Sandi
Kakamuk kati 2
1. UPLARA YARKA WAN WALAIA
a. Jisas samariara yu wal kan wina anira wan, baha sturka walanra ya uba pain lukan? Jan 4:43–46.
"Jisas kli Galalira balan sturkaba tawan aiska istipali nutakan, upla siknis nani bilakaikanka brikan ai sikniska wina rawaia. Kapernaum ra lika king warkka tatakra kanba witin sturi yamni baku walan."— The Desire of Ages, p. 196.
b. Diakan king warkka tatakra Jisas kaikaia balan? Jan 4:47.
"King warkka tatakra kum luhpiaba siknis palikan sika kumisin sip apiakan rakaia, daktar nani sip witinra help munraskan an ban lukikan baku prubia; sakuna tuktika aisika walan Jisas upla rakiba sturka, bara witin traikaikan help makabaia."— Ibid., p. 197.
Mundi
Kakamuk kati 3
2. NAMHPARA LUKAN SAINKA
a. Aisas nahki Jisas param sakan king warkka tatakra kupia wihrika ailuhpia rakbia dukiara Kapernaun ra? Jan 4:48.
"King warkka tatakra luhpiaba swapankan bara aisika sibrikan witin kli baltaubiakat pat pruankra kabia, ban lukan witin pali wabia Jisas ra makabaia. Aisa kum purasunraba sipkabia Jisas walaia.
"Jisas, Kenan ra balan pyuara, upla kwara tarakum witinra kutbi brikan. King warkka dadaukraba witin ban upla tilak Jisas kat wan. Jisas kwalka dimraba umpiraba kaikan pyuara ban namhpara lukan. Witin kasak lukraskan Jisas sipkabia diarakum daukaia ailuhpia helpkara, sakuna Jisas mawankat balan an makaban witinwal aiwatlara wabia, Jisas pat nukan waiknika kupia wihrika tanka.
"Jisas kaikan tuktan sikniskira aisika trabil brikanba ailukankara, sip aiskasut kasak lukraskanba tanka. Witin makabankaba help munras swibiasa kaka Mesaia baku bribia apia.
"Diarasut kler kaikikan Jisas ba Mesaiaba tanka, sakuna naha king warkka tatakra witin wantkan ailuhpia siknisbara rakbia."— The Desire of Ages, pp. 197, 198.
b. Yawan sain kum plikisa pyuara dia wan kupia krauki kaiasa? Matyu 12:38, 39.
"Jisas aima manasra aiswira baku brikan aiuplika nani palira heven ingnika tara yabankan naniba mita witin aibila walras an kasak sin lukras kanba dukiara."— Ibid., p. 198.
"Jû nani sain kum makabikan Jisas witinba Mesaiasa kaka marikbia. Sakuna pana tawi Jisas nan wisata: Sain kumisin maikbia apia. “Spirit Holikira mita baman upla sinskara yaka ingni takan kabia bara aitanka bribia Dawan bila aisanka nani patitara wina ulban dukia naniba. Dawan bilaba lika smalkanka pruankum baku man apia, witin lika raiasa Spirit Holikira mita wan sinskara yaban bal takaskisa. Bara diara tihura naniba wankan tanka kasak brisa"— Selected Messages, bk. 2, p. 95.
Tiusdi
Kakamuk kati 4
3. DAUKANKA PANA MAPARA
a. Aisas nahki Jû an Samaritan uplika naniwal lukan satwala brikan Jisas, Mesaia ba tanka? Mark 6:2–6; Jan 4:40–42.
"Parisi nani brindaukikan prub munaia Jisas ba uplara kunin mamunra kum baku. Bara witin nani aman watchs takikan Jisas aisanka nanira wahra tnatkara daukaia wantkan. Aiprautka laka, uba tarapulanka brikanba mita Jisas aisanka naniba saura wali banhwikan. Jisas mita Jû nanira kiama aubi wisata warkkam naniba wal marikisma setan luhpia baku, jû ka nani tawi nan wisata man lika dibil brisma." — Selected Messages, bk. 1, p. 70.
"Jisas param marikan Jû nani kasak lukrasba sakuna Samaritan nani lika witinra kasak lukan an sain kumisin makabraskan. Jisas aisanka sturka naniba latankan uplawina apiakanba tanka kan karnika tarawal upla kupia karnaba krikikan." — The Desire of Ages, p. 198.
"Ao, Jisas witin jû kan, sakuna samaritan uplika wal trabil apu aisikan, parisi an jû nani mita bahki kulkikan uplika nanira. Witin nani aikuki aiwatlara yapan an aitibilkara plun pin an yabalra smalkan." — The Acts of the Apostles, p. 19.
b. Aisas nahki kau Jisas balras kainawina prapit kuninkira nani barakanba dukiara Jirimaya 20:8–11.
"Parisi nani mita Jisas dusa kuhban sturka naniba sut kunin bamankan. Sin baku Steven an Pal mapara daukanba sinbaku. Sakuna naha kuninkara upla ailal kasak lukan setan suliarka nani kanba. Witin nani plikisa sturi kunin wal praki Dawan uplika nani purara trabil bribalaia.
