Umuna a Pangsabado a Daton
para iti Dua a Capilia idiay Tamil Nadu, India
Ipamatmat dagiti ebidensia ti arkeolohica nga idi pay laeng 2600 b.c. Ti urbanisado a sibilisasyon ti Indus nagnaedda iti continente ti India. Ti kangrunaan a narelihionan nga impluensia ditoy ket nabayagen a Hinduismo (79.8%), a sinaruno ti Islam (14.2%), Cristianidad (2.3%), Sikhismo (1.7%), ken dadduma pay. Bayat nga adda dagiti report maipapan iti sumagmamano a pannakilangen iti SDA Reform Movement manipud idi 1920’s ken 1950’s, idi 1987 a ti North India ket immuna a nairepresenta nga opisial iti SDARM General Conference delegation session.
Ti kaabagatanan nga estado idiay India—ti Tamil Nadu—ket maibilang a kapigsaan iti industria ken agrikultura. Ti trabaho ti Apo ket naipasdec ditoy iti adu a tawen, ngem agserservi iti nalawa a populasion a nasurok a 72 a milion iti daytoy nga estado, kasapulan ti nalawlawa a panangidanon.
Segun iti sensus ti India idi 2001, ti purok ti Pattiveeranpatti ket addaan iti populasion a 7,744. Ti promedio a kaadu ti panagbasa ken panagsuratna ket 83%, nangatngato ngem ti nailian a promedio a 59.5% (paborable para iti literatura).
Ti kangrunaan a pagtaudan ti pagbiag ditoy ket ti kape, a sarunoen ti saba, kahel, cardamom, sili, ken dadduma pay a rekado. Ti Pallapatti ket maysa a nalawa a puroc nga addaan iti populasion a 13,701.
Manipud idi 1998, ti di mabannog a trabaho ti maysa nga evangelista manipud Periyaklam ket nakatulong a nangpaadu iti bilang dagiti miembro ti simbaan nangruna cadagitoy dua a lugar. Nadumaduma a karit ti namagbalin a narigat unay ti agbiag cadagiti maabangan a balbalay, isu nga iti daytoy a tukad, dagiti cacabsat cadagiti puroc ti Pattiveeranpatti ken Pallapatti agkasapulanda iti bukodda a lugar a pagdaydayawan.
Ti espiritu ti padto ket espesipico a nangdakamat iti India cas maysa a lugar a sadiay “minilmilion ti pulos a saan unay a nakangngeg iti maipapan ti Dios wenno ti ayatNa a naipanayag ken Cristo. Karbenganda nga awaten daytoy a pannakaammo. Adda agpapada a pangtonton cadacami iti asi ti Mangisalacan.”—Education, p. 263.
Gapuna a siraraemkami nga agkiddaw cadagiti cacabsatmi iti sangalubongan nga idatonyo ti naparabur a suportayo tapno mabangon dagiti parola para iti Apo nga agsilnag ditoy. “Gapu iti trabaho a panangitandudo cadagiti bilin ti Dios ken panangtarimaan iti gutbaw a naaramid iti Linteg ti Dios, masapul nga iramantayo ti asi para iti agsagsagaba iti sangataoan. Masapul nga ipakitatayo ti katan-ocan nga ayat iti Dios; Masapul nga itag-aytayo ti pakalaglagipanNa.”—Welfare Ministry, p. 32. Thank you, and may the Lord bless the gifts and givers!
Dagiti cacabsatyo manipud Pattiveeranpatti and Pallapatti