Sandi
Kakamuk kati, 16
1. DAWAN AISA WAL KUMI
a. Dia mata Jû nani mita Jisas ra misbara kaikikan. Upla siknis sabat ra rakan wisi an dia wala? Jan 5:17, 18.
"Jisas aisan witin Dawan Aisawal sin raitka brisa.
"Jû uplika nanisut mita Dawan ra Aisa wikan, ba mita aikupia baikaia nitapiakan Jisas witin Dawan Aisawal aslasa dukiara aisan pyuara. Sakuna Jû nani mita Jisas ra dusa kuhban Dawan mapara taski aisisa wisi an Dawan wal witin kau tara aisisa wisi kunin daukan."— The Desire of Ages, pp. 207, 208.
b. Nahki Jisas mita Dawan Lâ ka raitba marikan, upla laka purkara? Matyu 15:1–9, 13.
"Parisi nani Jisas maparakanba tnatka kumira sin sipapiakan raitba kat aisiwal Jisas mapara buwaia. Bara parisi nani selp ailaka paskan nanibawal lika dusa kuhbaia sipkan. Jisas mita aima manasra parisi nanira bila prakan kan Dawan bilakat aisikanba mita."— The Desire of Ages, pp. 208.
Mundi
Kakamuk kati, 17
2. DAWAN AISAWAL KUMI
a. Nahki Jisas aisan Dawan Aisawal aslaba tanka? Jan 5:19, 20.
b. Jisas nahki aisan Dawan Aisa karnika briba baku witin sin briba dukiara? Jan 5:21–23.
"Jû an parisi naniba wihta baku aimakan Jisas warkka mapara buwaia an patra lakaia, sakuna Jisas lika tasba aiska wihtika kan. Tasba aiskana Jisas mita paskan an saurkara kahwanba taka pliki an swaki sakaia balan. Jisas lika upla swaki Sasakra pat aimakan kata kau tasbara balras kainawina. Adam an Ev wal saurkara kahwan taim pat Jisas barakan swaki Sasakra kum baku. Witin mita raiaka an ingnikaba sin diarasutra yabisa. An ingnika yabanba bakat laka aisidaukan kabiasa. Jisas mita ingnika yayakra baku upla kumi bani kupiara warktakisa yaka saurkaba swisi holi lakara balbia dukiara, aiwinara wark wal brisa layar an wihta."— The Desire of Ages, p. 210.
c. Jisas ba wan wihtikaba nutakisa pyuara nahki wan daukanka satwala takisa? Roman 2:1–3; Matyu 7:1.
"Dusa kakuhra tilara dimi uplikaba aipurara saurka kau ailal bribalisa, kan witin tabaikisa baha saurka bri uplikara, baku lika aipurara aimawal taim kau patbrisa.
"Jisas baman sipsa kasakka lakakat upla laka aisidaukaia, yawan upla lika sipapiasa Jisas pliskara aimakaia. Dawan Aisa mita ai luhpia mihtara mankansa tasba laka aisidaukaiaba. Jan 5:22. Ya aiwalka laka aisi daukisa kaka Jisas warkkaba briaia traikaikisa an witin nani lika setan suliarkasa."— Thoughts From the Mount of Blessing, pp. 125, 126.
"Yawan upla kupia sip aisikaikras. Kan yawan nanisin saurakirasa aitani praiskat apiasa wan walka laka aisi daukaia. Yawan wan nakrara kaikiba lika nusa sakuna sip apiasa upla kupiaba aisikaikaia"— Thoughts From the Mount of Blessing, pp. 124.
Tiusdi
Kakamuk kati, 18
3. SIBRIN LUHA IWAIA
a. Jisas mita nahki sibrin luha spiritka wankisa? Jan 5:24.
"Dawan Lâ ka an ai pramiska nani aibilak wankan kumi banira karnika barasa, Jisas pali raiaka, bamita Dawan Lâ ka ba aimakan kabiasa pramiska nani daukibara. Ani uplika kasak luki Dawan bilara iwiba raiaka brisa an Dawan daukankaba sin." — Christ’s Object Lessons, p. 38.
"Jisas warktara dusprignira daukanba taka upla saurka naniba sutwina sipsa padin laka yabaia. Kan witinka lika saurka kumisin daukraskan ba mita. Jisas kasakka lakaba saurakira witinra aula nanira yabisa an uplasut mawanra marikisa kasakkira baku. Upla wan saurka naniba Jisas ra kahbisa, witin sika wan pliskara pruanba. Naha lika ya witinra kasak luki naniba. Kasak lukras nani dukiara nara aisaras. Witinka saurka daukraskan sakuna yawan wan saurka kataba witin twilkan. 2 Korint 5:21.
"Ao, yawan upla kumi bani lika saurka patkara wan kahbansa, sakuna Jisas, witin Dawan Lâ ka bilawalanba taka upla kumi bani aikupia lakan nanibara witin aikasakka laka yabisa. An Spirit Holikira mita wankan wan saurka taskikaba nutakisa bara wankupia lakisa an paskanka raiakum wandaukisa wan sinska lukra nanisut an wan daukanka sinbaku. Jisas wan raiakara iwisa kaka lika sipsa wan kupiaba satwala daukaia yakan wankarnikawal lika yawan sipapiasa. Witin baman sika saurka mapara aiklabi puraluan bara kulkanka tara brin tasba aiska mawanra." — Selected Messages, bk. 1, pp. 392, 393.
b. Jisas dia daukaia sipkan Dawan baku? Jan 5:25–29.
