NgeSonto
, Ncwaba 10
1. UBUTHAKATHAKA NOKWEYAMA KWABANYE
a. Kuyini uJesu aziqhathanisa nakho, futhi kungani-na? Johane 15:1 (isigaba sokuqala).
“Esikhundleni sokukhetha isundu elithobekile, umsedari ophakeme, noma isihlahla se-oki, uJesu wakhetha umvini namagatsha awo athandelayo ukuba aziFanekise ngawo. Isihlahla sosundu, umsedari, kanye ne-oki ziyazimela zodwa. Azidingi ukusekelwa. Kodwa umvini othandelayo uzungeza izinti zokuphasa isithombo, futhi ubheka phezulu. Kanjalo uKristu ngobuntu Bakhe wencike emandleni angcwele. ‘Mina ngingenze lutho ngoKwami,’ Ezisho ngoKwakhe. Johane 5:30.”-The Desire of Ages, pp. 674, 675.
b. Yisiphi esinye isifundo uJesu ayefuna ukusifanekisa ngomvini-na? Johane 15:1-3.
“AmaJuda ngokuvamile ayebheka umvini njengesitshalo esihlonipheke kunazo zonke, nohlobo lwalo olunamandla, oluhle kakhulu, nolunezithelo. UIsrayeli futhi wayefanekiswa njengomvini uNkulunkulu awutshalile Ezweni Lesithembiso. AmaJuda ayebeke ithemba lensindiso yabo kumcijo wokuhlangana noIsrayeli. Kodwa uJesu uthi, Mina nginguMvini. Ningacabangi ukuthi ngokuhlangana noIsrayeli ningaba ngabahlanganyeli bokuphila noNkulunkulu, izindlalifa zezithembiso zikaNkulunkulu. Ngami kuphela ukuphila kwesimoya kuyamukelwa.”-Ibid., p. 675.
NgoMsombuluko
, Ncwaba 11
2. ISIMO SOKUCHUMA
a. Yisiphi isimo esibalulekile empilweni yobuKristu ethelayo-na? Johane 15:4.
“Ukuhlangana kwegatsha nomvini, Esho, kufanekisa ubudlelwano obufanele buqiswe Kimi. Ihlumela lixantiswa emvinini ophilayo, umucu nomucu, umthambo nomthambo, likhule esiqwini. Ukuphila komvini kuphenduka ukuphila kwegatsha. Kanjalo umphefumulo ofile ebubini nasezonweni uthola ukuphila ngokuxhumana noKristu. Ngokukholwa Kuye njengoMsindisi wakhe ubunye buyakhiwa. Isoni sihlanganisa ubuthakathaka baso emandleni kaKristu, ubuze baso ekugcwaleni kukaKristu, ubuthakathaka baso kumandla kaKristu angapheliyo. Kanjalo sizoba nengqondo kaKristu. Isihawu sikaKristu sithe sathinta isihawu sethu, nesihawu sethu sathinta ubungcwele, kanjalo isithunywa soMoya Ongcwele abantu baba ngabahlanganyeli bemvelo engcwele. Wamukelwa njengoThandekayo.”-The Desire of Ages, p. 675.
b. Kwenzekani kumuntu ohlukaniswe noKristu-na? Johane 15:6.
“Ubunye noKristu, lapho bakhiwa, kufanele bulondolozwe….lokhu akukona ukuthinta kokunganaki, kodwa ukuba nokuxhumana okuvumelanayo. Igatsha liba yinxenye yomvini ophilayo. Ukuhlangana okuphilayo, amandla, nezithelo ezisuka empandeni ukuya kumagatsha akuphazanyiswa futhi kumi njalo. Ukwehlukana nomvini, igatsha alisoze laphila. Angeke, kusho uJesu, ukuba uphile ngaphandle Kwami-na? Ukuphila okuzuzile Kimi kungagcinwa kuphela ngokuxhumana okuqhubekayo. Ngaphandle Kwami angeke nanqoba nesisodwa isono, noma nimelane nesilingo esisodwa.”-Ibid., p. 676
c. Umfundi weqiniso wembulwa kanjani-na? Johane 15:4; 8:31; 13:35.
“Uma abantu behlanganiswa ndawonye, kungesikho ngokucindezela noma ubugovu, kodwa ngothando, babonisa ukusebenza komfutho ongaphezu komfutho womuntu wonke. Lapho kukhona lobunye, ngubufakazi bokuthi umfanekiso kaNkulunkulu ubuyiselwa ebuntwini, nokuthi umyalo omusha wokuphila uthe watshalwa. Kuyabonakala ukuthi akhona amandla kwimvelo engcwele yokumelana nemvelo yezithunywa ezimbi zasemhlabeni, nokuthi umusa kaNkulunkulu uthobisa inhliziyo yozalo lwemvelo.”-Ibid., p. 678.
