Domingo
4 Mayo
1. PANANGLAGLAGIP ITI PANAGPARSUA
a. Ania ti imparsua ti Dios iti umuna nga aldaw ti panagparsua? Genesis 1:3–5.
“Iti nangparsua a sao idi punganay, nagsilnag ti lawag manipud iti sipnget.”—The Desire of Ages, p. 464.
b. Sino ti adda idi pannakaparsua ti lubong—saan a cas maysa laeng a managpaliiw, no di ket cas aktibo a nakipaset? Genesis 1:1, 2; Juan 1:1, 2; Colosas 1:16.
“Idi punganay, ti Dios naipanayag cadagiti amin nga ar-aramid ti panamarsua. Ni Cristo ti nangiwaras cadagiti langlangit, ken nangisaad cadagiti pundasion ti daga. . . . Isuna ti nangpunno iti daga iti kinapintas, ken ti angin iti canta. Ket iti amin a banbanag ditoy daga, ken angin, ken tangatang, InsuratNa ti mensahe ti ayat ti Ama.”—The Desire of Ages, p. 20.
“Ti ima a mamagtalinaed cadagiti lubong iti law-ang, ti ima a mangtentengngel iti naurnos a pannakaurnosda ken di mabannog nga aktibidadda iti amin a banag iti intero nga universo ti Dios, isu ti ima a nailansa iti cruz para cadatayo.”—Education, p. 132.
Lunes
5 Mayo
2. SILAW IDIAY DISIERTO
a. Kasano a naibagnus dagiti annac ti Israel iti disierto? \<bible_source\>Exodo 13:21, 22\</bible_source\>. Ilawlawag ti caadda ti manglangeb a monmon ti ulep ken iti monmon nga apuy? Exodo 13:21 (umuna a paset); 1 Corinto 10:1–4.
“Iti pannakaiparangarang ti Dios iti iliNa, ti lawag ket nagbalin a simbolo ti kaaddaNa. Iti nangparsua a sao idi punganay, nagsilnag ti lawag manipud iti sipnget. Lawag ti nanglangeb iti monmon nga ulep iti aldaw ken iti monmon nga apuy iti rabii, a nangidadaulo cadagiti nakaad-adu a buyot ti Israel.”—The Desire of Ages, p. 464.
b. Ania ti naisurat maipapan iti presencia ni Cristo iti Israel idiay disierto—ken ania a salacnib ti inkari ti Dios cadagiti tattaoNa? Salmo 105:39; Isaias 4:5, 6.
“Iti maysa cadagiti kapintasan ken makaliwliwa a paset ti padto ni Isaias, maipapan iti monmon nga ulep ken apuy a mangibagi iti panangaywan ti Dios iti iliNa iti dackel a maudi a pannakidangadang cadagiti pannacabalin ti kinadakes.”—Patriarchs and Prophets,283464.
k. Kasano nga impanayag ni Cristo ti Bagina idiay Sinai—ken kasano a nagtignay da Moises ken cadagiti tattao? Exodo 19:16–18; 20:18, 19; Hebreo 12:21.
“‘Ti dayag ni Jehova ket casla mangtalipopos nga apuy iti tuktok ti bantay’ iti imatang dagiti naguummong nga adu a tattao. . . . Nakaam-amac unay dagiti pagilasinan ti presencia ni Jehova isu a namagkintayeg iti buyot ti Israel gapu iti buteng, ket nagrucbabda iti sango ni Jehova.”—Patriarchs and Prophets,304464.
“Nakadaydayag unay ti pannakaipanayag ti presencia [ni Cristo] isu a saan a maandoran ti mortal a tao. Ni Moises, a pinaraburan unay ti Dios, ket impuccawna, ‘Makigtotac unay ken agtaytayegtegac;’ (Hebreo 12:21). Ngem pinabileg ti Dios isuna a mangibtur iti daytoy naindaclan a dayag, ken tapno maiyeg manipud iti bantay ti maysa a naiyanninaw iti rupana tapno saan a kumiita a sititibker dagiti tattao iti dayta.”—Sons and Daughters of God, p. 225.
Martes
6 Mayo
3. SILAW ITI PAGNANAEDAN TI DIOS
a. Kasano nga ipanayag ni Cristo ti presenciaNa iti uneg ti tabernaculo? Exodo 40:34, 35.
“Buyogen ti magagaran nga interes dagiti adu a tattao ti Israel a nagdudupudop iti aglawlaw tapno kumita ti sagrado nga estruktura. Bayat nga ut-utobenda ti eksena buyogen ti nadayaw a pannakapnec, ti monmon nga ulep ket nagtalinaed iti rabaw ti santuario ken, bumaba, a nangbalcot iti dayta. ‘Ket ti dayag ti Apo pinunnona ti tabernaculo.’ Adda pannakaipanayag ti Nadiosan a Kinadayag, ket iti sumagmamano a tiempo saan a makastrec ni Moises. Buyogen ti nauneg nga emosion nakita dagiti tattao ti pagilasinan a naawat ti trabaho dagiti imada. Awan dagiti napigsa a demostrasion ti panagrag-o. Maysa a solemne a siddaaw ti adda iti amin. Ngem ti ragsac ti pusoda ti nangpatubbog iti lulua ti rag-o, ket indayengdengda ti napasnec a sasao ti panagyaman a ti Dios ket nagpabos-oy nga agtaeng cadacuada.”—Patriarchs and Prophets,349, 350464.
