Pas sabat kaliksanka

Paraguay Kuntrika lika kabu muna America muna tanirasa, ai piarkika brisa Argentina kuntrika, Bolivia an Brasil kat yumhpa. Uplasut nahara iwiba lika milian matlalkahbi pitkasa, baha sutwina 96.1% kristian daknika nani, 88.3% lika kiatalik an 7.8% serts wala nani; las 2.6% lika prias kumira sin waras.

Paraguay kuntrikara lahla kau ailal baldimiba lika insla warkka wina, kau ailal warktakisa soya nasla dauki, bawina nanarasin li wina lait briba warkkasin daukisa.

Adventist baiwitakanka daknika lika Hungria kuntrika wina balan kata 1940 mankara, kuna warkba kau tarapawan 1950 mankawina buk wahwitauki aiatkra nani balanba wina ban 1970 manka kat balan kata daktar nani sika lainkara warktaki daknika. Nanara yawan tawan tara banira wan priaska watla brisa, dakni painkum.

Paraguay kiapitalka Asuncion ra yawan sika warkka watlakum brisa pat mani ailal warktakisa baha taka gaspel sturka yamniba smalkanka ailal pawansa, tawan uplika nanira marikisa nahki wanwina tara an solka mainkaikaia siknis nani puraluwaia. Dawan kupia lakasa kaka yawan brinwandaukisa naha sika warkka watlana kau raia daukaia an kau ban drawi waia tawan tara bilarasin baku Dawan bila aisinka naniba upla bani kiamara brihwaia. Dawan wan winsa: Tawan tara nani bilawina taki banhs. Skul watla, sika watla maks tawan wina wihka pliska nanira.

Naha warkka daukaia dukiara pat yawan tasba pistarakum atkansa tawan tarawina wihkara 66 kilumita praiska brisa, pat bara yawan sika watla sirpikum brisa an warktakaia watlasin, nahasut lika takrikanka sirpikumsa. Naha kati yumhpa sabatkara man nani presantkam wal sipkabia kau taura brihwaia.

Muihkam an lamkra nani Paraguay wina