Pas sabat kaliksanka

Yawan sut nusa war nani ailal takiba, lapta uba mita saumuk mâ nanira sauhkiba, bapurkara lisamra, prari, tasba nikban, an ban siknis satka ailal takibawal sut wan marikisa Dawan balaia bailaba sainka nani. Yawan ridikaiasa wan uplika nani trabil brisa pyuara wan mihta sakbi helpmunaia diara sirpikumwal pan.

Man nani dia presantkam sirpi blikismabawal yawan wan walka nani trabilra nanira helpmunisa kuntri sat sat bilara an trabilka sat sat tilara. Bamita kauban wilinkira mihtan sakbibas naha pas sabat presantkam naniba bribalram kabia.

Man nani kupiam wilinkira mihtam sakbi presantkam wankramba taka upla ailal aiwatla lustiwan nanira yawan papakni sirpikum dauki yabansa, bakusin rau an piarka nanira plun dakakaia watla nanisin paskansa. Bakusin naha presantkam naninawal yawan saumuk mâ nani yabansa manki bahawina ai helpka bribia dukiara. Naha lika upla ainasla lustiwan nanira.

Dawan ra tingkika sakisa naha traika kaikanka nani tilara man nani kupiamra kanban presantkam nani wilinkira bribalisma uplikam wala nanira helpmunaia dukiara. Dawan blisingka man nani puramra kabia an ai Spiritka mita tambrikabia.

Bansakuna naha trabilka nani wanpurara baliba lika danh takras kau an kau tarasa yu banira. Ba mita sip yawan wiras kau sip wan walkara helpmunikapras.

"Jisas ra kasak lalukra kumi banira makabisa wan kupia pihnikira wal wan uplikara helpmunaia. Yawan baman brikaia lika apia sakuna blising wankiba tawi wan walka nitka brinanira yabaiaba Dawan kupia lakasa "— Counsels on Stewardship, p. 14.

Naiwa man presantkamba Dawan ra bribal yas riaman kabiakra apia ailal kabiakra kupia aiskawal yas bara blising briram kabia. .

Muikam nani afis lalka taraba wina