Ngolwesibili
, Ncwaba 12
3. UKUHLALA KU-KRISTU
a. Yini ezoqinisekisa imiphumela yokuxhumana kwethu njalo noKristu-na? Johane 15:5, 8.
“Impande ithumela ukudla kwalo ngegatsha ukuya kwelinye ihlumela. Ngakho-ke uKristu ukukhulumisana namandla omzila wesimoya kuwo wonke amakholwa. Uma nje umphefumulo umunye kuKristu, ayikho ingozi yokuthi uzobuna noma ubole….
“Uma siphila ngokukholwa eNdodaneni kaNkulunkulu, izithelo zikaMoya zizobonakala ekuphileni kwethu; akukho noyedwa ozoduka.”-The Desire of Ages, p. 676.
“Siyamdinga uJesu; ukukhanya Kwakhe, ukuphila Kwakhe, umoya Wakhe, kufanele ube ngowethu imihla yonke. Siyamdinga ihora nehora. Kufanele sikhuleke ekuseni ukuthi njengoba ukukhanya nokubukeka kwelanga, futhi okugcwalisa umhlaba ngokukhanya, kanjalo Ilanga Lokulunga lingakhanya emakamelweni engqondo nenhliziyo, kusenza sonke sikhanye eNkosini. Akukho esingakwenza ngaphandle kobukhona Bakhe umzuzu owodwa. Isitha siyazi esingakwenza ngaphandle kweNkosi, futhi sikhona lapho, silungele ukugcwalisa izingqondo zethu ngemibono ezosenza siwe ekuqineni kwethu; futhi kuyisifiso seNkosi ukuthi umzuzu nomzuzu sihlale Kuye, kanjalo siphelele Kuye.”-My Life Today, p.
“Bonke abamukela uKristu njengoMsindisi wabo kufanele babonakalise iqiniso levangeli nokonga amandla asindisayo ekuphileni. UNkulunkulu akenzi izimfuno ngaphandle kokwenza amalungiselelo okugcwaliseka kwazo. Ngomusa kaKristu singafeza konke uNkulunkulu akudingayo. Yonke ingcebo yasezulwini kufanele yembulwe ngabantu bakaNkulunkulu.”-Christ’s Object Lessons, p. 301.
b. Yisiphi isimo esingahlala ngaso othandweni lukaKristu-na? Johane 15:9, 10; 1 Johane 2:5.
“UNkulunkulu ufisa ukwembula ngawe ubungwele, ubuhle, ububele, besimilo Sakhe. Nokho uMsindisi akanxusi abafundi ukuba basebenzele ukuthela izithelo. Ubatshela ukuba bahlale Kuye.”-The Desire of Ages, p. 677.
“Injongo enkulu kaNkulunkulu ekusebenzeni kokuhlinzekela Kwakhe ukuvivinya abantu, ukubanika ithuba lokukhulisa isimilo. Kanjalo uyabahlola ukuthi bazolalela noma bangalaleli umthetho Wakhe. Imisebenzi emihle ayithengi uthando lukaNkulunkulu, kodwa ibonisa ukuthi sinalo lolothando.”-Christ’s Object Lessons, p. 283.
Ngolwesithathu
, Ncwaba 13
4. UKUBUYISELA NGOKULIMAZA
a. Uthini uJesu ngezwi Lakhe elingumxhumanisa phakathi Kwakhe nabakholwayo-na? Johane 15:3, 7; 6:63.
“Kungenxa yezwi uKristu ehlala kubalandeli Bakhe. Lobu ubunye obubalulekile obufaniswa nokudla inyama Yakhe nokuphuza igazi Lakhe. Amazwi kaKristu angumoya angukuphila. Ngokuwamukela, uthola ukuphila koMvini. Uphila, ‘ngalolonke izwi eliphuma emlonyeni kaNkulunkulu.’ Mathewu 4:4. Ukuphila kukaKristu kuwe kuveza izithelo ezifanayo njengoba zinjalo Kuye. Ukuphila kuKristu, ukubambelela kuKristu, ukusekelwa nguKristu, udonsa ukondliwa kuKristu, uthela isithelo esifana nesikaKristu.”-The Desire of Ages, p. 677.
b. Chaza ukuthi uhlobo lwesimoya luguqula kanjani okuqondiwe nezimeko njengoba sizithoba ezwini likaNkulunkulu. Heberu 4:12; Amahubo 51:10.
