Taulaga Sapati Muamua mo le Nofoaga Autu a le Iuni a Angola

O le matagaluega a le Fa’agaioiga Toe Fuata’i Aso Fitu O Le Toe Afio Mai i Mātū i sasa’e o Angola, na fa’avaeina e le Koneferenisi Aoao i le 2015, e auauna ai i itumalo e tolu – Kwanza i Mātū, Uíge, ma Malanje. O le itumalo mulimuli ei totonu o nofoaga autu o le Laueleele a Angola i Mātū Totonu. O lea laueleele e 181,110 kilomita fa’atafafā ma o le fuaitauaofa’i o tagata e tusa ma le 3,550, 774. O le Fa’agaioiga Toe Fuata’i Aso Fitu O Le Toe Afio Mai na o’o mai i lenei ogaeleele i le 1978 i se amataga fa’asolosolo. Ae ui i lea, i le 1990, e ala i le alofa tunoa o le Atua, o le galuega ua i’u ina fa’amausaliina moni lava i lenei nofoaga, ma talu mai lea taimi, e lē’i muta lava le feau. O la’asaga tāua lava ua tauaveina i luma ma o le feau o le upu moni mo le taimi lenei ua o’o atu nei i le tele o nofoaga lata mai i lea ogaeleele.

O lo matou mana’oga i le taimi lenei, e mo se fale ofisa ma ni ona potu e galulue ai mo le aufaigaluega a le Iuni a Angola, o se fale tusi, ma se fale tele mo fonotaga.

Ua matou maua le fanua i se vaega eleele e faigofie ona malaga i ai tagata. Matou te fa’amoemoe e mafai ona matou fausia ai le fale o loo mana’omia i lenei nofoaga, ina ia fa’ailoa tonu atu ai le galuega paia a le Atua i lenei itu o le atunu’u.

I le manatunatu i le galuega tele o loo i o matou luma, matou te mana’omia ai se fa’alapotopotoga fa’aletapua’iga o le a fa’atagaina le tu’ufa’atasia ma le fuafuaina o gaioiga i se fa’atulagaga atoatoa ona lelei – ma ia manatua ai “[O le Atua] Na te mana’omia le fa’atulaga lelei ma le fa’asologa lelei ina ia mulimulita’ia i le ta’ita’ia o mataupu fa’ale-ekalesia i le taimi lenei e lē itiiti ifo nai lo aso anamua. Na te finagalo i Lana galuega ina ia tauaveina i luma ma le mae’ae’a ma le ma’oti ina ia mafai ai ona Ia tu’uina mai i ai le fa’ailoga o Lona finagalo fiafia mai. O le kerisiano e tatau ona fa’atasi ma le kerisiano, o le ekalesia ma le ekalesia, o le mea faigaluega fa’aletagata e galulue fa’atasi ma le Atua, o mea faigaluega ta’itasi uma e i lalo ifo o le ta’ita’iga a le Agaga Paia, ma tu’ufa’atasia uma ai i le tu’uina atu i le lalolagi o tala lelei o le alofa tunoa o le Atua.” – The Acts of the Apostles, p. 96.

O le feau o le fa’aolataga e tatau ona o’o atu i laueleele uma, ma ua tatou mautinoa “o le a lē to’ilalo le Alii, o le a lē mafai fo’i ona fa’aumatiaina, se’ia o’o ina Ia auina mai le fa’asalaga i luga o le fogaeleele; o atu motu fo’i o le a latou fa’atali mo lana a’oa’oga” (Isaia 42:4).

“I lenei la malamalama’aga matou te ole atu ai i o tatou uso ma tuafafine i le lalolagi atoa ina ia fesoasoani mai ia i matou e ala i lo latou matuā foa’i ma le agalelei i a outou taulaga i lenei galuega e fesoasoani ai i le fa’asalalauina o le tala lelei i tagata i lenei vaega tele o Angola. Tau ina ia fa’amanuia tele le Alii le Atua ia te outou.

O ō outou uso ma tuafafine mai i le Iuni a Angola i Mātū i sasa’e