Domingo
27 Abril
1. MAYSA A SILO PARA KEN JESUS
a. Bayat ti panangisuro ni Jesus idiay templo, ania ti inaramid dagiti escriba ken Fariseo? Juan 8:2–3.
“Di nagbayag, nasinga [ni Cristo]. Maysa a grupo dagiti Fariseo ken escriba ti immasideg Kencuana, a guyod-guyodda ti maysa a babai a mabutbuteng, cadagiti natangken, magagaran a timec inakusaranda a nagsalungasing iti maikapito a bilin.”—The Desire of Ages, p. 460.
b. Ipacpakitada ti nabatad a panagraem iti linteg, ania a saludsod ti dinamag dagiti Fariseo ken Cristo —ken ania ti pudno a panggepda? Juan 8:4–6 (umuna a paset).
“Ti pammarang a panagraemda ti nangabbong iti nauneg a panggep para iti pannakadadaelNa. Ginammatanda daytoy a gundaway tapno masigurado ti pannakacondenarNa, impagarupda nga aniaman a pangngeddeng a mabalin nga aramidenNa, makasaracda iti gundaway a mangakusar Kencuana. No absueltoenNa ti babai, mabalin a mapabasol Isuna a mangumsi iti linteg ni Moises. No ideklaranN a maikari iti ipapatay, mabalin a mapabasol cadagiti Romano cas maysa a mangal-ala iti turay a cucuada laeng.”—Ibid., pp. 460, 461.
Lunes
28 Abril
2. TI PUDNO A LADAWAN NALUCAISAN
a. Kasano a sinungbatan ni Jesus ti kinaulbod dagiti Fariseo? Juan 8:6 (maudi a paset).
“Kimmita ni Jesus iti apagbiit ti eksena —ti agpigpigerger a biktima iti bainna, dagiti natangken ti rupana a dignitario, nga awanan iti nataoan nga asi. Ti espirituNa a di aglati iti kinadalus bimmassit manipud iti pabuya. AmmoNa no ania ti panggep daytoy a kaso a naiyeg Kencuana. BinasaNa ti puso, ken ammoNa ti ugali ken pakasaritaan ti biag ti tunggal maysa iti imatangNa. Dagitoy a parabantay coma iti hustisia isuda a mismo ti nangiturong iti biktimada iti basol, tapno makaisaadda ti silo para ken Jesus. Gapu ta awan ti intedNa a pagilasinan a nangngegNa ti saludsodda, nagrukob, ket inturongNa dagiti matana iti daga, rinugianNa ti nagsurat iti tapoc.”—The Desire of Ages, p. 461.
b. Kasano nga impakita ni Jesus a dagiti mangac-acusar ket saan nga awanan iti basol —ken ania ngaruden ti inaramidda? Juan 8:7–9.
“Naabac dagiti mangac-acusar. Ita, ti cawesda a pammarang a kinasanto napigis manipud cadacuada, nagtacderda, nakabasol ken nacondenar, iti sangoanan ti Awan-Patinggana a Kinadalus. Nagpigergerda di la ket ta mailucat iti adu a tattao ti nailemmeng a kinadakes ti biagda; ket saggaysa, buyogen dagiti nakadumog nga ulo ken nababa a mata, nagtalawda, a binaybay-andan ti biktimada iti ayan ti naasi a Mangisalacan.”—Ibid.
k. Iti pangkaaduan, ania ti rumbeng a masursurotayo amin manipud cadagiti sasao ni Jesus cadagiti mangac-acusar? Lucas 6:42.
“Adda dagidiay saan a natangkenan ti tarigagayda a mangreporma cadagiti bambanag nga agparang cadacuada a casla biddut. Ipagarupda a rumbeng a mapilida a mangsukat cadagiti nagbiddut. Tagibassitenda no ania ti naaramid dagitoy a trabahador bayat a ti dadduma kumitkitada ken mangbabalawda. Babaen cadagiti aramidda cunada: ‘Maaramidco dagiti naindaclan a bambanag. Maisayangcatco a sibaballigi ti trabaho.’ Cadagidiay mangipagarup nga ammoda unay no kasano a liclican dagiti biddut, nabilinac a mangibaga: ‘Dicay agipato tapno dicayo maipato.’ Mateo 7:1. Mabalin a maliclicam dagiti biddut iti dadduma a punto, ngem iti dadduma a banag makaaramidca cadagiti nakaro a biddut, a narigat unay a remedioan ken mangyeg iti pannakariro iti trabaho. dagitoy a biddut mabalin a makaaramid iti ad-adu a pagdaksan ngem cadagidiay inaramid dagiti cacabsatmo.”—Testimonies for the Church, vol. 7, p. 279.
Martes
29 Abril
3. MAYSA A SAAN A NINAMNAMA A TIGNAY
a. Ania a saludsod ti dinamag ni Jesus iti babai calpasan ti ipapanaw dagiti mangac-acusar kencuana —ken kasano a naapektaran ti biag ti babai iti wagasNa a nangtaming iti kasasaad? Juan 8:10, 11.
