pannursuro ni Cristo namarkaan iti kinasimple, dignidad, ken pannacabalin a saanda pay nga ammo agingga ita, ket saanda a napupuotan nga impuccaw: ‘Awan ti tao a nagsao a cas iti daytoy a Tao.’ Dagiti tattao siraragsada a dimngeg Kencuana; ngem dagiti papadi ken agtuturay—cadagiti bagbagida a mismo ulbod iti panagtalekda cas agaywan iti kinapudno—ginurada ni Cristo gapu iti parabur a naipalgac, a nangiyadayo cadagiti bunggoy cadacuada tapno surotenda ti Silaw ti biag. Babaen ti impluensiada iti nacion a Judio, saanda a mailasin ti nadiosan a kababalinNa, inlacsidda ti Mannubbot.”—Testimonies for the Church, vol. 5, p. 747.
Hueves
24 Abril
5. MAYSA A SINSERO A MANGSAPSAPUL ITI PANAGTANGKEN
a. Kasano a tinubngar dagiti papadi ken Fariseo dagiti opisial? Juan 7:47–49.
b. Isalaysay ti saritaan a simmaruno a cadua ni Nicodemo —a mangipalgac iti idadackelna sipud idi rabii ti pannakisaritana ken Cristo iti Juan capitulo 3. Juan 7:50–52.
“Inlemmeng [ni Nicodemo] ti kinapudno iti pusona, ket iti las-ud ti tallo a tawen bassit laeng ti nabatad a bunga. Ngem nupay saan a binigbig ni Nicodemo iti publiko ni Cristo, iti consejo ti Sanedrin paulit-ulitna a binarusngi dagiti gakat dagiti papadi a mangdadael Kencuana.”—The Acts of the Apostles, p. 104.
“Ti leksion nga inted ni Cristo ken Nicodemo [iti panagbisitana iti rabii iti Juan kapitulo 3] ket saan a nagubbaw. Naikapet ti kombiksion iti panunotna, ket iti pusona inawatnan ni Jesus. Sipud daydi pannakiumanna iti Mangisalacan, sipapasnecna a sinukimat dagiti Sursurat iti Daan a Tulag, ket nakitana ti kinapudno a naikabil iti pudno a plastar ti evangelio.
“Ti saludsod a dinamagna ket nainsiriban, ket mabalin a mapadayawan coma cadagidiay mangidadaulo iti konseho no saanda nga inallilaw ti cabusor. Ngem napnoda unay iti saan nga umno a panagipato isu nga awan ti argumento a pabor ken Jesus a taga Nazaret, nupay makakombinsir, addaan dagsen cadacuada. Ti sungbat a naawat ni Nicodemo, ket, ‘Taga-Galileaca met aya? Sukimatem ket kitaem: ta awan ti tumaud a mammadto manipud Galilea.’
“Naallilaw dagiti papadi ken agtuturay, cas iti kayat ni Satanas, tapno patienda a nagtaud ni Cristo manipud Galilea. Ti sumagmamano a makaammo nga Isu ket nayanac idiay Betlehem, ti nagulimec, tapno ti kinaulbod saan a matakawan iti pannacabalin.”—The SDA Bible Commentary, vol. 5, p. 1136.
Viernes
25 Abril
PERSONAL A PANGREPASO A SALSALUDSOD
1. Apay a maawis ni Jesus ti imatang ken respeto dagiti tattao?
2. Kasano nga impinget dagiti turayen dagiti Judio ti panangpadasda a pasardengen ni Jesus?
3. Ania iti kiniddaw ni Jesus iti publico iti maudi nga aldaw ti fiesta?
4. Ilawlawag ti dackel a susic a simmaruno cas resultana.
5. No panunotec dagiti tattao nga am-ammoc, ania ti rumbeng a malagipco maipapan ken Nicodemo?