Upu Tomua

O ē sa’ilia ea le manumalo i lou olaga kerisiano? O lea la ua ē sau i le nofoaga sa’o:

I le tusi lona lua na tusia atu e Peteru ia i latou na latou maua “lea lava fa’atuatua tau tele” fa’atasi ma ia, ua fa’ailoa atu ai e le aposetolo le fuafuaga fa’alelagi mo le fausiaina a’e o le amio Kerisiano.” – The Acts of the Apostles, p. 529.

O le mataupu muamua o le 2 Peteru, o loo tumu i fa’atonuga, ma o loo fa’ailoa mai ai le manatu autu o le manumalo. O le upu moni o loo matuā fa’amalosia ma’oti mai lava i le mafaufau e ala i le auala o loo a’oa’oina mai ai i lenei mataupu. Ia matuā sili atu ona tatou lagolagoina le su’esu’eina o nei upu, ma le fa’atinoina o nei poloa’iga.” – The SDA Bible Commentary [E. G. White Comments], vol. 7, p. 942.

E matuā aoga lava le fausiaina a’e o amioga moni fa’akerisiano i lenei taimi o le tala’aga, lea o le a vave lava ona tatau ona tatou tula’i ai e aunoa ma se Puluvaga o aioi mo i tatou i totonu o le nofoaga sili ona paia o le malumalu i le lagi! O nei la manatunatuga tāua lava i o tatou mafaufau, o tagata su’esu’e uma lava o le A’oga o le Sapati i le lalolagi atoa, o le a taula’i atu i Lesona mai i Tusi a Peteru (II).

E le’i i ai muamua lava se taimi na matuā sili atu ai ona tāua lo tatou fa’afitia o i tatou lava ma si’i a’e le satauro i aso ta’itasi, nai lo le taimi lenei. O le a le tele o le fa’afitia e le tagata o ia lava, o loo tatou naunau e fa’atino?” – Testimonies for the Church, vol. 9, p. 186.

“E tatau ona tatou tofusia i le natura fa’alelagi, ina ua tatou sosola ese mai i le amio leaga oi le lalolagi e ala i le tu’inanau. . . .

“E leai se a’oa’oga i totonu o le Upu a le Atua e pei o se filifiliga e aunoa ma ni aiaiga – a i ai loa i totonu o le alofa tunoa, ua i ai lava fo’i i taimi uma lava i totonu o le alofa tunoa. I le mataupu lona lua o le Peteru 2, o loo fa’amanino ma fa’ama’oti mai ai le mataupu lea. . . .

O Upu o le Tusi Paia o loo fa’amanino mai ai e fa’apea, o i latou na iloa muamua le ala o le ola ma sa latou olioli i le upu moni, o loo ua lamatia i latou i lo latou pa’u’ū e ala i le liliu ese mai i le upu moni, ma ua leiloa i latou. O lea la, o loo mana’omia se liuaga maumausalī i aso ta’itasi i le Atua.

“O i latou uma lava e sa’ili e lagolagoina le mataupu lea o se filifiliga – a i ai loa i totonu o le alofa tunoa, ua i ai lava fo’i i taimi uma i totonu o le alofa tunoa, o loo latou faia lenei tulaga e tete’e atu ai i le fetalaiga manino, ‘Ua fa’apea ona fetalai mai o Ieova.’ . . .O i latou ua liua moni lava, ua tanumia fa’atasi i latou ma Keriso i le fa’atusa o Lona maliu, ma toe tutū a’e ai mai i le tu’ugamau suavai i le fa’atusa o Lona toe soifua mai nai le oti, ina ia savavali i le ola fa’afouina. O le usita’i fa’atuatua i le upu moni, e tatau ai ona latou fa’amautinoaina lo latou vala’auina ma lo latou filifilia.” – The SDA Bible Conmmentary [E. G. White Comments], vol. 6, pp. 1114, 1115.

“O lo tatou va’ava’ai ma lo tatou fa’ata’ita’iina o le soifuaga o [Keriso], o le a toe fa’afouina ai i tatou i Lona fa’atusa. O le mamalu o le lagi o le a susulu i totonu o ō tatou olaga, ma toe lafoia atu ai i luga o isi. I le nofoali’i o le alofa tunoa, e tatau ona tatou sa’ilia ai le fesoasoani tatou te mana’omia e mafai ai e i tatou ona ola fa’apena. O le fa’apaiaina fa’amaoni lenei, ma o le a se isi tulaga e sili atu ona maualuga e mafai ona fa’ananau atu i ai tagata o loo ola i tino e mafai ona oti, nai lo le feso’ota’iina atu ia Keriso e fa’apei ona pipi’i atu o le lālā i le vine?” – Testimonies for the Church, vol. 5, p. 306. Amene!

O le Matagaluega o le A’oga o le Sapati a le Koneferenisi Aoao