Sandi
Siakwa kati, 5
1. JAN TATABRA WEDNISKA
a. Jan tatabra dia wedniska aisan Jisas dukiara? Jan 1:15–18.
b. Serts ta uplika nanira Jan tatabra selp aidukiara dia aisan? Jan 1:19–23. Dia prapit aisanka aimakan, nahki yawan bahawal aslasa? Aiseya 40:3–5.
"Patitarawina Dawan ai uplika nani brisa witin aiwarkka dauki taura brihwaia dia aisanbakat kau puraprakras ar dakbisin sakras. Jan tatabra kau aiyapti biararakanba wina pat Dawan mita wahbi sakankan an warkka yabankan dia daukaiaba.
"Jan tatabra warkkaba dukiara patitarawina pat prapit aisankan an bakat aimakan kata."— The Southern Watchman, 21 de marzo de 1905.
"Dawan mita Jan tatabra dia smalkaiaba yaban. Serts tauplika nani aowibia kaka lika walraskan, ar gabamint kupia lakasa sapa sinapia. Dawan Spiritka Holikira mita Jan tatabrara landaukan an tabrin dia warkka daukaiaba. Aiseya 40:3-5. Naha sin smalkankana naiwa yawan laspyuara iwinanira yaban kaiasa. ‘King aulaba yabalka klin dauks plakinkaba purara buks walpa naniba yabalbilawina saks, yapanbawina mahka rawibus wâr kwalkaba dims waihla saura mapara aiklabaia an wan sinskara diara kumi brikaiaba lika Jisas karnikawal puraluwaia."— Selected Messages, bk. 1, p. 410.
Mundi
Siakwa kati, 6
2. SAKRIPAIS WARKKA KUM
a. Jisas tahbi takan pyuara, nahki Jan selp aidukiara aisan? Jan 1:29, 34. Dia prapit aisanka aimakan? Aiseya 53:4–7.
"Jisas, witin sika upla swaki Sasakra kau tasba paskraskanwina pat riditakan baha warkkaba daukaia. Pyuaba aimakanra witin balan upla tnatkara, naha smalkanka painkira lika Adam, Set, Enok, Matusalen an Noa pat smalkankan. Ebraham mita kenan uplika nanira smalkan Lot mina Sadam Gomara uplika nanira smalkan. Egip wina Israel luhpia nani alba lakawina sakan pyuara twi biarara sin smalkanka landaukan. Ninkara Jû nesanka bilara wark nani sutba baha smalkankara marikikan. Tempel watlara sakripais daukikan nanibawal marikikan yukum Jisas balankabiaba. Sip lupia nani ikikanba lika Jisaswal prakankan."— Christ’s Object Lessons, p. 126.
b. Jisasra nahki marikan Jan ai disaipilka nanira? Jan 1:35, 36. Jan ai disaipilka nani raiakara diatakan? Jan 1:37
"Jisas tahbi sakan ninkara pat yu wal luankanra Jan tatabra kli Jisasra kaikan baha minitkara Jisas mawanba ingnitakan. Bara Jan tatabra naku aisan: ‘Kaiks Gad Sipka lupia’. Baha lamara disaipil wal buikanba kupia tatatwan ao diarasut lika kau aitanka briraskan. Dia tanka Jan tatabra mita Jisasra wisataba ‘Gad Sipka lupia’. Ao Jan mita uplara naha tanka sitnika wiraskan. Bara disaipil nani wal kataba Jan tatabrara swisi Jisas nina blikan."— The Desire of Ages, p. 138.
"Jan tatabra mita aidisaipilka nanira win Jisasba Mesaia balaiakanba tasba swaki sakaia. Witin nanira wisata Jisas nina blikbia dukiara smasmalkra tarakum baku. Ao, Jan tatabra raiakaba lasra sari takisa aipruanka tnatkabawal, witin sin tukin nani ailal Jisas daukanba kaikraskan. Jan tatabra witin pat nukan Jisas warkka takrikbia pyuara witin pruaiakanba. Jan lika twi biarara takaskikan yakan, tawan bilara balraskan ai pamali nani tilara kan kau tara kaikikan witinra wark Dawan yabankanba dauki tnata mankaia."— Early Writings, p. 154.
Tiusdi
Siakwa kati, 7
3. JISAS DISAIPILKA NANI PASKANBA
a. Jisas disaipilka nani paskanba ya nanikan? Matyu 4:18,21. Dia lukankawal balan an nahki takaskan? Jan 1:38,39.
"Andres witin lika Saiman muihnika an walaba lika Jan, nahawal pastaura Jisas nina blikan. Diara kumi mita sin witin nanira alki takaskraskan Jisas nina blikaia, brindaukikan Jisaswal aisaia sakuna sibrin brikan an bansin aikupiara lukikan ‘Witinkana pali Mesaia sa ki?.
"Jisas pain nukan naha waiknikawal ainina blikikanba. Witin nani Jisas smalkankara kasak luki nina blikan, Jisas uba lilia aidarawalan. Sakuna aikuki aimanka takan pyuara makibiwalan: Dia plikisma? Witin nani wina walaia wantkan aibrinka dukiara aisabia.
"Diara kumi baman witin nani aisinskara brikan. Jisas mawan ingnikabawal aisinska banhki daukan. Bara aisan: ‘Smasmalkra, anira dimisma? Aisanka kunhku kum yabal bilara daukan, witin nani dia wantkanba briraskan. Aibrinkaba lika Jisas minara iwi aismalkanka walaia.