“Iti ngato ti tugaw ti asi adda ti Shekina, ti pannakaiparangarang ti nadiosan a Presencia; ket manipud iti nagbaetan dagiti querubin, impakaammo ti Dios ti pagayatanNa. Dagiti nadiosan a mensahe ket maipakaammo no dadduma iti nangato a padi babaen ti timec manipud iti ulep. No dadduma adda lawag a matnag iti angel iti kannawan, tapno ipasimudaagna ti pannakaanamong wenno panangawat, wenno ti anniniwan wenno ulep ti adda iti kannigid tapno maipanayag ti saan a pannakaanamong wenno pannakarejectar.”—Ibid.
b. Ania ti napasamac idi agangay, idi naidedicar ti templo? 2 Cronicas 7:1.
“Naaramid ti maysa a nakangayngayed unay a santuario, sigun iti modelo a naipakita ken Moises iti bantay, ken kalpasanna impresentar ni Jehova ken ni David. Ti naindagaan a santuario ket naaramid a cas iti nailangitan. Malacsid cadagiti querubin iti ngatoen ti lacasa, nangaramid pay ni Solomon iti dua pay nga angel a dacdackel, a nakatacder iti tunggal maysa nga ungto ti lacasa, a mangibagi cadagiti nailangitan nga angel a kanayon a mangbanbantay iti linteg ti Dios. Imposible a mailadawan ti kinapintas ken kinadayag daytoy a tabernaculo. Sadiay, cas iti tabernaculo, ti sagrado a lacasa nga awiten iti nasolemne, naraem nga urnos, ken maisaad iti lugarna iti baba dagiti payac ti dua a nangayed a querubin a nagtacder iti suelo.
“Ti sagrado a koro pinagkaykaysada ti timecda, a buyogan iti amin a kita ti instrumento ti musica, a mangdayidayaw iti Dios. Ket bayat nga agtutunos dagiti timec, kabulon dagiti instrumento ti musica, nagallangogan iti templo, ken nailuyos iti tangatang iti intero a Jerusalem, ti ulep ti dayag ti Dios ti nangtagicua iti balay, cas iti dati a nangpunno iti tabernaculo. ‘Ket napasamac, idi rimmuar dagiti papadi iti nasantoan adisso, ti ulep pinunnona ti balay ni Jehova, tapno saan a madaeran dagiti papadi tapno agservi gapu iti ulep, ta ti dayag ti Apo pinunnoNa ti balay ni Jehova' (1 Ar-ari 8:11).”—Spiritual Gifts, vol. 4a, pp. 113, 114.
Mierkules
7 Mayo
4. TI SILAW TI EVANGELIO
a. Ania a mensahe ni Cristo iti Juan 8:12 ti mangisangbay cadatayo iti naindaclan a namnama?
“Saan a dagiti eskolar ti teollohia ti addaan iti pannakaawat iti daytoy a kinapudno, ken nakiraman iti pannakaiwaragawagna. No dagitoy ket namatalec coma a parabantay, a sipipinget ken sicacararag a mangsukimat cadagiti nasantoan a Sursurat, ammoda coma ti panawen ti rabii; dagiti padto coma ti nangilucat cadacuada cadagiti pasamac nga asidegen a mapasamac. Ngem dida sinakup daytoy a saad, ket ti mensahe, inted dagiti napakumbaba a tattao. . . . Dagidiay a tumallicod nga umadayo iti lawag nga inted ti Dios, wenno mangbaybay-a a mangsapul iti dayta nupay adda magaw-atda, mabatindanto iti sipnget.”—The Great Controversy p. 312.
“Inaramid ti Apo ti tunggal sagana tapno maaddaantayo iti nabacnang, nawadwad, naragsac a kapadasan. Insurat ni Juan ti maipapan ken Cristo, a cuncunana, ‘Adda idi kencuana ti biag, ket ti biag isu idi ti silaw dagiti tao.’ Juan 1:4. Ti biag ket nainaig iti silaw, ket no awan ti lawagtayo manipud iti Init ti Kinalinteg, awanantayo iti biag Kencuana. Ngem daytoy a silaw ket naited para iti tunggal cararua, ket bayat laeng nga umatrastayo manipud iti lawag nga umay cadatayo ti sipnget. [Juan 8:12 Naadaw.] Ti lubong iti aglawlawtayo awananto ti biag no awan ti lawag. No ti init ikkatenna ti raniagna, amin a mulmula, amin a biag ti animal, ket agpatingga. Iladawan daytoy ti kinapudno a saantayo a maaddaan iti naespirituan a biag malacsid no isaadtayo ti bagitayo iti babaen ti raya ti Init ti Kinalinteg. No ikabiltayo ti agsabsabong a mula iti nasipnget a siled, iti mabiit aglaylay ken matay dayta; casta met ngarud a maaddaantayo iti sumagmamano a naespirituan a biag, ngem mapucawtayo dayta babaen ti panagtaengtayo iti law-ang ti panagduadua ken kinalidem.”—Sons and Daughters of God, p. 281.
b. Ania a talged ti sumangbay cadatayo bayat ti panagsublitayo ken Cristo? 2 Corinto 3:18.
