Pas sabat kaliksanka
“Tutkan kau sirpira diara landauki dukia naniba aidaukanka nani wapnira brihwisa.”— Testimonies for the Church, vol. 3, p. 135.
Wan lakrika Ellen G. White ulbankara sturi sirpikum pain aisisa. “Tuktan skulka wik bilara daukiba upla watla nanira mâ yamni sakisa kan tuktan nani dia lantakiba aiwatla bilara praktis munisa an yaptika nani mita tabaikisa. Tuktika ailal naniba wan priaska watlawina apia.”— Evangelism, p. 583.
Tuktan nani daukanka yamni pakaia skulka watlaba bapan 2019 mankara tawankum nina Pagaras makisa unta tilarasa Rumania kuntrika bilara. Tuktika naniba lika maniwal wina matsipkan aimanka naniba brisa witin nani uba painkira diara ailal lantakisa. Witin nani dia pitka sipba ai mankawal landaukisa an Dawan bilasin ba tilara lantakisa an lawana aiwani Dawanra mayunaia, aipura suni lantakisa an aipanika nani aikuki latwan lakara iwi lantakisa. Kau tuktan sirpisa sakuna pat nusa diarasut tilara Dawan mita wan tabrisa an wan trabilka nanira help wankisa. Aidaukanka naniba yu banira kau pawissa yamni lakara. Tingki wisa Dawan mita nahki tuktan sirpi nanira chens muni brihauyaba. Yawan brinwandaukisa kau pawi auyaba pyuara helpmunikaia.
Yawan takrikanra lika tuktan 12 bamankan; bawina mani walhwal luanra nanara tuktan 32 brisa, 31 tuktan naniba wan sertska wina apia. Tuktika naniba asla takisa Rumania Yunian afiska bilara, witin nani dukiara plis sirpikum yabansa. Nanara tuktan kau ailal dimaia wantsa sakuna pliska lupiaba uba sirpisa.
Man nani helpkam lakawal naha katira presantkam mankmabawal sipkabia skulwatla sirpikum witin nani dukiara makaia.
Muihkam an lamkra nani Rumania wina