"Jisas lika upla yawan baku traika kaikanka naniba sut puraluwan bara wan swapnika naniba nusa an traika kaikanka nani nahki puraluwaiaba sin nusa. Setan mita witinra batakaia traikaikan sakuna sipapiakan. Nanara Dawan Aisa mita witin ai mihtara swinsa upla laka aisi daukaiaba kan upla tanka kau pain nuba lika Jisas. Traika sut puraluwanba mita wan tanka brisa an sipsa wan helpkara aisaia." — The Desire of Ages, p. 210.
"Jisas ra karnika yabansa uplasutra raiaka yaban kaia." — Selected Messages, bk. 1, p. 249.
Wensdi
Kakamuk kati, 19
4. BAIBIL AISKARA JISAS DUKIARA AISISA
a. Jû nani kasak lukrasba dukiara Jisas dia aisan? Jan 5:37, 38.
"Jisas, witin wiraskan yang mistik takri padin aimuns yang daukanki ar smalkanki nani aitani apiakanba man nani namkrara, baku wiaia watlikara kauni parisi nani maparakan an witin nani diara wahra daukiba kler sakikan. Kiama aubi wisata aikupia karna briba an Dawan bila tanka brirasba an heven wina blikan nanira brirasba taka pat ailalra lakankabia." — The Desire of Ages, p. 211.
b. Diakan Jû nani sip Baibil aitanka briraskan? Jan 5:39, 40.
"Testament Almukra ulbanka nanisutra kler param marikisa ingnika tara painkira kum baku Jisas balaiakanba dukiara aisisa. Ship iki sakripais daukaia warkka naniba marikikan distika kum baku Mesaia tasbara Dawan mita blikaikanba dukiara. Prapit nani ulbanka sutra Jisas dukiara aisisa. Sturka nani 10:43. Adam ra pramis munataba wina takrikisa Jisas Gad Sipka lupia tasbara balbiaba dukiara suaki Sasakra kum baku. Lalmawina sinskira nani kaikan Betlehemra slilma takanba, swaki Sasakra aisubitakan sainka, diara taura takaiakanba dukiara pat prapit nani aisankanba kumi an wala sut aimakan. Sakripais kiasmika nani uliwikanba, sutra marikikan.
"Dawan bila holikiraba Jû nanira yaban brikan, sakuna witin nani lukikan purataia baman bribawal aitanisa sakuna bila lika walras an baharasin iuras. Jisas naku wisata: ‘Dawan bilaba man nanira yabram iuras’ Jisas ra bahki kulkan an aibilarasin baku. Yangra balaia want apiasma raiakaba briaia.
"Jû taka uplika nani stadi takankan prapit nani aisanka sut Mesaia balaiaba dukiara ulban naniba; “sakuna witin nani aikupia aiska rait aihwa lika daukraskan, des lukikan Dawan mita witin nanira wahbi sakan nesan wala nanisutwina hevenra brihwaia dukiara. Jisas balan sakuna Jû nani bilakaiki kanba baku apia, bara witinra briraskan, kauni mapara buan, dusakuhban rausauhkan an las dusprignira ikan. Jisasba kuninkira wikan tankaba lika witin nani ailaka kat waraskanba taka."— Ibid., pp. 211, 212.
Tausdi
Kakamuk kati, 20
5. DAWAN MAWAN INGNIKA
a. Diakan Jû nani Jisas maparakan an smasmalkra walara kasak lukibanwan? Jan 5:41–44.
"Jisas naku wisata: ‘Yang uplawina mayunra briras’. Jû ta uplika nani mita ao wibia bilakaikraskan. Witinra tara kulki yamni balanka yabiasin bila kaikraskan. Sakuna Dawan Aisa mita karnika Jisas ra yabankan. Jisas wantkan sat kata heven ensalka nani bal witinra mayunra yabaiakan; Dawan Aisa palimita Jû uplika tara nanira wiaiakan Jisasba witin mita hevenwina blikan balan bara yamni balanka yabia dukiara.
"Yang lika Dawam Aisa ninara balrina, an man nani aibriras; upla wala selp aininara balbia lika brima. Jisas balan Dawan Aisa karnikawal, diarasut winbakat daukaia; sakuna jû uplika nani mita briraskan tankaba lika witin nani aismalkanka kat waraskanba mita. Jisas lika prapit nani ulbanka kaina manas aisankakat balan, jû nani bilakaikanka kat lika apia. Dia muni? Ani uplika selp aimayunra plikisa kaka witin tarapulanka brindaukisa. Jû nani smalkanka an kasak lukanka naniba Baibil wal waraskan selp aimayunra pliki banhwikan. Jisas smalkanka lika satwalakan Baibil dia aisanba bawal wikan. Bahamita ju nani mitaJisas maparakan." — Ibíd., p. 355.
"Naiwa yawan wan yuara sin baku apiasa ki? Serts ta uplika ailal Dawan Spiritka Holikira maparasa aikupia karna daukisa, Dawan bila aisanka kat waras selp ailukanka an upla smalkanka nani lika nina blikisa." — The Desire of Ages, pp. 212, 213.
Praidi
Kakamuk kati, 21
MAKABANKA LUAN NANI BA LAKI KAIKS
1. Dia karnika an raitka Jisas yaban kli pliskara mankan?
2. Patitara wina nahki Dawan Aisa an Jisas wal aslasa?
3. Nahki Jisas raiaka lakaba witin brisa?
4. Jan 5: 39 ba tanka aisas?
5. Jû nani mita Jisas ra Mesaia baku briraskan taka dia takan?