1. JISAS, DAWAN AISAWAL KUMI Sandi Krismis kati, 29

a. Jisas dukiara dia Baibilra ulbansa, witin kau uplatakraskan kaina wina? Jan 1:1,2. "Kau tasba paskraskan kainapaliwina Jisas lika Dawan Aisawal kumikan, “Dawan Aisa lilkika,” aikarnika an aitarkika, “Ai mawan wina ingnika takiba,” Wintin naha tasbara baliwan Dawan Aisa glorikaba wanmarikaia. Naha tasba saurka mita tihmia daukanbara Dawan latwanka ingnikaba bribal marikan, baku lika “Dawan yawan naniwalkan.”."— El Deseado de Todas las Gentes, p. 11."Jisas, witin sika Bila kataba, Dawan Aisa luhpia waikna kumimanba patitarawina Dawan Aisawal kumiba, aidaukanka sutra, witin baman sipsa Dawan Aisa mawanra balaia.”."— Patriarcas y Profetas, p. 12. b. Dawan Aisa an ensal nani sut mita nahki Jisasra kulkanka yabisa? Lawana nani 45:6; Aiseya 9:6; Hibru nani 1:3, 6–8. "Heven ensalka naniba lika Dawan warkka dadaukra, Dawan mawan wina ingnika takiba brihwisa. Sakuna Jisas lika Dawan Aisa luhpia, “Dawan Aisawal kumi.” Diarasut paskan an alkibriba aibila karnikawal baman. Heven ensalka nanisut purkarasa."— Patriarcas y Profetas, p. 12.

---

2. TASBA PASKANBA Mundi Krismis kati, 30

a. Tasba bilara diarasut baraba yâ mita paskan? Jan 1:3, 10; Kolosi 1:15–17; Hibru nani 1:2. "Kasbrika an tasbanasut Jisas mita paskan. Witin ai mihtawal tasba naniba paman apanistara bilara baku tarabasin, twibilara tangni naniba satkakat paskan. ‘Il naniba aikarnikawal bapan’. ‘Kabu ba Jisas mita paskan, Lawana nani 65: 6; 95:5. Jisas mita tasba pranawal banhkan an pasara lawana nani mankan. Tasba paskan dukia nanira, pasa minara ulban Dawan latwanka sturka yamniba."— The Desire of Ages, p. 20. b. Aisas, naha tasbana an tasba wala naniba nahki paskan? Lawana nani 33:6, 9; 104:1–6.) "Dawan aisan, an aibila karnikawal tasba bilara diara nanisut paskan. Paskan dukia naniba lika Dawan mita yusmunisa witin aikupia lakaba kat daukbia dukiara."— The SDA Bible Commentary [E. G. White Comments], vol. 1, p. 1081."Dawan tasbana paski tnata alkan pyuara prana painkira palikan. Twi, unta bakusin il sirpi nanisin barakan, baha bilara tingni lupia an lakun sirpi sin bara kan. Il tara albanhka, swamp tarka nanisin apukan naiwa yawan kaikiba baku. Walpa naniba tasba muhtara yukuki swinkan. Untara dus satka satka barakan an tangni paikira nanisin baku. Heven ensalka nanisut mita uba painkira baku kaikikan Dawan mihta warkka nanira."— Patriarchs and Prophets, p. 44."Baibilra aisaras naha tasbana mani ailalra banwina tawa tawa baltakan dukiara wisi. Dawan ai mihta an aibila karnikawal yu matlalkahbi pura kumira (7) ra tasbana paskan. Yukumba takrikan yû dimanbawina yu walakat (tihmia an titan) yukum tnata alkan banira dia warkka daukanba dukiara Baibilra ulbi swinsa."— Patriarchs and Prophets, p. 112.

---

3. TASBA AISKA INGNIKA Tiusdi Krismis kati, 31

a. Yâ mita raiaka an ingniba daukan, nahki helptarasa yawanra? Jan 1:4–9; Sturka nani 17:28. "Jisas, witin pali sika patitara wan almuka nanira aisankanba. Witin aimawan ingnikaba tasbara diara bara nanisutba baha ingnika wina brisa tasba sinskirka tara nanisutba Jisas wina sinslaka brisa."— Education, p. 73."Jisas, witin sika ingnika painkira tasbara balanba. Jan 1:9. Jisas ku baman uplasut raiakaia lakaba brisa wan winka puhbraba an bakusin ingnikaba yawan kumi banira wankansa."— Education, p. 29."Dawan karnikaba kau takaskras naiwakatsin banwarktakisa paskandukia nanisutbara witinmita alki brisa. Wan winka pubra, wankupia dikwiba ban yakan selp aikarnikawal apia. Yawan uplaba raiasa kan Dawan mita wanwinka pubraba alki brisa. Daiwan kau sirpilupiawina yawan uplakat wan raiakaba Dawan mihtarasa."Tasba uplika sinskira tara naniba lukisa an aisisa paskan dukia nanibasut yakan selp aikarnikawal naiwakat kau warktakisa, sakuna bahasut lika setan kuninka laka. Dawan mawan ingnikaba plis sutra barasa sakuna witin yawan baku upla, Baibil wanwisa waikna an mairin walsut Dawan aililkakat paskan, an Jisas balanbawal yawan kler kaikisa witin uplakumba tanka."— Education, p. 131. b. Witin selp aidukiara Jisas dia aisan? Jan 9:5; 8:12; 3:19; 12:46. "Jisas aisi nan wisata: ‘Yang sika tasba ingnika’, Jisas nahara witin kler aisan Mesaia kum baku. Prapit almuk Saiman mita Jisasra blis munata pyuara witin naku aisan: ‘Ingnika kum tasbara an Israelra sin baku’. Luk 2:32. Naha aisankawal Saiman klermunikan Jisasba Mesaia kanba tanka. Prapit Aiseyak pat kaina manas Spirit Holikira naku aisankan: yangna lika sirpisna Jekob kiamka tilara Israel luhpia yuika naniba swaki sakaia dukiara. Sakuna Dawan mita aiwin man ingnika kum kama tasbara Aisya 49:6. naha prapitka ulbanba lika Mesaia dukiara aisikan, ba mita Jisas aisi wisata: ‘Yang sika tasba ingnika’ "— The Desire of Ages, p. 465.