"Andres an Jan wal witin nani Jisasra kasak lukraskan satkata bal aiminara iwi smalkanka naniba walikaia apiakan. Jû uplika ailal serts taurakan naniba kasak lukraskanba baku. Sakuna Andres an Jan wal witin nani Jan tatabra smalkanka walikan an Jisas tahbi takan pyuara sin barakan. Spirit Holikira kupiara kanban taim isti ansa munan kasak lukan an Jisas nina blikan, ao minitkara kau diara ailal aitanka briras kan sakuna dia walanba purkara kau diara tara wala apukan." — The Desire of Ages, pp. 138, 139.
b. Disaipil nani dia daukan Jisasra kakaira takan ninkara? Jan 1:41, 42.
"Andres aikupiara lilia brikanba sip alki takaskraskan. Witin wan bara aimuihni Saiman ra aisi wisata: ‘Mesaiaba yawan sakan’. Saiman naha walan pyuara istipali aiminara buan kli wibia bila kaikraskan. Kan witin pat Jan tatabra smalkanka walankan Jisas dukiara." — The Desire of Ages, pp. 138, 139.
Wensdi
Siakwa kati, 8
4. WAIHLA LAKA KRIKAN
a. Aisas diatakanba disaipil walakumra ainina blikbiawin pyuara? Jan 1:43–45.
"Pilip, witin Jisas winanka walan, sin minitkara Jisas disaipilka takan. Pilip mita Natanilra winan."— The Desire of Ages, p. 139.
b. Yawan dia lantakisa Natanil namhpa lukikanra nahki Jisas puraluan? Jan 1:46–49.
"Natanil mita Jisasra kaikan pyuara witin uba pain aidara walraskan. Ban naku aikupiara lukan. Naha waiknika umpira warktatakra kumba sipkabiasaki Mesaia kaia? Sakuna, Natanil ban isti lika apia wiraskan, witin Jan tatabra smalkanka walankan Jisas dukiara an baha pyua witin kasak lukan kan.
"Pilip mita Natanilra winan pyuara witin unta pis sirpikumra aipura sunaia wankan Jan tatabra smalkanka an prapit nani ulbanka tanka laki kaikaia Mesaia dukiara ulban naniba. Dawanra aipura suni makaban Jan tatabra smalkiba raitsa kaka witinra marikbia, Spirit Holikira mita aisinska nakra kwakan aitanka bribia dukiara.
"Jisas ansa muni naku wisata: Kau Pilip maiwinraskan kainara, kwah damni dusa muhtara katmara mai kaikri.
"Dawan Spiritka mita Natanil purasunra ansika yabataba sin sturka Jisas mita wisata kau Pilip maiwinraskan kainara kwah damni dusa muhtara katmara mai kaikri. Ao, Natanil minitkum ban namhpara lukan, sakuna Jisasra balan brindaukikan diara kasakba tanka briaia. Jisas wal aisan ninkara wisata: ‘Man lika Gad luhpia, Israel Kingka
"Natanil, witin pris nani bilawalankan satkata Jisasra kakaira takaia apiakan, sakuna aipura suni Dawanra makaban witinra kler munbia raitpali Jisasba Mesaiasa sapa.
"Pasin tara nani smalkankara kau tara kulkisa pyuara sip Spirit wan tabriras, Natanil kata baku selp wanpura suni Dawanra makabaiasa wan sinska nakra kwakbia bara wan tanka briaia diara kasakkaba tanka. Spirit Holikira wanpura sunra ansika wankbia an diara kasakba tanka wanmarikbia."— Ibid., pp. 139–141.
Tausdi
Siakwa kati, 9
5. HEVEN KWAWAN
a. Natanilra Jisas dia pramis munan dia muni? Jan 1:50, 51.
"Jan 1:50,51 ra ulbansa: ‘Jisas jardan awalka unrakan tahbi takanba ninkara bahara hevenba kwawan, bara Spirit Holikira baliwan butku kum tnatkara. Baha sainkawal wan marikisa Jisas, ba Gad luhpiakanba dukiara. Ya ya witinra kasak lukbiaba raiabankaia laka brinkabia. Man raiakamra hevenba kwaubia an kli praubia apia heven ensalka nani yu bani baliwisa blisin ailal bribalisa ya Jisasra kasak luki bilawali nanira."— —The Desire of Ages, pp. 142, 143.
b. Jisas ra kasak lukisa pyuara wan raiakara dia takisa? (Jan 4:14; Param marikan 22:17.
"Dawan bila kasakkaba uplakum raiakara iwisa pyuara aidaukanka, aiwapanka, aisturka naniba sut satwala takisa, kainara ban tanisramankanba nanara witin klin, holi lakara wataukisa minit kumirasin kau kainara iwikan tnatkara wataukras. Kan Spirit Holikira mita paskanka raiakum daukansa bara yu banira kau pawisa heven suliarka kum baku.
"Dawan karnika brisa upla swaki sakaia witin yakan upla helpka nitapia, sakuna aisinska laka an ailatwanka lakara aitani kaikisa yawan kumi bani wan walka dukiara warktakbia bara hevenra wabia pyuara liliaka tara yawan bribia wan warkka daukan taka wan uplika swakwi takan naniba kaikbia pyuara."— Ibid., p. 142.
Praidi
Siakwa kati, 10
MAKABANKA LUAN NANI BA LAKI KAIKS
1. Dia muni Jan tatabrara twiura winan?
2. Wan raiakara nahki Jan tatabra iwanka baku iwi lantakaia?
3. Jan an Andris wal Jisasra kakaira takanbawina dia lantakaiasa?
4. Natanil taura aisankabawina yawan dia lantakaia nitsa?
5. Nahki sipsa nutakaia kasakki lakaba rait aihwasa sapa?