Sandi
Kuswa kati, 9
1. DISAIPIL NANI TILARA TRABILKUM
a. Dia trabilka takan Jan disaipilka nani an parisi naniwal? Jan 3:25.
"Jisas warkka kau pawikan kaikan pyuara, Jan disaipilka nani tuman brinkata. Bara tnatka plikan nahki warkkaba mapara aisaia. Pyu wihka apiakan bara Jû nani aikuki blahwanka brihiakawan Jan tahbi daukiba upla solka klin daukisa sapa saurkawina; Jisas tahbi sakanka lakaba satwalakan Jan daukibawal prakbiasa kaka. Jisas disaipilka nani wihki Jan disaipilka naniwal blahwan kata dia sturka aisaiaba tahbi daukisa pyuara."— The Desire of Ages, p. 178.
b. Jan tatabra disaipilka nani nahki Jisas warkkara misbara kaikan, Jan ka pali dia aisan? Jan 3:26, 27.
"Jan tatabra lika upla yawan bakukan wan swapnika nanisin brikan, sakuna Spirit Holikira karnika mita chensmunan kata. Jan raiakara misbara, tuman, tarapulanka, lawanka nani kumisin apukan. Ai disaipilka nani blahwanka daukanbawal witin wilin apiakan, sakuna witin painpali aitanka brikan Mesaia warkkaba wihki witin aiwarkkawal. Jisas witinra balan pyuara lilia takan an yamni balanka yaban kata."— Ibid., p. 179.
Mundi
Kuswa kati, 10
2. JAN TATABRA WARKKA
a. Nahki Jan marikan aiwarkka tanka nukanba? Jan 3:28, 29.
"Jan balan sin marit takikanra waiknikaba aipanika blikan utla ridi daukikan an plun piaia naniba sinbaku. Marit takaia waiknikaba bal witin ai maia mairin wal asla takanra lika panika warkkaba danhtakikan. Panikaba witin uba liliakan aipanika waikna aimaiawal brinba dukiara. Jan ra Dawan mita blikan balan upla nanira yaka Jisas ra kaikbia dukiara, witin liliakan Jisas warkkaba kaikan pyuara."— The Desire of Ages, p. 179.
b. Aisas Jan tatabra an— yawan wan warkka. Jan 1:23, 29.
"Jan tatabra, ainakra Jisas ra kaikan witin wilinkan diarasut winba kasak daukaia. Minit kumirasin wantapiakan upla naniba witinra kaikbia, sakuna Gad Sipka lupia tasba saurka brih sakibara upla lukanka nani mankaia wantkan. Witin lika bilabaikra kum baman twilawanra aisikan Mesaia aulaba dukiara. Nanara, liliakira saptakan uplasut nakraba Jisas ingnikara kaikbia dukiara.
"Dawan mita aiwarkkara winan uplika kasakkiraba witin minit kumirasin plikbia apia aimayunra briaia. Selp aiwina kat kaikaia watlikara Jisas ra kaikbia. Unsaban ar blahwanka kumisin apukabia gaspel sturka yamni smalkankara. Kler nukabia aiwarkkaba lika sturi yamniba smalkaia Jan tatabra daukanba baku: ‘Kaiks Gad Sipka lupia tasba saurka brih sakiba’. Jan 1:29. Jisas ra lika purara bukbia an witinwal tasba uplika nanisut. ‘Naku aisansa witin laih purara iwiba bankaiara, ai ninaba lika holi: “Yang iwisna laih purara holi lakara, an upla umpiraba ai spiritkara, kupia kriwan naniba kli rakaia dukiara” Aiseya 57:15." — Ibid., pp. 179, 180.
"Yakan brinkam nani plikpara man dia wantsmaba apia, sakuna pliks dia Dawan kupia lakaba. Kumi bani selp makabi walbia: Sipsna ki upla kumra naiwa Jisas Gad Sipka lupia dukiara aisaia? Sipsna ki sari bri nanira maihsa nihkra yabaia? Spirit Holikira naiwa raiakina maikisna taibris an sinski lukra karnika sut taipks an mairiks anik wapaiasnaba." — Historical Sketches, p. 140.
Tiusdi
Kuswa kati, 11
3. SPIRIT PRESANTKA
a. Upla ailal Jisas warkka kaikanra dia daukan? Jan 3:32.
"Jan tatabra disaipilka nani aisikan uplasutba Jisas ra balisa, sakuna Jan kler aisi nan wisata: ‘Jisas wedniska upla briras’; upla wiria baman wilinkan swaki Sasakra baku biaia. Sakuna ya Jisas wedniska briba an sealka mankansa Dawanba kasakba tanka. Jan 3:33."— The Desire of Ages, p. 181.
b. Spirit Holikira presantkaba ya nanira yabisa? Jan 3:34.
"Wanwina an wan nakra brinka, tasba brinka naniba sutwina lanhwi takbiasa kaka heven ingnika bribia. Jisas tanka tihuka naniba sip bribia apia wan karnika, wan sinska an wan raiaka aiska Spirit Holikira mihtara mankras kaka. Dawan Aisaba an Spirit Holikiraba walsut asla Jisas ra iwisa, an man nani witinwal aslasma. Kolosi 2:9,10."— Ibid.
c. Dia Baibil wanwisa Spirit Holikira briaia dukiara? Jan 14:15-17; Sturka nani 5:32.
