Sandi
Kuswa kati, 16
1. JISAS SIKAR RA
a. Jisas an aidisaipilka aikuki Galalira auyakan pyuara anira takaskan? Jan 4:5, 6.
"Jisas liwanhta purara iwikan pyuara, witin plun pindaukikan an lidiransin daukikan. Yabal wapanba wihkakan titanwina ban dinarkat. Lî kaikan taim kau lidin daukan, sakuna witin aimihtara diara apukan li sakaia an liwanhtaba paknikan. Upla yawan bakuwitin trabil brikan, bara minitkum iwan ya uplika bal li sakbia kakara li makabaia dukiara."— The Desire of Ages, p. 183.
b. Yâ uplika liwanhtara balan, Jisas dia makaban, dia yawan bahawina lantakisa? Juan 4:7.
"Jû an Samaritan uplika naniwal lika pana pana misbara kaikikan baha taka mairka mita Jisas ra li yabraskan; sakuna Jisas ailatwankawal traikaikan mairka kupiara kanbaia witinra makaban, sipkan mairka apia wiaia, sakuna uba sturi swapni an latwan wal aisanbara mairkawal aisan. Tasba aiska paskan Dawan ka karnakira an sinskira pali, li karma, li aubra, tingni, awala, kabu tara sut paskan Dawan ka mita mairin kumra li makaban. Bahasut balika upla swaki sakaia dukiara wan tnatkara balan yawan diana baku trabil ailal brin an patran painkira kum wanmarikan."— Ibíd., pág. 184.
Mundi
Kuswa kati, 17
2. LI SATWALA
a. Nahki Jisas winanka daukan Samaritan mairkara swaki sakan laka bribia dukiara? Jan 4:10.
"Jisas lî dukiara aisanba lika ai tingkika laka, ai Spiritka an aismalkanka wan solkara dasna daukiba. Lî sat wala upla dibiasa kaka sip satispais bribia apia. Sakuna Dawan bila kasakba lika sin li karma kum baku bakia baha lika prakanka daukan kata Libano tingnika layawal. Jisas raiakara lilia bankaiaba upla sipsa sakaia."— Testimonies to Ministers, p. 390.
b. Jisas winankara mairka dia daukan? Jan 4:11, 12.
"Jisas aisankara Samaritan mairka aitanka briraskan, witin lukikan Jisas liwanhtara aimawanra ba dukiara aisisa."— The Spirit of Prophecy, vol. 2, pp. 140, 141.
c. Jisas nahki lî difrantka daukan, nahki yawanra sin blisin wankisa? Jan 4:13, 14; Param marikan 22:17
"Jisas ra yawan kaikaiasa ailatwankaba wankupiara banbrikaia baku lika sipkabia witin aitalika takaia. Kau witinwal kakaira takaia, bilakaikaia an sibrin briaia apia. Bahasika Jisas wantkan samaritan mairka aitanka bribia. Jisas wisata: ‘Man Dawan presantka nusmasa kaka, an yâ manwal aisi mamkabina: aik li diaia; kauni lika man mita makama, an witin mita maikbia raiaka laya. Yang mita li yabamna uplikaba witin klisin diran daukbia apia witin airaiakara li karma kum baku bankabia an raia bankabia. Baku lika Dawan mawan ingnikaba yu banira bankaia an lanwandaukbia bawan laka an tingki wiaia lakabasin. Sibrin laka naniba sut siahwi tikan kabia an Jisas daukankaba wina yawan lantakbia: Holi, kasak, wapni an klin lakara iwikaia pyua banira."— Testimonies to Ministers, p. 226.
Tiusdi
Kuswa kati, 18
3. RAYAKAIA LAIA
a. Samaritan mairka nahki sip aitanka briraskan Jisas aisankara? Jan 4:15.
"Dawan tingkika lakaba witin baman sipsa wankaia sin li klin, raia an wan solkara karnika yabiba.
"Jisas aisaraskan li raiaba dis tah munbiaba walbaman aitani kabia ya bribia nanira. Dawan latwanka daminika kaikbia naniba kau an kau want kabia; diara wala kumisin plikbia apia. Naha tasba mita kulkanka yabiba, tasba lilia, an tasba kukanka nanisutba bahki kulkisa. Wan kupiaba yu bani brindaukisa Dawan mawan ingnikara iwikaia. Wan solka nitka nuba lika wanbila kaikisa wan diranka an plunpin baku kasakka laka brin wandaukiba wankaia. Tasba laya nani sipkabia danh taki an lawaia; sakuna ya Jisas nina blikiba lika li karmakum ban brikabia. Bankaia laya karmawina lika sipsa yu banira bahawina dikaia. Jisas wankupiara iwisa pyuara blisin ailal yawanra wankisa: “Bankaia laya karma kum baku”. Bahawina yawan sipsa karnika briaia wan nitka nanisut puraluwaia dukiara. —The Desire of Ages, p. 187.
b. Samaritan mairka baku an Israel luhpia nani twilanra kataba baku, nahki yawan Jisas kupia pihnika lakaba sip wantanka briras sa? Lawana nani 78:15, 16, 19, 20; 114:7, 8.