“Ti babai nagtacder iti sangoanan ni Jesus, a nagkullayaw gapu iti buteng. Dagiti saoNa, ‘Ti awan basolna cadacayo, umuna a mangibacal coma ti bato kencuana,’ ket dimteng kencuana cas sentensia nga ipapatay. Saanna a naitured nga intag-ay dagiti matana iti rupa ti Mangisalacan, no di ket siuulimecna nga inur-uray ti pannakadadaelna. Iti siddaawna nakitana dagiti mangac-acusar kencuana a pimmanaw nga awan saoda ken nariribocan, ket nangngegna dagiti sasao ti namnama, ‘Uray siac saanca a dusaen: incan ket manipud ita dica agbasolen.’ Narunaw ti pusona, ket, impadsona ti bagina iti sakaanan ni Jesus, insangitna ti managyaman nga ayatna ket buyogen ti napait a lua impudnona dagiti basolna.
“Kencuana daytoy ti pangrugian ti baro a biag, biag a nadalus ken natalna, a naipamaysa iti Dios. Iti pannakaitag-ay daytoy natnag a cararua, nangaramid ni Jesus iti dacdackel a milagro ngem iti panangagasNa iti kakaruan a pisikal a sakit; InagasanNa ti naespirituan a sakit nga agingga ken patay nga agnanayon. Daytoy a nagbabawi a babai nagbalin a maysa cadagiti natibker a pasurotNa. Buyogen ti mangsacrificio iti bagina nga ayat ken debosion impakitana ti panagyamanna iti mamakawan nga asiNa. Para iti daytoy nagbiddut a babai, ti lubong ket addaan laeng iti pangumsi ken panglais, ngem ti Maysa nga Awanan Basol naasian iti kinakapuyna ket impaayNa kencuana ti tulong. Idinto a binabalaw dagiti managinsisingpet a Fariseo, imbilin ni Jesus kencuana, ‘Inca, ket saancan nga agbasol.’ ”—The Ministry of Healing, p. 89.
“Iti tignayNa a nangpakawan iti daytoy a babai ken panangparegta kencuana nga agbiag iti nasaysayaat a biag, ti kababalin ni Jesus nagraniag iti kinapintas ti naan-anay a kinalinteg. Idinto a saanNa a pabassiten ti basol, wenno kissayan ti rikna ti pannakabasol, inkagumaanNa ti saan a mangcondenar, no di ket mangisalacan. Panangumsi ken pananglais laeng ti adda iti lubong para iti daytoy nagbiddut a babai; ngem ni Jesus agsao cadagiti sasao ti liwliwa ken namnama.”—The Desire of Ages, p. 462.
b. Iladawan ti epekto ti mangisalacan a parabur ni Cristo. Lucas 7:37–40, 47, 48.
“Ammo ni Jesus ti kasasaad ti tunggal cararua. No dacdackel ti basol ti managbasol, ad-adda a kasapulanna ti Mangisalacan. Ti pusoNa a nadiosan nga ayat ken simpatia ket iruarna amin para iti daydiay awanan unay iti namnama a naigalut cadagiti silo ti cabusor. Babaen ti bukodNa a dara PinirmaanNa dagiti papeles ti pannakawayawaya ti puli.”—The Ministry of Healing, pp. 89, 90.
Mierkules
30 Abril
4. LIWLIWA NAIWARAS ITI SABALI A DAGA
a. Ania ti mangilasin iti ugalitayo, nangnangruna no mainaig iti sabsabali — ken kasano laeng a posible daytoy? 2 Corinto 1:3–5.
“Dagiti sirkumstansia bassit laeng ti pakainaiganda cadagiti kapadasan ti cararua. Ti Espiritu nga ipatpateg ti mangted iti pangkolor cadagiti amin nga aramidtayo. Ti tao a nakicappia iti Dios ken cadagiti padana a tattao ket saan a mapagbalin a nakalkaldaang. Awan ti apal iti pusona; Ti dakes a panagipapan dinto makasarac iti pagianan sadiay; Saan a mapaadda ti gura. Ti puso a maitunos iti Dios ket maipangato iti ngatoen dagiti makaririboc ken pannuboc iti daytoy a biag.”—Testimonies for the Church, vol. 5, p. 488.
“Babaen iti panagsagaba a nagun-od ni Jesus ti ministerio ti liwliwa. ‘Iti amin a ladingit ti sangataoan, Isu napaladingit, gapu iti panagsagabaNa met laeng iti pannacasulisog, mabalinNa a badangan dagiti masulisog.’ Isaias 63:9; Hebreo 2:18. Iti daytoy a ministerio tunggal cararua a simrec a makikadua cadagiti panagsagabaNa ket naparaburan a makiraman.”—Thoughts From the Mount of Blessing, p. 13.
b. Iladawan ti naidumduma a namnama ken pribilehio nga adda cadatayo iti panangsurot cadagiti addang ni Cristo. 2 Corinto 1:6, 7.