"Wan bilawal baman sip yawan wiras kasak lukisna, sakuna bilawali daukaiasa. Jisas yawanra iwikaiasa awarbanira an witin aikupia lakakat taukikaiasa, wan sturka naniba Jisas dukiara baman aisaiasa. Kainara saurka nina blikikanba nanara Jisas wal iwaiasa saurka yuikasin wan raiakara apukaiasa an Dawan Lâ ka bilawawalra kasak kaiasa. Ao, yakan lika yawan sipapiasa sakuna Spirit Holikira karnikawal baman sipkabia daukaia. Jisas wan raiakara iwisa kaka apastel Pal aisan baku nanara yang raia apiasna sakuna Jisas yangra iwisa, naha lisinka lantakbiasa kaka yawan sipkabia waikna an mairin raiakum baku iwikaia, tasba brinka, tasba kukanka naniba tara kulkras sakuna heven dukia naniba bahara wan sinska manki banbri kaiasa, yu kumira baman apia sakuna wan raiaka aiskara."— Testimonies for the Church, vol. 6, p. 92.
Wensdi
Kuswa kati, 12
4. TAHBI SAKAN PRAISKA
a. Tahbi takaisa pyuara dia wantanka pain brikaiasa Jisaswal pramis takiba dukiara? Jan 3:36.
"Jisas wan raiakara iuras kaka tahbi takan lakaba bahki purataia bamansa."— The Desire of Ages, p. 181.
"Nitapiasa blahwaia Jisas tahbanka laka ar Jan tatabra daukikanbawal upla kupia klin daukisa. Jisas tingkika lakawal baman wan solka sipsa raiaka brikaia."— The Desire of Ages, p. 181.
"Jisas ku baman upla sipsa kli pruaia apia lakaba briaia. Jisas naku aisan: “Ya yangra kasak lukiba bankaia raiaka brisa; sakuna ya Jisas ra kasak lukras kaka raiaba bribia apia” Jan 3:36. Uplasut sipsa Dawan blisingka briaia aibila wali daukbiasa kaka. Ya ban bapi buiba wark yamni dauki an kli pruaia apia laka pliki naniba brinkabia bankaia raiaka. Roman 2:7."— The Great Controversy, p. 533.
"Tahbi takan lakabawal yawan tasba brinka nanira pruisa. Dawan Aisa, Luhpia Jisas an Spirit Holikira yumhpa ninara tahbi takan naniba bankaia raiaka brisa an uplasut mawanra wednis aisansa setan tilawina takanba tanka an nanara heven kingka pamalika tilara baldiman luhpiakum baku."— Testimonies for the Church, vol. 6, p. 91.
b. Jan tatabra smalkanka nani dukiara aisas, nahki upla raiaka pali dukiara aisanba? Luk 3:7, 8.
"Jan aisan asaba dus playara swin. Saurka dukiara kiama auban, dia trabilka balbiabara sin lukras, an Gad Sipka lupia yabalka rididaukan.
"Herod, tatatwan Jan tatabra smalkanka walan pyuara, witin aiwinakat dukiara aisan, makabiwalan witin dia daukbia Jan disaipilka takaia. Jan nukan Herod aimuihni maiawal marit takaia riditakikanba kau muihnika pruraskan kainara, Jan mita Herod wisata baha daukaiba kasak apiasa Dawan mawanra."— Early Writings, p. 154.
"Jan tatabra witin saurka mapara karna buan an kiama auban upla tara an sirpi mawan siaia yabras. Diara raitba aisan King an aisuliarka nanira, walbia ar mapara bubiakra. Upla winakat dairik aisan kata aipurara dia trabilka balbiabara sin lukras." — Selected Messages, bk. 2, p. 149.
Tausdi
Kuswa kati, 13
5. SINSLAKA TNATKA
a. Dia Jisas daukan parisi nani mita Jan tatabra wal trabil daukaia traikaikan pyuara? Jan 4:1–3.
"Jisas nukan parisi nani traikaikaiba tarbaiwan laka bribalaia Jan tatabra disaipilka an witin aidisaipilka naniwal tilara. Jisas nukan Jan tatabra raiaka nahki tantara waikanba witin lika prapit nanisut purkara tara kulkanka heven mita yabanba. Jisas minit kumirasin want apiakan blahwanka takbia bara kau kanra yamni aiwarkka swisisi Galali ra balan. Yawan sin baku traikaikaiasa wantilara unsaban ar blahwan apukaia kan nahasut lika setan spiritka mita bribalisa, bakuwal wantsa gaspel sturka karnika tiki an sauhkaia." — A The Desire of Ages, p. 181.
b. Dia yawan lantakaiasa Jan daukankawina trabil puraluwaia dukiara? Jan 3:30.
"Jan tatabra disaipilka nani baku, upla ailal lukisa smasmalkra pas balanbara kau kulkanka yabaiasa. Upla nakra naniba waiknara kaikisa Dawan ra lika apia, baku tnatkara lawanka wantilara bribalisa an wan smalkankara karnika tiki sauhkisa. Kan ya uplika warkba witin takrikan wisi aimayunra briaia plikisa kaka baha setan lukankasa. An baku suliar nanira Dawan wina wihkara brihwisa.
"Dawan warkkaba upla lukanka ar smalkanka brihwaia apiasa. Pyu banira Dawan ai albika nani bukbia aiwarkka daukaia an gaspel sturka yamnibara tabaikaia. Yamni palisa aniuplika bawikira wilinba Dawan kupia laka daukaia Jan tatabra aisanba baku: ‘Aitanisa witin paubia an yang mayara iwamna’." — El Conflicto de los Siglos, p. 453.
Praidi
Kuswa kati, 14
MAKABANKA LUAN NANI BA LAKI KAIKS
1. Dia muni Jan disaipilka nani mita Jisas warkkara tuman brin?
2. Jan mita aidisaipilka nanira dia win?
3. Spirit Holikira presantkaba dia dukiara wankisa?
4. Nahki kaiasa uplakum raiakaba rait aihwa aihtabi takanba?
5. Jisas an Jan wal dia daukan aidisaipilka nani trabil daukanra?