Sandi
Siakwa kati, 12
1. JISAS AIWARKKA TAKRIKANBA
a. Jisas tasbara balanra anira aiwarkka takrikan? Jan 2:1, 2.
"Jisas tasbara aiwarkka takrikan pyuara Jû priaskawatla tauplika nanira adar sakraskan. Galali tawanka sirpi lupiara pamalikum marit takikanra balan an bahara aikarnika marikan. Baku tnatkara witin upla yamnika liliakabia plikiba param sakan. Twilawanra lika trabil ailal aipurara balan waihla sauraba mita traikakaikan sakuna puraluan. Bahawina balan uplara blissing yabaia dukiara, an holi lakara iwaia lakaba marikan upla nanira."— The Desire of Ages, p. 144.
b. Marit lilika kau tnata alkras kainara dia takan? Jan 2:3.
"Mery brindaukikan Jisas mita upla nanira marikbia witin Mesaia kanba tanka. Bilakaikikan bahara Jisas tukin tarakum daukiwal klertakbia barakan uplika nani mawanra.
"Baha pyuara iwikan uplika naniba aitnatka brikan marit takaia lilikaba wik aiska dauki kaia. Baku lika plun an wain naniba ailal rididauki brikaiakan. Kau marit liliaka wik ka bilara danh takraskanra nutakiakawan wain ba pat danhtakan kanba. Bara uplasut sari an namhpara lukan. Marit lilika kumra wain danhtakaiaba aitani apiakan. Paiwan uplika nanira kanbi mahkawas wisa baku wal kulkikan."— The Desire of Ages, p. 145, 146.
Mundi
Siakwa kati, 13
2. JISAS AIYAPTIKAWAL
a. Jisas yaptika dia aisan, an dia ansika brin? uan 2:3, 4)
"Jan 2:4 bara ulbansa Jisas ai yaptira ansa munanba, baha lika respek munras tnatkara apiasa. Kan baha pyua daukanka nanibawal bakukan Jerusalen ra iwi uplika nani. Baku tnatkara marikikan uplika makabi dukiaba witin bilawali daukaisa. Jisas raiaka naha tasbarakan pyuara witin patitara aisan dukia naniba bahakat wapikan an kulkanka tara yabikan ai Lâ ka bilara ulbanba baku: ‘Aisikam an yaptikamra kulkanka yas’. Impakan sturka 20:12. Dusprignirakan taim Jisas aiyaptika helpkara disaipil Jan ra makaban tabaikbia dukiara."— The Desire of Ages, p. 146.
b. Jisas yaptika mita dia win tibilra plun kahbi nanira, nahki sin baku yawanra wan aisisa? Jan 2:5.
"Jisas nina blablikra kumi bani airaiakara marikan kaiasa Dawan bila kasakkara iwiba tanka, pana pana ai walka aikuki latwan lakara iwikaia selp wanwinakat baman lika kaikaia apia. Dawan mita ai blisingka wankbia wan muihni nani aikuki sermunikaia lantakaia wan nitka nani tilara. Spirit Holikira mita sinslaka an karnika wankbia nahki trabil nani briba puraluwaia. Dawan bilara diara aisan naniba bilawalaiasa an wan raiaka palira wednis painkira kum kaiasa wan kaiki naniba nakrara. Ao, wan watlabilara wain danh takbiakra witin wanwibia dukiaba daukaiasa. Jan 2:5."— Testimonies for the Church, vol. 6, pp. 414, 415.
c. Jisas mita diadaukbiawin tibilra plun kahbi nanira? Jan 2:6-8.
"Durdimaia lamara bukit walpawal paskan matlalkahbi (6) barakan lî upla bribia dukiara, Jisas mita plun kakahbra nanira adar yaban bukit naniba lî banhkbia. Witin nani Jisas bilakat wali diawinba kat daukan, ninkara Jisas mita wisata kapkumra saki marit lilika tabriba uplikara brihwas, pat wain takankan."— The Desire of Ages, p. 148.
Tiusdi
Siakwa kati, 14
3. JISAS WAIN DAUKANBA
a. Wain tibilra kahban pyuara marit lilika tabrikanba dia aisan? Jan 2:9, 10.
"Jisas liwina wain daukanba bribalan pyuara marit lilika tabrikanba aibilakum dihkaikan bara nutakan naha kaupainkanba tanka wain wala nani pastaura yabankan nanibawal purkara, satwala kau pain an kau auhnikan." — The Desire of Ages, p. 148.
b. Jisas wain daukanba diasatkan? Aiseya 65:8.
"Marit lilikara Jisas wain daukanba lika patrankumkan witin pali aitalia dusprignira laikaikanba upla swaki sakaia dukiara, wainkaba swahraskan sin wain dusa mâ wina minitkara taibisakan pitka, bansin wisata: ‘sauhkpara, kan bahara blising ailal barasa’. Aiseya 65:8.