"Upla sinska setan mita kuntrul muni naniba witin nani diran dauki baku plikisa nahki muni aikuninka lakawal kristian nani purara rausauhkanka an taibi munanka bribalaia. Aima manas Jisas ra pat mihtara mankaia plikikan nani bila prakan sakuna kauban witin nani tnatka plikikan kunin daukiwal." — Selected Messages, bk. 1, pp. 70, 71.
Wensdi
Kakamuk kati 5
4. MAKABANKA KUM BAWIKIRA
a. King warkka tatakra kasak lukanra nahki kli Jisas ra makaban? Jan 4:49.
"Ingnika kum baku Jisas aisankaba paramra sakan king warkka dadaukra kupiara kanba. Witin nanara aidarawalan ai kasakka lukan lakaba bahkikanba. Aikupia wihrikara aitanka brin witin namhpara lukiba taka sipsa ailuhpia pruaia. Witin nukan Jisas sipba wan lukanka sut nutakaia, an witin aimapara diara kumisin sipapia apuba… nanara aikasakka laka Jisas ra lukan Jekob kataba baku, ensal wal aiklabikan pyuara wisata: ‘Mai swimna apia blis aimunrasma kaka’ Blasi sturka 32:26"— The Desire of Ages, p. 198.
b. Jisas, king warkka tatakra watlara waia pliskara dia daukan, yawan baha wina dia lantakisa? Jan 4:50)
"Jisas kau diara tarakum yabaia lika apukan. Sakuna brin daukikan tuktanba rakaia an king warkka tatakra watlabila sutra swaki sakan laka blisingka yabaia, baku Kapernaum ra ingnika kum bapaia, pyu kunhkura witin bara warktakaia waiakan bamna. Sakuna king warkka tatakra witin nitkan nutakaia Jisas tingkika lakaba tanka. Naha sat waiknika lika upla ailal lukankawal bakusa. Ao, Jisas ra pliki balan sakuna selp aiyamnika dukiara. Waiknikana brin daukikan Jisas aikarnikawal helpmunbia ailuhpia sikniskawina rakaia, sakuna heven tingkika laka lika aitanka briraskan.
"Jisas sip uplakum witinra pliki balanba ban lulki swiras, nitkaba kaikisa. Jisas mita wisata: ‘Was’; ‘luhpiam painsa’. King warkka tatakra tawi mahka aiwatlara balan lilia an aikupiara saplakawal. Ai luhpia rawbia dukiara baman lika apia sakuna Jisas ra Sasakra baku kasak lukan."— Ibid., pp. 198, 199.
"Yawan sut brinwandaukisa isti Dawan ansa munbia wanpura sunraba, ban swapni takisa minitkara ansakum briras pyuara. Sakuna Dawan lika sinskira palisa bara witin nusa dia taim wanpura sunra ansika wankaiaba."— The Ministry of Healing, pp. 230, 231.
Tausdi
Kakamuk kati 6
5. RAKAN AN SWAKISAKAN
a. Nahki tnatkara Jisas mita king warkka tatakra luhpiara rakan? Jan 4:51-53. Dia wankupia kraukisa? Epesu 3:20,21.
"King warkka tatakra rait kasak lukanra, Jisas mita tawi wisata: ‘Luhpiam raiasa’, Dawan latwanka mita rakan."— The Desire of Ages, p. 199.
"Kapernaun tawankara tuktan siknis lamarakan naniba kaikan isti satwala takan. Prura distika witin wina plapan. Rihkaba pain takan nakra ingni painkan, wina aiska swapnikataba nanara painkan. Siknis yuika kumsin winara apukan, bara aiwinka puhbanwan ninkara painkira yapan. Tuktan pamalika aiska uba lilia takan an ta iwan kata."— Ibid.
b. Uplakum Jisas ra help makabisa pyuara nahki ansa munisa? Matyu 11:28–30.
"Jisas, sip uplakumra lulki swiras witinra pliki balanba ai trabilka tara tilara. ."— Manuscript Releases, tomo 14, p. 161.
"Bankra man damra walisma uba saurakira bara sip Dawan wina blising maikbia apia? Kupiam kraukibas Jisas balan witin upla saurakira swaki sakaia dukiara. Upla kumi mita sip wan painka dukiara Jisas ra aisaiaba apusa; sakuna wan nitka taraba mita wan nikbisa bara wanminara bui Jisas ra plikisa. Selp wankarnikara lika kaikaia apia Jisas wark tara wan helpkara daukanbara kasak lukaiasa.
"Mihti bilara lahla praiska kum lika bribalras sakuna man dusam prihnira kasak lukisna."— The Ministry of Healing, p. 65.
Praidi
Kakamuk kati 7
MAKABANKA LUAN NANI BA LAKI KAIKS
1. Diakan prapit nanira yamni balanka yabras selp aikuntrikara?
2. King warkka tatakra nahki marikan witin kasak lukraskanba?
3. Jisas dia daukan tawan uplika nani witinra kasak lukrasba?
4. Yâ nani kau Jisas ra kasak lukan, Jû ar gentail nani ?
5. Dia Jisas pramis munisa witin aiwinankara wali nanisutra?