Sandi
Kuswa kati, 2
1. PLIKI KAIKANKA KUM TUKBIBA
a. Nikudimus kupia swapni takikanba nahki marikan? Jan 3:9
"Jisas mita Nikudimus ra wiaia wantkanba naha: upla lukanka naniba mita apia ingni solkamra maikbia. Man nitsmaba lika kupia raiakum baku apiasa kaka sip apiakama heven tanka briaia. Mesaia tanka kau brimaba mita apia kau yabal wapnira maimankbia sakuna Spirit Holikira mita baman sipsa. Kli aisubitakan uplika raiakaba satwala, kainara diara tihu nani aitanka briraskanba nanara aitanka brisa. Wan kupia almuk taski, an wahrabawal sip Dawan Lâ ka bilawalras.
"Jisas aisankawal Nikudimus uba mayara aidarawalan. Ao, witin skul tara dimankan sakunna spirit lainkara smalkankana sip aitanka briraskan. Jisas mita lukanka kum wala mapara kahbraskan.
"Heven ingnika sirpilupia Nikudimus sinskara diman. Jisas aisankabawal witin sibrin takan bara makabiwalan: “Nahki sipkabia baku takaia?” Jisas tawi tankira an latwan lakawal ansamunan. Man lika smasmalkra kumsma israel tilara sakuna naha nuapiasma?” Jisas aisankawal Nikudimus lisin painkira kum lantakan, praut takaia watlikara bawan laka brin kan spirit lainkara smalkankana sip aitanka briraskan. Ao, Jisas mita sturi raitba wisata sakuna aibila swapni an latwan lakawal. Baha minitkara aitanka sip aiska briraskan sakuna Jisas pruan wina buan ninkara Nikudimus aitanka aiska brisata."— Testimonies to Ministers, pp. 368, 36.
Mundi
Kuswa kati, 3
2. DAUKANKA CHENSTAKAN
a. Parisi naniba diaura aimayunra brikan? Luk 18:9–12.
"Jû nesanka nanira Dawan mita winankan ai naslara warktakaia, sakuna witin nani uba tarapulan an uba kasakkira aidarawalikan. Pyu wihka Dawan warkka daukikanbara aimana kau ailal bribia lukikan. Gentail nanira Dawan mita winanka daukanba jû nani mita laik apiakan, witin nani baman kasak nesan wala naniba saurakira kulkikan."— Christ’s Object Lessons, p. 400.
b. Jisas diawal prakan Spirit warkkaba wankupiara? Juan 3:8.
"Pasa binkaba dus tnawa an wahia nanira walisa, an wan nakrawal kaikisa nikbiba; sakuna sip wan nakrawal kaikras, upla kumisin sip wiras aniwina balan an anira auyaba. Sin bakusa Spirit Holikira warkkaba upla kupiara. Sip upla mita aisi tanka wanwibia apia. Uplakum sip witin nuapiasa wanwiaia ahkia aikupia lakanba, ar trabilkum taka witin Dawanra kasak lukanba. Sakuna bawal wiras witin aikupia lakras. Spirit Holikiraba sin pasa baku warktakisa wan kupia raia, klin an kasakka wankisa. "— The Desire of Ages, p. 172.
c. Dawan tankaba wankupiara nahki ulbisa? Aiseya 30:21; Jirimaya 42:3; Matyu 16:17.
"Tawa tawa, sipsa uplikaba aidarasin walras kaia Spirit Holikira mita aikupiara warktakiba an Jisas warkka taraba tanka marikisa. Yawan upla dia daukaiaba lika wan taimka mankaiasa Dawan bila Holikiraba stadi takaia, wanpura sunaia bakusin wan walkara wednis aisaya gaspel sturka yamniba dukiara. Spirit Holikira mita ingnikaba taim kumira baman lika wankras sakuna ria riara wankisa kau pawi auyabawal. "— Ibíd.
"Dawan Spiritka Holikira wan maihsa nihkibara kaisa wankupia karna daukaia apia, wilinkira aibila walaiasa an yarka yabal kasak wapnibara wan tapaki brihwabia."— Letters and Manuscripts, vol. 12, Letter 53, 1897.
Tiusdi
Kuswa kati, 4
3. KLI AISUBITAKAN MARIKANKA
a. Spirit wankupiara aiwarka daukiba nahki sipsa kaikaia? Galisan 5:22–25.
"Pasa ba sip yawan kaikras, sakuna aiwarkka daukiba lika yawan kaikisa an wandara walisa. Sin baku tnatkara Spirit aiwarkka daukisa wan kupiara bara wandaukanka, wan aisanka nanira marikan kabia. Spirit Holikira mita wantabrisa pyuara wan raiaka aiska satwala wandaukisa. Kainara diara bahkira man lukikanba nanara holi lakara lukisa an bahara iwisa. Lilia laka an prilakabara wan brihwisa." — The Desire of Ages, p. 173.
b. Chenstakan blising kaba ahkia wankisa? Roman 10:9, 10; 1 Jan 1:9.
"Upla kumisin kaikras wan karbanka Jisas twilkiba, an hevenwina ingnika baliwiba. Blisingba yawan brisa wan solka aiska Jisas ra yabisa pyuara. Spirit Holikira aiwarkka takrikisa paskanka raia an Jisas wal wantalia wan daukiaia." — Ibid.
"Dawan Spiritka Holikira mita wan raiaka wanpira wanbrihwisa kaka, baku lika heven tanka tihuka naniba tanka bribia an Dawan daukanka nutakbia. Nikudimus naha lisinka lantakan bara witin kristian kasakkan." — Testimonies to Ministers, pp. 369, 370.
c. Jisas mita diawal prakisa Spirit warkkaba? Matyu 13:33.
