TA BILA
Naha mani yawan staditakan kabia kati yumhpa bani Gaspel sturka yamni Jan ulbanka. Jan witin mayunra briaia apia dukiara aininaba mankraskan naha ulbankara, Jisas disaipilka kum bakusin aisaras witin palisika pastaura Jisas nina blikanba. Jan1:37. Witin aisisa ‘disaipil wala’, ‘baha disaipilka’, disaipilka Jisas mita latwan kanba’, an disaipilkum Jisas wedniska aisiba’. Jan 18:15;19:26; 21:20,23,34. Jan, witin sika naha Gaspelka Sturka ulban sakuna ai ninaba yukukisa kan minit kumirasin brindaukras aimayunra briaia.
Wan lakra Ellen G. White ai ulbankara aisisa Gaspel Sturka Jan ulbankaba lika apastel Jan ulban, ‘Disaipilkum Jisas mita latwankanba’. Naha Jan ka Pita an Jems yumhpa sika il purara Jisas mawan ingni takan pyuara barakan kau waihla mihtara kauhraskan kainara. Jan raiakaba lika kler kaikisa nahki Spirit Holikira karnika mita witinra chens munanba ‘Alwani Luhpia’ wina Jisas luhpia takan.
Jan, witin Jisas ra alkan sin wain tnawa dusara iwiba baku. Jisas dukiara pruaiakatsin wilinkan, disaipil sut tilawina witin baman dusprigni minara wankata. Jisas raitiwina buan titankara witin kau karna plapiwan Pita ra sin wenmunan.
"Jan, nahki airaiaka aiska Dawan mihtara aimakanba aidaukanka, aiwapanka nanisutra yawan kaikisa lisan painkira kum Dawan sertska membarska kumi bani lantakaia nitba. Ao, taura lika Jan ai swapnika nani ailal brikan yawan kumi bani baku. Sakuna Spirit Holikira mita witinra waikna raia paskan. Taura prautkira, tara papulra, uba sipkira, tasba dukia lalihkra kataba nanara baha nani sut swin an Jisas wal talia takan. Jan an aimuihni Jems walra nina makikan ‘Alwani Luhpia’. Kan aidaukanka saura brikan, panamunaia laka brikan, nina aisanka an ban diara walasin. Jisas ra balan pyuara latwan lakawal Jan swapnika naniba tawa tawa Jisas mita wapnira manki brihwan. Lan daukan holi lakara iwaiaba"— The Acts of the Apostles, pp. 539, 540.
Baibil sturka ulbanka bukka nani mita aisisa Gaspel Sturka yamni Jan ulbanba lika witin pali mita ulban Jisas hevenra wan ninkara 90 mani luankan pyuara. Witinra ikaia traikaikan lat lukwikanra dinkan sakuna pruraskan. Baninkara patmus kikara lulkan bahara Param marikan bukka ulban.
Dawan Spiritka tambribia naha kati yumhpara stadi takaia.
Sabat Skul warkka dadaukra afiska lalka wina