“No saanyo a marikna a maysa a dayaw ti agbalin a makipaset cadagiti panagsagaba ni Cristo; No awan ti mariknam a dadagsen ti cararua para cadagidiay nakasagana a mapucaw; No saanca a naannugot nga agsacrificio tapno maisalacanmo dagiti pamay-an para iti trabaho a masapul a maaramid, awanto ti lugar para kenca iti pagarian ti Dios. Masapul a makipasettayo ken Cristo iti panagsagabaNa ken panangilibacNa iti Bagina iti tunggal addang.”—Testimonies for the Church, vol. 9, pp. 103, 104.
k. Iladawan ti galad a kasapulan unay cadagiti mamati iti mensahe dagiti tallo nga angel. 1 Corinto 13:13, 4–8.
“Dagiti galad a kasapulan unay nga ipateg dagiti tattao a mangsalimetmet iti bilin ti Dios ket kinaanus ken nabayag a panagsagaba, cappia ken ayat. No awan ti ayat, agtultuloy ti saan a mabapasubli a pucaw.”—Ibid., vol. 6, pp. 398, 399.
Hueves
1 Mayo
5. NADUNGNGO A PANNAKAISUBLI
a. Kasano nga agtignay dagiti pudno a mamati no ti maysa a Cristiano matnag iti basol— maisupadi iti masansan nga ar-aramiden dagiti ulbod ti pusona a mamati? Galacia 6:1–3; Roma 15:1–3.
“Laglagipenyo a ti trabaho a panagisubli ti agbalin a dadagsentayo. Daytoy a trabaho ket saan a maaramid iti natangsit, mannakibiang, nasigo a pamay-an. Dimo kunaen, babaen ti wagasmo, ‘Addaanac iti pannacabalin, ket usarecto dayta,’ ket ibuyat dagiti pammabasol iti agbidbiddut. Aramidenyo ti panagisubli ‘iti espiritu ti kinatacneng, a kitaem ti bagim: di la ket ta masulisogca met.’ Ti trabaho a naisaad iti sangoanantayo nga aramiden para cadagiti cacabsattayo ket saan a panangiwalin cadacuada, saan nga iduron ida iti pannakaupay wenno pannakauppapay babaen ti panangibaga: ‘Inupaynac, ket diacton padasen a tulonganca.’ Isu a mangitag-ay iti bagina cas napno iti sirib ken pigsa, ken mangibaba iti maysa a maidadanes ken mariribukan ken agtarigagay iti tulong, iparangarangna ti espiritu ti Fariseo, ket bungonenna ti bagina iti cawes ti bukodna a binukel a dignidad. Iti espirituna agyaman iti Dios ta saan isuna a cas iti dadduma a tattao, ken ipagarupna a ti aramidna ket maidaydayaw ken isu ket napigsa unay a masulisog. Ngem ‘no ti maysa a tao panunutenna nga isu adda pategna, idinto nga awan, allilawenna ti bagina.' Versiculo 3.”—Testimonies for the Church, vol. 6, p. 398.
“Saan a ti pasurot ni Cristo ti tao, a buyogen dagiti lumiclic a mata, agbaw-ing manipud cadagiti agkamali, a panawanna ida a di malapdan a mangsurot iti agpababa a danada. Dagidiay nadarasodos a mangpabasol iti sabali, ken naregta a mangidatag cadacuada iti hustisia, masansan nga iti bukodda a biag ket ad-adda a nakabasolda ngem cadacuada. Cagura dagiti tattao ti managbasol, idinto nga ay-ayatenda ti basol. Cagura ni Cristo ti basol, ngem ay-ayatenNa ti managbasol. Daytoyto ti espiritu dagiti amin a sumurot Kencuana. Ti Nacristianoan nga ayat ket nainayad a mangbabalaw, alisto a mangilasin iti panagbabawi, sisasagana a mamacawan, mangparegta, mangisubli iti nayaw-awan iti dana ti kinasanto, ken mamagtalinaed cadagiti sakana iti dayta.”—The Desire of Ages, p. 462.
Viernes
2 Mayo
PERSONAL A PANGREPASO A SALSALUDSOD
1. Ilawlawag ti silo nga insagana dagiti escriba ken Fariseo para ken Jesus.
2. Kasano nga impakita dagiti managinsisingpet a Judio ti nabatad a panagraemda iti linteg?
3. Ania ti napilitan nga inaclon dagiti mangac-acusar a Judio maipapan iti bagida?
4. Iladawan ti namnama a naipaay ti agbidbidduti a babai a namaltrato.
5. Kasano nga ad-adda nga agbalinac a cas ken Jesus no makilangen cadagiti agbidbiddut a cararua?