"Plawar tilara leven wal miks munisa bara aiwarkka daukisa bara brek daukanbara yaban puskisa. Heven kasakka lakaba bakusa wankupiara takaskisa pyuara wan solka aiska paskanka raia wandaukisa Spirit Holikira karnikawal, wan brinka, wan lukanka almuk naniba sut swisa an holi lakara iwi lantakisa. Kainara laikkan dukia naniba nanara misbara kaikisa, an kainara nuapiakan dukia naniba nanara nutakisa, sin yapan wina rawibuwan baku, an nanara sipsa Dawan Lâ ka bilawalaia." — Christ’s Object Lessons, pp. 98, 99.
Wensdi
Kuswa kati, 5
4. MARIKANKA KUM KAKAIRA
a. Jisas diawal prakanka daukan aipruankaba? Jan 3:14, 15.
"Jan 3:14,15 ra aisiba lika Nikudimus witin pain aitanka brikan. Bras pyutka kum Moses twibiarara bukanba lika tukinkum Mesaia tasbara bal pruaikanba tanka. Twi biarara Israel luhpia nani purara Dawan klala blikan pyuara, Moses ra adar yaban bras pyutka kum dauki duspurara bukbia kiamp lila pasra. Dawan adarkawal Moses mita uplasutra wisata: ‘pyuta saman uplikaba bras pyutkara kaikbia prubia apia dukiara’. Upla nani pain nukan bras pyutkabara lika karnika apukan. Naha lika tukinkum bamankan Jisas bal pruaikanba. Sin tnatkara Jisas aiwinatara palira upla saurka twilkan kabiasa swaki Sasakra baku. Roman 8:3. Israel luhpia nani ailal kasak lukikan daiwan iki sakripais daukibawal karnika brisa upla saurka klin daukaia. Jisas wantkan yaka aitanka bribia baku apiaba tanka. Bras pyutka karnika apukataba bakusa sakuna baha lika prakanka kum bamansa Jisas ra kasak lukaia an witinra bila walaia."— The Desire of Ages, pp. 174, 175.
b. Jisas swaki sakaia warkka daukan, sakuna manas dia muni pruan? 1 Korint 10:9; Hibru nani 3:12.
"Taniwalara israel luhpia ailal barakan bras pyutkara tawi kaikraskan witin nani lukikan bahara karnika apusa, yakan tasba saikawal rawaia traikaiki banhwan sakuna kausaura taki an baku ban prui banhwan kata, sipkan rawaia Dawan bilawalankan sa kaka. ."— Patriarchs and Prophets, p. 432.
c. Swaktakaia wantsa kaka anira kaikaiasa? Hibru nani 6:19, 20.
"Saurka trabilka tarabawina upla sipsa swakwi takaia Dawan bilawalbiasa kaka. Israel luhpia nani bras pyutkara ya kaikanba rawikan. Kasak lukaiaba diara tarapalisa. Dawan dia aisan nanibara bahki kulkaia apia. Jisas pruankara yawan kasak lukaia dusprignira wan helpkara wark tara daukanba baharasa karnika tara wan saurka lakawina priwansakaia an klin wandaukaiasin."— Ibid., p. 431.
Tausdi
Kuswa kati, 6
5. WAN NAKRABA WAPNI BRIKAIA
a. Dia lisinka Nikudimus ninkara lantakan, nahki yawan bahawina lantakaiasa? Epesu 2:8; Luk 13:20, 21.
"Upla ailal makabi walisa: dia muni kristian ailal Dawan bilara kasak lukisa wisa kuna ai daukanka almuk nanira ban iwisa chenstakras? Dia muni kristian ailal ai sturka aisiba karnawal aiwalkara aisisa praut laka an tarapulanka ban brisa? Kristian ai nina baman brisa sakuna tasba dukia nanira lihkisa an idan nani iwanka tnatka nanira ban iwisa. Praut laka ailal brisa, selp aiwina kat baman lukisa, an ai tnatka almuk nani ban nina blikisa. Baha trabilkaba lika ao, upla manas kristian lika takan li wina aihtabi takan sakuna Spirit wina lika aihtabi takras. Airaiaka aiska Dawan ra yabras Spirit Holikira mihtara aimakras bara kainara diakanba kat ban iwisa. Naha sat kristianka nani lika gaspel sturka smalkankara karnika tikisa aidaukankawal, Jisas wedniska kum saura yabisa upla wala wan kaiki nanira." — Patriarcas y Profetas, pp. 361, 362.
"Kasak lukan lakaba Dawan bila smalkanka walanbawina balisa. Roman 10:17. Dawan bila ulbanka naniba lika wan daukankara chensmunaia karnika tarabrisa. Jisas aipura suni aisata: “Holi dauks bilamra; man bilamba sika rait kasakba” Jan 17:17. Dawan bilaba staditakaia bila walaia an bahara iwaia, baku lika wan saurka nanibara puraluwaia sipkabia. Spirit Holikiraba mita wan saurkaba wankan tanka brisa an Jisas warkka tara daukanba wankan tanka brisa an pana witinra latwan kaikisa an wan raiakaba sipsa yus wanmunaia aikupia laka daukaia dukiara." — Christ’s Object Lessons, pp. 99, 100.
Praidi
Kuswa kati, 7
MAKABANKA LUAN NANI BA LAKI KAIKS
1. Jisas pyuara parisi naniba dia daukanka brikan?
2. Aisas nahki yawan Jisaswal baku takisa?
3. Wankupia chenstakanba nahki sipsa kaikaia?
4. Bras pyutka purara bukan tukinkaba sturka ria aisas
5. Dawan kupia pihnnika lakaba nahki leven bakusa wan kupiara?