Taulaga Sapati Muamua mo le Matagaluega o A’oa’oga a le Koneferenisi Aoao

O le a’oa’oga, e fa’apei o le fa’apaiaina, o le galuega lea o le olaga atoa, o se vaega tāua tele lea o le olaga fa’aletagata. O lenei Sapati matou te ole atu ai mo lau lagolago i le fa’alauteleina o le o’oo’oga o lenei vaega sili ona tāua o le ekalesia.

E tatau ona tatou a’oa’o ina ia avea i tatou ma misionare amata mai lava i ulua’i tausaga o ō tatou olaga. “O so’o moni ta’itasi uma lava, e fanau mai i totonu o le malo o le Atua e avea o se misionare” (The Desire of Ages, p. 195). “Ia ē matuā a’oa’o so’o ai i lau fanau, ma ia ē tautalatala a’i, pe a ē nofo i lou fale, pe a ē savali fo’i i le ala, pe a ē ta’oto, pe a ē tula’i fo’i” (Teuteronome 6:7). Ma a fa’amausaliina loa le manumalo, ma ua lē toe i ai se agasala ma ni tagata agasala, o le galuega o le a’oa’oga o le a fa’aauau pea.

O le taimi lenei e lē’i fa’apea lava ona faia muamua, o la tatou ekalesia e tatau ona sauni e tu’uina atu tusitusiga e mafai ona fa’aaoga e matua e fa’amausaliina ai fa’avae faia fa’alelei fa’alea’oa’oga mo a latou fanau, o talavou e mafai ona tutupu a’e i se iloa e fa’atatau i le finagalo o le Atua, ma o tagata matutua e mafai ona fa’aauau ona fa’atamaoaigaina ai i latou.

Ae o se mea e fa’anoanoa ai, o le tele o A’oga ua latou liliu ese mai i le a’oa’oina o a’oa’oga fa’avae, ae ua aga’i atu i le avea ma nofoaga tutotonu e a’oa’o ai le fa’alelalolagi. O le iloaina e matua o le tele o le a’afiaga ua faia e a’oa’oga i a latou fanau, o le tele o i latou ua latou tu’uina mai mana’oga mo tusi a’oga e fesoasoani ai i le a’oa’oina o a latou fanau mo le viiga ma le mamalu o le Atua.

O lea la, o le Matagaluega o A’oa’oga a le Koneferenisi Aoao o loo ia galuea’iina se Fa’asologa atoa o mataupu uma o a’oa’oga mo lenei sini. O lo latou galulue fa’atasi ma a

tatou faia’oga ma iuni eseese ma koneferenisi i laueleele eseese, o le galuega o le sauniuniga o lenei polokalame o loo faia nei.

Ae ui i lea o le galuega e telē atu nai lo tupe o loo i ai nei. Matou te mana’omia la outou foa’i ma le loto i lenei taulaga ina ia saunia tusi a’oga, ma fa’aliliuina, ma ia fa’ataugofie ai. O lau lagolago e mafai ai ona matou saunia tusi a’oga sili ona lelei ina ia “agava’a ai mo olaga aogā i le olaga lenei ma le auaunaga i le Atua i le olaga atoa e fa’avavau”, le au su’esu’e e fa’aaogaina nei tusi i totonu o a tatou a’oga, ma a tatou a’oga i totonu o aiga.” – Counsels to Parents, Teachers, and Students, p. 495.

Matou te malamalama o lenei galuega e telē, peita’i e matuā aogā lava. O lau lagolago mai o le a matou saunia ai tusi a’oga e fa’a’a’upegaina ai i latou e sili ona laiti i le lotolotoi o i tatou, ina ia latou tu’uina atu ma le fa’amanuiaina le feau o le tala lelei i le lalolagi atoa.

Fa’afetai atu ma ia fa’amanuia tele le Atua i meaalofa ma i latou e foa’iina.

O le Matagaluega o A’oga a le Koneferenisi Aoao