“Izinceku zikaNkulunkulu kufanele zithwale ubufakazi obukhonjiwe, lobo obuzonquma inhliziyo yenyama futhi bukhulise isimilo.”-Testimonies for the Church, vol. 1, p. 249.
“IBhayibheli…liyilizwi likaNkulunkulu elikhuluma nomphefumulo nsuku zonke….Umsebenzi kaMoya Ongcwele ukukhanyisa ukuqonda okwenziwe mnyama, ukuthambisa ukuzifunela, inhliziyo yetshe, nokunqoba isephula mthetho esidlubulandayo, futhi simphephise kumfutho owonakalisayo welizwe. Umkhuleko kaKristu ekhulekela abafundi Bakhe uthi: “Bangcwelise ngeqiniso: Izwi Lakho liyiqiniso.’ Inkemba yoMoya, okuyizwi likaNkulunkulu, lihlaba inhliziyo yesoni futhi liyinqume ibe izicucu.”-Ibid., vol. p. 441.
“Kubo bonke abazozithoba ngaphansi koMoya Ongcwele isimiso esisha sokuphila kufanele sifundiswe; umfanekiso kaNkulunkulu owalahlekayo kufanele ubuyiselwe ebuntwini.”-Christ’s Object Lessons, p. 96.
“[Njengabantu bakaNkulunkulu abalambile nabomile] abazondla ngezwi Lakhe, bathola ukuthi lingumoya nokuphila. Izwi libulala imvelo, imvelo yomhlaba, futhi linikeza ukuphila okusha kuKristu Jesu. UMoya Ongcwele uza emphefumulweni njengoMduduzi. Ngesithunywa esiguqulayo somusa Wakhe, umfanekiso kaNkulunkulu ubuyiselwa kumfundi; uba yisidalwa esisha. Uthando luthatha indawo yenzondo, nenhliziyo yamukela ubungcwele obufanayo. Yilokhu okuchaza ukuphila, ‘ngalo lonke izwi eliphuma emlonyeni kaNkulunkulu.”-The Desire of Ages, p. 391.
Ngolwesine
, Ncwaba 14
5. UKUSHISWA NOMA UKUHLUNGWA
a. Kuyini uKristu azokwenza kokholwayo ozishoyo ukuthi ukuKristu kodwa engatheli isithelo-na? Johane 15:2 (isigaba sokuqala).
“Lapho ukuhlunyelelwa kwangaphandle okuhlangene nomvini, kungenzeka kungabikho ukuxhumana okubalulekile. Kanjalo angeke kwabakhona ukukhula noma impumelelo. Kanjalo kungabakhona ukuxhumana okubonakalayo noKristu ngaphandle kobunye Naye ngokukholwa. Ukuzisho ngokwenkolo kubeka abantu ebandleni, kodwa isimilo nokuziphatha kuzobonisa ukuthi sixhumene yini noKristu. Uma singatheli isithelo, singamagatsha amanga. Ukuzehlukanisa kwethu noKristu kubanga ukonakala okuphelele okufanekiswa yigatsha elifile.”-The Desire of Ages, p. 676.
b. Kuyini uKristu akwenzayo ngamagatsha ahlala Kuye-na? Johane 15:2 (isigaba sokugcina).
“UJesu ngobumene obuzothile uchaza inhloso yomlimi. Ukuhlungwa kubangela ubuhlungu, kodwa nguBaba osebenzisa umese. Akasebenzisi isandla esingazibambi noma inhliziyo engakhathali. Kukhona amagatsha ahushuka phansi emhlabathini; lawo kumele anqunywe ekusekelweni ngumhlaba izintandelo zawo ziyabambelela. Kufanele abheke phezulu, athole ukusekelwa nguNkulunkulu. Amagqabi angadingeki lawo asusa ukuphila okukhona kusuke kwisithelo kufanele ahlungwe. Nokukhula okungadingeki kufanele kunqunywe, ukunikeza indawo imisebe ephilisayo yeLanga Lokulunga. Umlimi uhlunga ukukhula okulimaza isithombo, ukuze isithelo sinothe futhi sithele kakhulu.”-Ibid., p. 677.
NgoLwesihlanu
, Ncwaba 15
IMIBUZO YOMUNTU NGAMUNYE
1. Ngingahlala kanjani kuKristu-na?
2. Ngingamukela kakhulu kanjani inzuzo “yokuhlunga kwesikela” Lakhe-na?
3. Uzoba yini umphumela “wokuhlunga” ekuphileni kwami-na?
4. Kungani uKristu esebenzisa umvini ukufanekisa lokhu kuxhumana-na?
5. Siyini isisekelo sokuphila koMkrestu othela isithelo-na?