"Moses mita walpara prukan, sakuna baha walpaiaba Jisas kan sin klaut pihni minakum baku Moses lamarakanba, Jisas mita yaban Israel luhpia nanira li karma painkira kum baku. Uplasut kaikan Dawan mawan ingnika klaut kum bakura balankanba. Klaut apiakan Jisas witin palikan.."— Patriarchs and Prophets, p. 298...
"Dawan bila holikirabak yawanra wan aisisa ailatwanka an aikupia pinhka laka wanmarikisa li raia an auhni baku wan diranka daskisa. Jisas wan solkara iwisa pyuara wan raiaka aiskaba klin, holi an kasakka lakara wantapaki brihwisa. Ao kau tasbarasa sakuna pat hevenra baku wandara walisa, trabil nani sut tilara wan kupia lilia ban brisa."— Testimonies to Ministers, p. 390.
Wensdi
Kuswa kati, 19
4. JISAS PARAM TAKANBA
a. Dia aisankawala Jisas takrikan Samaritan mairkawal, nahki witin ansa munan? Jan 4:16, 17.
"Jisas mita sturi aisikataba swisi diara wala aisan. Jisas wantkan naha mairka aisaurka tanka bribia ninkara heven blisingka yabaia dukiara. Jisas wisata: ‘Was mayamra wih wins bara manwal bal’. Mairka ansamunan: ‘Yang waikna apu’ mairka want apiakan marit bisniska sturka aisaia."— The Desire of Ages, p. 187.
b. Nahki Jisas mairka ansika kautaka tamankan, nahki wan marikisa Jisas wan kakaira ba tanka? Jan 4:17 18; Lawana nani 139:7, 8, 11, 12.
"Dawan karnika an tarkikaba sip wantanka aiska briras. ‘Dawan trunkaba hevenrasa’ Lawana nani 11:4; sakuna ai Spiritkaba plis sutra barasa. Dawan lika upla kumi banira kakairasa dia lukiba an daukiba sut."— Education, p. 132.
"Heven ensalka nani aman laki kaikisa wan mihtara wark wankanba nahki daukiba, an kasak kat daukras taim ulbisa aitani kat daukraskan."— Child Guidance, p. 155.
"Dawan Lâ ka Matawalsipba lika wan lukanka, wan daukanka wan iwanka sut dukiarasa. Wankupia muhta tihmura an yukwanra dauki naniba sut paramra sakisa. Dawan nakrawina diara sirpilupia kumisin tiuras: wan aisanka, wan lukanka, wan kaikanka naniba sut witin aman pali kaikisa. Heven bukkara wan saurka naniba sin ulbansa, ao kau daukras kuna lukanba pat daukan baku kulkisa. Wan raiaka aiskara dia lukiba, daukiba, waliba, kaikiba sut Dawan bribalan kabia La tara mawanra. Bakusa kaka aman pali kaikaiasa yu banira diaura wan taimka tikiba, kaikiba, waliba an daukibasin. Kau tingki taimka danh takras kainara Dawan mita winanka daukisa ailuhpia kumi banira aikupia lakbia an aisaurka naniba sut swibia dukiara."— The SDA Bible Commentary [E. G. White Comments], vol. 5, p. 1085.
Tausdi
Kuswa kati, 20
5. JISAS PARAM TAKAN SASAKRA BAKU
a. Mairka lasra nahki aitanka brin? Jan 4:19. Aitani kanki bawal baman?
"Mairka tatatwan. Witin dia yukwanra daukan dukia nanibasut paramra sakan pyuara, witin wantkan upla nutakbia apia an yukuki ban brikaia. Ya naha waiknika witin airaia pali sikritka sut nuba? Mairka lukankara balan tnata yuara la tara daukan kabiara an diara yukwanra bara naniba sut paramra sakan kabia pyuara.
"Mairka sip wiraskan apia baha kunin, sakuna wantkan baha sturka kau aisi taura wabia apia. Kulkanka yabiwal, wisata: ‘Waikna, dairawalisna manba prapitkum sma’. Ninkara serts bilara smalkanka sat sat taka unsabiba dukiara aisan. Mairka lukikan naha waiknikana prapitsa kaka witinra kler munbia serts bilara pyu wihkawina unsaban brihaulaba dukiara’."— The Desire of Ages, pp. 187, 188..
b. Mesaia ra bilakaikanka briba dukiara mairka aisanra, Jisas tawi dia win? Jan 4:25, 26.
"Gaspel sturka yamni smalkankaba upla mawal baman dukia apia, wali an aowibia nanira. Uplasutra smalkan kaiasa, ya uplika wilinsa kaka walaia, diara kasakba aitanka briaia an yabal yamnira bal aimakaia, bahasat uplikara Dawan Spiritka Holikiraba brindaukisa yabal yamnira brih tapakaia. Kler aisisa parabelra lika apia, Samaritan mairkara wisataba baku: ‘Yang sika manwal aisisnana’."— The Desire of Ages, p. 194.
Praidi
Kuswa kati, 21
MAKABANKA LUAN NANI BA LAKI KAIKS
1. Dia muni Jisas selp aidukiara tukinkum daukraskan?
2. Nahki Jisas mita Samaritan mairkara gaspel sturka smalkan?
3. Raiaka laya dukiara Jisas dia aisan?
4. Diakan Jisas aisan Samaritan mairka raiaka dukiara?
5. Mesaia balaia kanbawal pramiskum aslaba dukiara aisas