"Jisas wain dauki marit lilikara yabataba lika swahraskan auhni klin an lî din wandauki taim daskiba baku. Jisas wantkan wan patapira an diara yawan dî dukiaba painkabia. " — The Desire of Ages, p. 149.
c. Dia Baibil aisisa wain swahwan dukiara? Sinslaka 20:1; 23:29–35
"Jisas, witin pali mita Testament Almukra Israel luhpia nanira kupia krauki wisata: ‘Wain swahwi tahpla takan laya diaiaba aitani apia kan upla sinskara sauhkisa. Sinslaka 20:1. Baha mita Jisas marit lilikara wain daukanba swahwi tahpla takan apiakan. Setan mita waikna an mairin nanira traika kaikisa kan witin dia plikiba lika upla sinskara sauhkaia bara Spirit Holikira sip uplikara warktakbia apia dukiara. Jisas witin balanbawal gaspel sturka yamni bribalan waikna an mairin kahwanbawina kli bukaia. Setan mita Jisas ra twi biara plunwal traika kaikan, Jan tatabrara kau aisubras kainara Dawan mita yaptika an aisikawalra kler wisata diasat pata tuktanra dakakan kaiaba. Kan plun ban tanis piaia an laya tahpla diaiabawal setan waikna an mairin ailalra batakisa" — The Desire of Ages, p. 149.
Wensdi
Siakwa kati, 15
4. JISAS PATRANKA LILIA DAUKI PYUARA
a. Jisas wain daukanbawina dia yawan lantakisa? Jan 2:11.
"Jisas witin Dawan baku pain nukan nahki tnata pyuara iwi uplika naniba wain swahwi tahpla takan an plun piaiawal setan mita sinska sauhki saurka albikara brikabiaba, sin Noa yuara kata ba baku. Baha mita witin naha tukinka daukiwal marikan galali tawanka sirpi lupiara marit lilika daukata pyuara. Dawan dia brin daukiba lika waikna an mairin nani kahwanbawina kli bukaia sinska an winatara yamni kabia heven suliarka takaia. Sakuna setan plikisa nahki muni uplaba kau kunin muni ai albika lakara ban brikaia, laya tahpla an plun inipas paiaia satkabawal."— The Signs of the Times, 16 de abril de 1896.
b. Jisas daukankawina nahki yawan reslaka an satispais sipsa sakaia? Matyu 11:29.
"Upla kahwanbawina kli buki wapnira mankaia warkkaba lika aslasa winatara saunkawal. Ao, Dawan Lâ ka Matawalsip bara kulkanka tara yabikan sakuna parisi nani sin lakara satwala daukan ba maparakan, baku lika Jisas traikaikan Lâ tankaba kasak uplara yaka lantakaia ban purak purak lika apia. Baku tnatkara Jisas galali tawanka sirpi lupiara marit lilikakumra balan, upla nani barakan nanira landaukaia."— The Desire of Ages, p. 150
"Upla selp aimayunra plikiba Jisas yamni kaikraskan sakuna upla aikuki aslatakaia lihkikan. ‘Uplakum aiwatlara Jisasra paiwisa taim witin liliakira wikan, mawanka kulkraskan lahlakira, umpira, skul diman ar skul dimras sa sapa. Uplasutra wantkan helpmunaia saurka albika lakawina prisakaia dukiara. Ao, baha pyuara an naiwarasin marit lilika ailal daukisa pyuara lahla ban bahkira tikisa, baha lika Jisas yamni kaikras, witin brin daukisa umpira tnatkakat diarasut pitkakat marit lilikaba daukan kaia. Waikna an mairinwal marit sakaia lakaba lika Jisas mita tasba paskan pyuara bapan, Adam an Ev walra marit saki Idin kiadinra mankan an bles munan kata."— The Desire of Ages, p. 150, 151.
Tausdi
Siakwa kati, 16
5. NAHKI AITANISA PAMALI LILIKARA KAIA
a. Jisas patrankaba nahki satwalakan parisi nani daukankawal? Sinslaka 18:24.
"Jisas warkkaba wihki Jû tauplika nani warkkawal satwalakan. Jû nani mita kulkanka tara yabikan ai almuka nani smalkanka dukia naniba an prias daukikan sakuna purataia bamankan, uplara yaka selp lukaiaba adar yabraskan. Witin nani sibrikan kiamka walawal mikstakaia. Baha taka mita kiamkawala naniwal prauraskan an selp Jû uplika nani paliwalkatsin aslatakraskan. Selp aiwinakat baman kaikikan upla umpira nani helpkara diara daukraskan." — he Desire of Ages, p. 150.
b. Pamali lilika tilara dia wansinskara brikaiasa? Sinslaka 11:30.
"Wan sturka aisanka painkira kaia sipsa, sakuna wan daukankawal marikras kaka bahkira bamansa. Kristian raitkum Spirit Holikira mita paskanka raia daukanba ai aisanka an aidaukankawalba sin dukia kaiasa, witin plikisa nahki aiuplika walara helpmunaia, sip yawan wiras yang Jisaswal aslasna sakuna ai uplika wala helpkara diara daukras kaka. — El Deseado de Todas las Gentes, p. 298.
"Jisas wedniska kasak kum kaiasa kaka Spirit Holikira mita sinslaka an karnika wankan kaiasa, waikna an mairin raiakum wan daukanka almuk sutba wina pritakan kaiasa. — The Adventist Home, p. 428.
Praidi
Siakwa kati, 17
MAKABANKA LUAN NANI BA LAKI KAIKS
1. Aisas Jisas kenanra tukin daukanba taka nahki upla kasak lukan?
2. Jisas nahki witin ai yaptika Mery ra kulkanka yabikan?
3. Marit lilika tabrikanba nahki witin ta iwan wain kaikan pyuara?
4. Diasat wainka tibil pyuara yabaia aitanisa Jisas taliawal pakanba?
5. Pamali lilika tilara dia wansinskara kaiasa Jisas daukanka wina?