“Cas ti maysa a sabong a sumango iti init tapno dagiti naraniag a rayana ket makatulong iti panangperpecto iti kinapintas ken biskedna, casta met cadagiti pasurot ni Cristo nga agsubli iti Init ti Kinalinteg, tapno agsilnag ti silaw ti langit cadacuada, a mangperpecto iti kababalinda, ken mangted cadacuada iti nauneg ken agtaeng a kapadasan cadagiti banbanag ti Dios. Iti labes ti pannacabalintayo a manginaw cadagiti bendision a maiyeg iti magaw-attayo babaen ken Cristo, no mapagkaykaysatayo ti nataoan a panagreggettayo iti nadiosan a parabur.”—Ibid., p. 26.
“Siasinoman ti addaan iti napamaysa a panggep a mangsapsapul a mangaramid iti pagayatan ti Dios, a sipapasnec a mangipangag iti lawag a naiteden, ket umawatto iti nain-indaclan a lawag; Iti dayta a cararua sumagmamano a bituen ti nailangitan a kinaraniag ti maibaon a mangibagnus kencuana iti amin a kinapudno.”—The Great Controversy p. 312.
Hueves
8 Mayo
5. AGSILSILNAG ITI PUSOTAYO
a. Kasano a maitag-aytayo babaen iti panangdacamat ni Pablo iti Silaw ti lubong? 2 Corinto 4:6.
“Dagiti coma nagloriaan a konsepto ti Dios ti mangtagicua iti panunotyo. Bay-anyo ti biagyo a maisinggalut cadagiti nailemmeng a silpo iti biag ni Jesus. Isuna a nangibilin iti silaw nga agsilnag iti sipnget ket situtuloc nga agsilnag iti pusoyo, tapno maitedna ti lawag ti pannakaammo iti dayag ti Dios iti sango ni Jesu-Cristo. Alaento ti Espiritu Santo dagiti banbanag ti Dios ken ipakitana ida cadacayo, ipaawatna ida cas maysa a sibibiag a pannacabalin iti natulnog a puso. Iturongnacayo ni Cristo iti ruangan ti Awan Patinggana. Mabalin nga imutectecan ti dayag iti labes ti belo, ken ipanayagyo cadagiti tattao ti kinaan-anayNa nga agnanayon nga agbiag a mangibabaet para cadatayo.”—Christ’s Object Lessons, p. 149.
“Ti pannakaiparangarang ti bucodNa a dayag iti porma ti sangataoan isangbayna ti langit iti asideg unay dagiti tattao tapno ti kinapintas a mangarcos iti makin-uneg a templo ket makitanto iti tunggal cararua a pagnanaedan ti Mangisalacan. Maallukoyto dagiti tattao iti dayag ti makipagnaed a Cristo. Ket cadagiti ayus ti pammadayaw ken panagyaman manipud cadagiti adu a cararua a naipangabac iti Dios, ti dayag ket agayus nga agsubli iti naindaclan a Nangited.
“‘Tumacderca, agraniagca; ta ti lawagmo umay, ket ti dayag ni Jehova lumgac kenca.’ Isaiah 60:1. Dadagidiay rummuar a sumabat iti novio ket naited daytoy a mensahe. Umay ni Cristo a buyogen iti pannacabalin ken naindaclan a dayag. Umay Isuna nga addaan iti bucodNa a dayag ken cadua ti dayag ti Ama. Umay Isuna a cuyogen dagiti amin a nasantoan nga angel. Cabayatatan a mailumlom amin a lubong iti sipnget, addanto lawag iti tunggal pagtaengan dagiti sasanto. Magammatandanto ti umuna a lawag ti maikadua a panagparangNa. Ti awan tulawna a lawag agraniagto manipud iti kinadayagNa, ket ni Cristo a Mannubbot daydayawento dagiti amin a nagservi Kencuana. Idinto nga agtalaw dagiti nadangkes manipud iti presenciaNa, agrag-o met dagiti pasurot ni Cristo.”—Ibid., pp. 420, 421.
Viernes
9 Mayo
PERSONAL A PANGREPASO A SALSALUDSOD
1. Kasano nga isuro ti Biblia ti Kinadios iti trabaho ti panagparsua?
2. Iladawan no kasano nga impanayag ni Jesus ti Bagina iti iliNa idiay let-ang.
3. Kasano a ti lawag ni Cristo agsilnag iti tabernaculo ken templo?
4. Iladawan no kasano nga impanayag ni Jesus ti Bagina iti pannakaidedicar ti templo.
5. Kasano nga ipalgac ni Cristo ti Bagina cadatayo ken babaen cadatayo?