---

4. DAWAN YAWAN NANIWAL Wensdi Siakwa kati, 1

a. Prapit Aiseya dîa aisankan Jisas nina dukiara? Aiseya 7:14. Ahkia baha aimakan? Matyu 1:21,22. "Jisas upla baku naha tasbara balanba mita yawan nusa witin wan traika naniba nusa. Adam kiamka nanisut yawan nusa Jisas lika wanpanika painkira kumsa. Gaspel sturka yamni smalkanka naniba sutra yawan kler kaikisa Dawan wantilarasa ban saurkara kahwan wisi lulki wanswiras."— The Desire of Ages, p. 24. b. Dia Jisas daukan upla kahwanba wina bukaia dukiara? Jan 1:14; Pilipai 2:5–8; Hibru nani 2:14–1. "Jisas daukanka naniba kakaira takbia dukiara witin upla tnatkara tasbara balan, wantilara iwan an wan trabilka nanibak witin luan. Ao Dawankan sakuna upla takan, Dawanra lika sip yawan kaikras sakuna Jisas uplatakanba mita sipkan witinra kaikaia. Yawan diara tanka tihura naniba Jisasku sipkan lantakaia. Heven tanka yawan sip brirasba Jisas mita wanmarikan witin bahawina balanba mita.”— Christ’s Object Lessons, p. 17."Jisas upla baku tasbarakan pyuara setan mita witinra tnatka ailalku traika kaikan. Tahbi takanba ninkara Spirit mita twilawanra brihwan kau spirit ra paubia dukiara sakuna setan bahara traika kaikan kata. Jisasba kahwaia sipapiakan satkata setan aitaimka tiki Jisasra traika kaikaia apiakan. An sipapia kaiakan wan muihni baku wan trabilka naniba tanka briaia. Jisasba patran painkira kumsa yawan kumi banira witin nahki puraluanba baku yawan sin sipsa pura luan kaia."— The SDA Bible Commentary [E. G. White Comments], vol. 5, p. 1082."Jisas witin ao Dawankan sakuna upla baku takan wan swapnika nani twilkan, setan mita witinra traika kaikanka tara bribalan batakaia dukiara sakuna Jisas witin Dawan Aisa mihtara karna alki brikanba taka sip kauhraskan. Sin tnatkara yawan kumi bani sipsa Spirit Holikira karnikawal waihla saura wan traika bribaliba naniwina puraluan kaia."— Ibid., pp. 1081, 1082.

---

5. DIA MUNI JISAS UPLA TAKANBA Tausdi Siakwa kati, 2

a. Upla helpkara Jisas dia daukaia balan? Jan 3:16, 17; 1:12; Luk 19:10. "Yawan upla klala briaia kanba Jisas brin, baku lika sipkan yawanra swaki wansakaia. Wan saurka dukiara dusprignira witin pruan, ao witin lika saura kumisin daukraskan baku lika sipkaiakan wan helpkara aisaia. Yawan pruaia kataba wan pliskara witin pruan baku lika raiabankaia lakaba wankaia dukiara."— The Desire of Ages, p. 25. b. Jisas sakripaiska taka nahki kli wanbukansa? Galisan 4:5–7; Hibru nani 2:10 "Jisas sakripais tara daukanba purkara wala apu, Adam kiamka nani sutra saurka albika lakawina swaki sakaia ya uplika aikupia laki tawi Dawanra balbia naniba, an kauban Lâ kriki kabia apia, sakuna padin makabia an nanarawina taura bilawawalra baku kabia. Jisas lika wan kiaptinka witin tasbara upla baku balan an airaiaka paliwal patran painkira kum wan marikan nahki bilawalaiaba an Dawanwal asla iwaiaba. Wanpura sunraba karnika tara brisa an wan sinskara helpmunisa aihwaki kaia wan aisanka, wan daukanka nanisutba kasak kabia dukiara."— Testimonies for the Church, vol. 2, p. 664."Jisas yamni kaikisa ailuhpia nani bilawawalra naniba, an witinwal kakaira takan naniba, selp aiwina brinkakat wataukrasba sakuna ai raiaka aiska Spirit Holikira mihtara mankan an kasakka lakara iwi naniba." — The SDA Bible Commentary [E. G. White Comments], vol. 6, p. 1077.

MAKABANKA LUAN NANI BA LAKI KAIKS Praidi Siakwa kati, 3

1. Kau tasba paskras kainawina Jisas nahki kan? 2. Yâ mita heven naniba paskan an tasba plamaika bapan? 3. Ingnika rait aihwaba yâ wina balisa? 4. Prapit Aiseya mita Jisas ninaba dia makisa, Aiseya 7:14 ra? 5. Jisas upla tnatkara tasbara balan pyuara witin dia takan?